回覆邱誠武的弱智言論

邱誠武﹕高鐵終站在西九不要「吊腳線」【明報專訊】香港人到過歐洲或日本旅行，大多有乘坐當地火車的經驗，感到鐵路最大的優勢，是往返城市之間的方便、快捷，直達市區，免卻乘坐飛機需提早到機場辦手續和安全檢查之費時周章。

只係睇完上面呢段已經想笑；第一個問題：邱誠武你上次去歐洲大陸係幾時？第二個問題：邱誠武你有冇坐過連接英法的歐洲之星？

連傻仔都知道歐洲最興的唔係高速鐵路，而係自行開車自駕遊；再唔係就坐內陸機，今日在歐洲有無數的「內陸機場」，坐飛機就好似坐火車般方便，而不似國際機場那麼費時失事；香港最荒謬的，就係只有一個機場，而且這個機場對所有目的地都一視同仁，如邱誠武要學歐洲，最簡單就係選址開過另一個機場，到時就可以和全中國的城市接軌，而非只係一個廣州。

林忌常在在歐洲坐內陸機，大家好似坐旅遊巴咁勁方便，除了上飛機前要過下 X 光機之外，落飛機基本上查都唔使查，連護照都冇人睇，極度輕鬆方便；而且辦手續的時間，絕對唔會比起高鐵長囉，點解局長好似咁無知o架？

減去貴價機場成本，用平價內陸機飛行，全歐洲都係咁做；如果唔係點會有咁多平價機票、平價航空公司選擇？點解香港飛去北京仲貴過飛去倫敦、巴黎？中間食水深的是誰？

反過來，林忌就試過坐歐洲之星被延誤，點解呢？因為正如邱誠武所講，要提早到火車站辦手續，即使人冇遲到，但同樣係需要手續時間，所以唯有兩個鐘後的下一班車；去日本坐新幹線，同樣係早到時間不足，同樣由拒上車，邱誠武其實你自己去坐過幾多次呢？可唔可以公開回應一下？

「設在市區內，搭一次車便可抵達；要轉車兩次才到高鐵站」
哈哈哈哈哈，有幾多人去「九龍站」係唔需要轉車呢？點解要對去香港島的問題避而不談？

「西九的終站，能在15分鐘內到達大部分商業區；30分鐘內到大部分住宅區。因此，把高鐵終站只看成一個轉運站、接駁站，是不符合用家需要的根本設計失誤。」

全程恥笑－－邱誠武你在發甚麼音？要 15 分鐘、30 分鐘先「轉得到」的地方，唔係「轉運站」、「接駁站」係乜？唔通係「終點站」？

其實我地的局長係唔係有語癌？佢係唔係唔明咩叫「終點」？咩叫「接駁」？我地使唔使介紹佢睇癌症醫生？

『又不理解廣州如何利用石壁締造「廣佛同城化」』
再一次恥笑，建在廣州市郊，原來就有一個偉大的構想「廣佛同城化」，反過來香港如果把總站建在落馬州、錦上路等邊境地區，點解又唔係搞緊唐膠年之類的「偉大構想」「港深同城化」呢？反過來，建在西九龍，搞「硬膠同城化」呀？

「在於假設所有人都用九龍站的地鐵線轉車，人人要花12分鐘步行。其實，日後西九必然是一個交通運輸樞紐，旅客會使用地鐵、巴士、的士、汽車，甚至步行至高鐵站和西九文娛區」

發咩音呀邱誠武？日後必然會？唔係你係唔係切個頭落來呢？樞紐就冇啦，西九必然是一個交通運輸毒紐，連今日冇乜車，在圓方門口都成日大塞車；試過想返港島，塞左九個字都過唔到去，舊隧唔解決塞車問題，轉咩車都係塞到爆，因為出去只得一條路。
步行？步行原來今日要 12 分鐘，第日就唔需要？明明明，到時要跑嘛，所以快 d 囉 okay？

「全國的高鐵，從歷史的高度看，可比擬昔日中國大運河，連接大江南北，人貨交通匯流。它的功能壽命遠超2047年。當我們的隔離鄰居用上寬頻、光纖，我們仍在用撥號、銅線上網嗎？」

你同石丹理換位啦邱誠武；全世界的潮流，係短途飛機；當人人都用手提電話 3G 上網的時候，仲有傻仔用六百幾億大力興建用線入屋的寬頻，唔係傻仔係乜？

學下歐洲坐飛機啦傻仔！