支持及訂閱請按 Like

星期三, 10月 07, 2009

中國膠對民主的一場美麗誤會

今日蘋果新聞: 『可是當聽眾問他會否為此辭去立法會議員一職時,他的態度即時轉變,更像前特首董建華上身,認為「個人去留係一件好簡單嘅事」』

我想問一問記者,甘乃威同董建華有咩唔同?
董建華唔係民主選出來的,甘乃威卻係民主選出來的。

記者,問問你自己良心,你係唔係投了甘乃威一票的選民呢?

如果你係,你當然可以要求佢辭職;如果你唔係,你都可以要求佢辭職,但係有冇權要迫佢辭職呢?

我想問,咩叫民主呢?甘乃威係市民用投票選佢出來的;佢而家有冇犯法?冇;佢而家係唔係不能再執行職務?唔係;咁我地投左佢一票的市民,係唔係先係最應該有 say,甘乃威應該去,定係留?

定係民主原來係用把口講?例如,原來為左「民主派」大老的利益,就要「講政治」,對錯唔重要,就好似保皇黨一樣,最重要原來係「政治技巧」?

選民選擇了甘乃威,唔鍾意下次可以唔投佢一票;民主黨要制裁佢,好簡單,把佢開除出黨就是,叫佢退出黨就是,這就是政黨所能夠做得到的事。這亦是為何英國保守黨,都唔敢叫 2004 年的 Boris Johnson (今日的民選倫敦市長)把國會的議席當係私產,可以為政黨的利益,就隨時迫人辭去國會議席,而只係炒左佢的黨職而已。 

選民投了所謂「神聖的一票」,原來係假的?原來在「中國膠」的荒謬道德邏輯面前,就可以當係垃圾?咁如果下次共產黨同你講,在「愛國道德」下,要你放棄民主,咁你又係唔係可以唔理民主?可以唔理果神聖的一票?

正如林忌身邊最少有十票,都投了甘乃威,我地呢年幾兩年都好滿意佢表現,覺得佢比起大多數泛民議員都做得到野,例如在雷曼事件,在水浸事件,都做得比一般泛民議員多好多,因此我地會繼續投佢一票,即使佢搞婚外情、師生戀、或者去一樓一;但係呢班強迫甘乃威辭職的人,你地做緊乜呢?

你地做緊的事,就係運用你地的政治影響力,運用你地的壓力,去打壓甘乃威,去打壓我地呢班投左一票的人的權利,去打壓我地呢班投左一票的選擇的權利。

你要求佢辭職,又需唔需要民主制度呢?定係選的時候就要搵市民來玩,迫走人就可以傳媒做法官,大佬話事就可以當我地市民係死的?

如果甘乃威炒女助理係「上對下的施壓」,係「不合理的權力運用」,那麼傳媒而家你地做緊乜?你地同樣係「上對下的施壓」--對我地呢班投左一票小市民的欺壓,同樣係對權力做左不合理的運用,運用你地的影響力,去迫走我地心愛的議員。

更甚的係,議員助理係跟議員的;如果說甘乃威迫走一個助理係大事,咁而家你地迫走甘乃威,甘乃威的其他議員助理,原本冇事都被你地迫走;如果說迫走一個人係大事,咁迫走更多人,係咩事?

由乜野去決定迫走人的理由,係合理,定係唔合理;由乜野人去決定,令到人冇左份工,係合理,定係唔合理?係老闆(甘乃威),係職員,係選民,定係傳媒呢?定係傳媒自以為係上帝,可以令人冇左份工,都一定合理呢?傳媒你地而家係唔係賊喊捉賊,人地做左一次仆街,你地就要做十次仆街?

我地呢班記者係唔係全部都係政治白癡?我地呢班泛民大佬係唔係全部都係政治觸覺弱智?林忌一篇撐甘威的 post,在 facebook 一夜間超過五十幾個 likes 的推薦,係平時普通文章的五倍;乜原來今日的選舉制度,係計「有幾多人唔鍾意」一個人,而唔係「有幾多人死忠」去支持一個人?

對,民主黨如果繼續強迫甘威辭職,我可以好簡單地話畀你地知,你地係同我地呢班民主派的死忠支持者過唔去;土共點樣串你,普通人點樣食花生,佢地有投過你地一票咩?邊個投你地票?係我地,定係佢地?

民主黨絕對有權開除人出黨,但如果一個政黨因為一個這樣愚蠢的理由,去打壓我地選民的權利,對唔住,我呢一世都唔會再投你一票。
《完》

後記:當然,如果甘威自己唔想做,又或者為以退為進,乘勢推普選公投,又當別論。

伸延閱讀:
明報支持藏獨與李國寶婚外情

比較甘乃威與國際領袖緋聞
反看甘乃威事件
陳大文部落:從阿甘低能鬧劇看愚蠢港喱
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    1 個月前

最近文章

再次伸延閱讀