支持及訂閱請按 Like

星期三, 10月 07, 2009

明報支持藏獨與李國寶婚外情

香港的傳媒垃圾,早已不是新聞;但垃圾到今日的田地,真係要令人全力恥笑。

對,今次又要取笑的對象,再一次係--明報。

大家睇一睇呢張由明報資料室提供的名單,再望望呢一篇「9諾獎華人得主 8個美籍」的文章,就會發現一個好簡單的錯處。

冇錯,就係點解明明係華人的 1989 年諾貝爾和平獎得主達賴喇嘛丹增嘉措,居然不在明報資料室的名單之上?

達賴喇嘛丹增嘉措唔單止係華人,根據中國國藉法,丹增嘉措在青海省出世,在 1959 年之前更係中共的官員,點計佢都係中國公民,比去上面「認屎認尿認屁」,比實際上歸化做外國人的「華人」,點解反而不在名單之上?

唔通明報支持藏獨,認為西藏唔係中國的一部份,所以西藏的達賴喇嘛就唔係華人?作為近年其中一份「愛國愛港」的傳媒,明報唔通做左美帝的走狗?要強把西藏分裂出去?

唔通明報編輯係漢奸!唔通明報編輯係賣國賊?唔通明報資料室居然連達賴喇嘛都唔當係華人?佢地唔係「公信第一」咩?連小學生都知達賴喇嘛係中國人啦,佢地居然唔知?

定係原來明報為左擦中共的鞋,因為知道今日的中共政府唔鍾意達賴喇嘛,所以就要為政治原因,係篡改名單,故意擦去達賴喇嘛的名,去欺騙全港的讀者?

由於明報進行分裂國家的活動,我建議台灣的國民黨政府,要好似對待達賴喇嘛訪台一樣,任何國民黨的官員,都唔再接見明報呢間機構的所有成員。

同樣的,大家近日談到甘乃威婚外情事件,再一次引起無限討論;第一個要佢辭職的原因,係佢「婚外情不道德」;聽完一連串一連串的道德討論之後,林忌開始被感動,覺得好同意,因此決定成立一個全港立法會議員道德審查的委員會,每年對呢班議員發出「道德審查報告」。

第一件事,林忌就立即去搵搵舊聞,再次發現原來七年前,即係 2002 年,我地的立法會議員李國寶,在巴黎婚外情爆房被影到,因此林忌聽完之後,感到我地必須要李國寶一齊辭職,否則對甘乃威好唔公道 right?

拿拿拿,點解李國寶爆完婚外情,大家都會繼續選呢個咁不道德的人,而特首仲會搵呢個咁不道德的人做選舉經理呢?唔通特首認為婚外情好道德?

有人又說:係「性騷擾」、係「施壓」,林忌聽完立即 O 左嘴..

咦?乜性騷擾唔係法院審理的嗎?如果係刑事罪行,乜可以未審先判,假定有罪嗎?如果係民事訴訟,咁當事人和解左,我地有權調查嗎?

點解咁多人要干預司法呢?點解咁多人大大聲要妨礙司法公正呢?我到而家,都對呢 d 荒謬邏輯諗極都唔明。

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀