支持及訂閱請按 Like

星期五, 10月 23, 2009

以後頭痛都唔畀自己買藥?

本港擬加強監管藥物 售賣維他命亦須領牌
2009-10-23HKT18:42
藥物監管制度檢討委員會通過建議,加強製藥監管,包括引入歐盟標準作為藥廠發牌條件,規範藥物生產。

另外,日後售賣維他命或頭痛藥等,都要取得牌照。

香港醫院藥劑師學會對建議表示讚成,認為有助保障市民健康;醫學會相信即使成本增加,市民亦會接受。

香港呢個社會係一個絕對反智的社會,醫藥分家一路都唔肯推行,次次執錯藥最多就係私家診所,醫生永遠靠冇專業的護士去開藥,出錯大家都唔覺得有問題,又唔需要藥劑師o架喎,搞到而家就連我地小市民去買頭痛藥,都話要有牌先畀賣,呢個咩世界呀?

香港就係一個完全扭曲的世界,大石壓死蟹,一層層的壓迫由上而下,到最底層的黎民就分成三種人,第一種就係斯德哥爾摩症的受害人,被人欺壓到慣左,仲要幫助果班去欺壓人的人;第二種就係變成極度仇視所有「資本家」,把社會不公的錯簡化為用社會主義制度可以解決的人;第三種人則係最痛苦,既了解病源但又無力制止,諗得多仲會癡線。

香港醫院藥劑師學會對建議表示讚成,認為有助保障市民健康--不如建議賣電腦又發牌,以免市民被電擊燒死;不如建議連賣食物(例如有骨的魚)都要發安全牌,教導市民要考牌「食魚牌」,以免被魚骨哽死;這個反智社會真正需要監管的,例如金管局果堆混帳,就永冇人提出要加強監管;完全冇需要監管的,例如連頭痛藥,就有一大堆膠人提出來要監管!

好啦,以後咩藥都唔畀賣,咩藥都要有藥劑師先可以賣,咩藥都需要醫生處方先可以再搵藥劑師買啦,醫生會開方畀你咩藥劑師?定係你地明知醫生唔使開方畀你,所以你要把頭痛藥等其他市民必須的用品,變成你地自己的「專利銷售產品」呢?定係因為高層班醫生阻擋唔到醫藥分家的壓力,於是就明知係反智卻要批准藥劑師發牌管理頭痛藥等的做法,順手又分一筆呢?

正呀!連頭痛都冇藥食,迫你一定要去睇醫生!正呀,再順勢推強醫金,每個月再屈你大一筆保健費,你班窮人真係病死都冇藥食啦!呢個係乜野黑暗世界呢?

對,邱騰華又話唔知但其實知,電子媒體冇一個敢報,冇一個敢提,即使係林鄭爆出來,都冇一個話係「誠信問題」;甘乃威明明只係兩個版本不完全一樣,就吹到係「誠信問題」;曾德成迫到兩個社工被炒冇左份工,唐英年講一句冇呢件事,就冇人會再查呢件事;甘乃威?賠左錢都仲要去立法會再審!呵呵,社民連五人辭職內鬥?嘩!大新聞呀,電視新聞都立即報埋出來,唔理係真係假,唔理有幾多證據,就好似甘乃威事件一定報出電子新聞!仲要唯恐唔鬥臭泛民唔心息果隻;高官有冇利益衝突,就唔係新聞,因此高官講一句「絕無此事」,就絕無此事;行政會議自己人查自己人,自己話曾蔭權冇利益輸送,就係冇利益輸送,呢個香港今日就係已經黑暗成咁,仲有一班傻仔係度大叫:「唔得!我地一定要跟對方的遊戲規則玩!」

哈哈哈哈哈

後記:TVB 以版權為由,實際上係打壓網上言論自由,去把這一小段片段從 Youtube 刪去,大家快幫忙轉發,林忌決定改片應市。
http://v.youku.com/v_show/id_XMTI3MTQzOTg0.html

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀