支持及訂閱請按 Like

星期五, 11月 13, 2009

不如中央出八百億買起「政退方案」

消息:政改方案新增功能議席由民選區議員選出
2009-11-12HKT16:44
政府最快下周向行政會議提交政改諮詢文件,消息指其中一個建議,新增10個議席,直選與功能各佔一半,功能組別新增5席傾向由民選區議員選出,委任區議員則無投票權。

公民黨湯家驊認為方案難以支持,既無助邁向普選,又難吸引高質素專業人士循此途徑參政,亦有可能引起地區利益,影響整體議會事務的問題。

工程界議員何鍾泰對建議亦有保留,認為在功能界別中,大幅增加民選區議員數目,會影響功能組發揮的平衡角色。

民建聯議員葉國謙則表示,如果政府方案能令政制發展向前邁進,獲公眾支持,該黨會積極考慮。自由黨副主席張宇人,不贊成委任區議員沒有投票及參選權,因為這樣對他們不公平。

另外,政務司司長唐英年近日約見不同政黨,討論政改方案,包括明日將會見多名功能界別議員,下星期二則約見民主黨及公民黨。唐英年日前已跟民建聯、自由黨、經濟動力及專業會議等討論政改。
三個字:收皮啦!

咁鍾意比例不變,各減五席啦,加咩立法會議席o者? 而家立法會咁多垃圾,畀咁多錢出去,不如直選同功能組別各減五席,我地都仲可以考慮支持呀!

我而家就同政府認真討論;中共、土共以至曾特首成日同我地講,唔應該「原地踏步」,又話好多人都反對全面普選,又話佢地個方案增加咩民主成份。

但係點解我地要乜,佢地就一定唔畀,專畀 d 我地唔要o既野呢?

好啦,成日話我地否決你,不如咁啦,我地退而求其次,既然人大決定左功能組別同直選議席不變,既然泛民都唔想加,不如減議席啦!


我地唔需要「增加民主成份」,其實我地好愛中央o架,不如我地選擇「退還民主成份」,減少五個直選議席,再減少五個功能組別好唔好?

政府成日話咩區議會增加民主成份,不如咁啦,我地選擇廢除八百張飛的選委會,特首改由區議會議員推選啦好唔好?人數少過八百張飛,又係「減少民主成份」,o岩哂班土共口味啦係唔係?

一於咁話,中央退還高鐵興建費用六百幾億,再退還四川果百幾億,夾埋退還呢兩用唔哂的東江水果幾十億,齊頭八百億--全部原本都係香港人的錢,全數派畀香港市民,每人分到萬二蚊!我地就退還五個直選議席,以及五個功能組別議席,再退還選委會的人數,減到去得番區議員先可以選特首啦!

拿,成班「愛國愛港」人士成日話中央支持香港市民,又話咩發展經濟重要,我地呢個方案o岩哂佢地口味啦係唔係?

林忌拍心口,拉四個泛民議員支持你!特首快 d 考慮我地的偉大方案啦!



認真討論:
致所有泛民年輕一代的公開信
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    6 個月前

最近文章

再次伸延閱讀