本來林忌看完這個「香港青年會」的調查,深入同感之後,在 facebook 成為了此組織的 fans,重新轉載一次他們的調查之後,再留下「支持!根據香港青年會的結論調查,立法會應該立即罷免特首以及邱騰華 」的留言;偏偏留言不夠幾天,這個會就把我支持他們的留言刪去!
我真的不明白,這個會用這麼多錢去訪問青年人,得出個結論發新聞稿畀各大傳媒,點解我地支持佢,佢都要刪除留言呢?副主席吳偉達,你條友可唔可以出來回應一下,點解你地要咁做呢?唔通「道德操守」唔包括貪污?唔包括「利益輸送」?唔包括「誠信問題」?
真係好奇怪,香港就係有咁多神奇人士;甘乃威事件中成班友大聲疾呼,話甘乃威說話「前後不一」--沒有示愛,但有好感,係「誠信有問題」,要上立法會去解釋;但係邱騰華同林鄭月娥兩個供詞前後不一,邱騰華話工廈活化政策同佢完全無關,林鄭月娥卻踢爆工廈活化政策經過環境局的處理--經過佢個局,可以說是完全無關?環境局局長唔係全權對環境局負責的嗎?咩政治問責制係用來做乜的?講到明就係「非公務員」,而要負上「政治責任」;而家邱騰華話慳電膽就冇經過市場調查,林鄭講到明有份的活化政策佢又話完全同自己無關,我想問邱騰華在辦公室做乜?真係好引人懷疑!參考下環境保護署的幾位同仁,可能有所發現!
環保署高官 辦公室睇鹹網 2009年08月03日 (07:42 am) 環境保護署一名首席環境保護主任被署方發現每日在辦公室瀏覽色情網頁,湊巧與早前被揭發同一問題的助理署長是同組上司下屬關係。公務員事務局對兩宗事件正展開紀律行動。涉事的助理署長事發後一直放大假,至今已近四個月,他還去信公務員事務局表示有醫生紙證明工作壓力大引致精神健康出現問題,因此才會「上鹹網」,態度強硬。
唔通邱騰華返工唔係處理慳電膽,唔係處理林鄭話佢關事的活化工廈政策,而係工作壓力好大,導致精神健康出現問題,因此要上鹹網去減壓?我絕對唔相信邱騰華會咁做!因為如果真係咁,實在係香港的不幸啦!冇可能的!絕對冇可能!我打死都唔信o架啦!你地千祁唔好屈我!佢而家咁神氣飛揚,點有可能精神健康出現問題呢?
既然邱騰華唔係返工睇鹹網,我深佢係一個負責任的局長,所以事無大小文件佢都一定有睇,而唔會乜都唔做 right?因此有理由相信,邱騰華絕對會對活化工廈的政策知情,更絕對會對莫家代理慳電膽知情,事實證明邱騰華證供前後不一,係誠信有嚴重問題!亦即係香港青年會所講,係道德有問題!有成九成的青年人,非常介意道德有問題的政治人物,甚至比藝人高,更認同當公職人員被裁定不當道德行為時,立法會應該運用罷免權!
係囉,咁點解香港青年會要刪我支持佢地調查結果的留言呢?唯一的解釋,佢地就係中國共產黨支部,佢地班人根本就係要毀滅甘乃威先去做呢個調查,所有之前說中共冇份鬥臭甘乃威的講法一次過破功,事實證明中國共產黨就係要消滅甘乃威,而所有支持土共消滅甘乃威的人,包括報紙其實都係幫緊中國共產黨的忙,係中了中共的反間計。
更重要的係,我地要立即投訴邱騰華同曾蔭權的誠信有問題,然後要立法會啟動罷免!我地要絕對支持香港青年會的講法,幫佢推到底!
「敬啟者:本人XXX,香港永久性居民,本人由2009年10月16日,《明報》、《蘋果日報》和《東方日報》等多份報章得知,行政長官曾蔭權及環境局局長邱騰華在草擬本立法年度《施政報告》時,於處理慳電膽相關資助及回贈時,未有披露行政長官長子的外父,為香港主要的慳電膽經銷商,有關做法涉嫌干犯以權謀私這普通法罪行。環境局局長邱騰華早前在香港電台聲稱和活化工廈政策無關,事前完全不知情,但卻被發展局局長林鄭月娥踢爆,環境局事先知情,可見邱騰華前後不一誠信有問題!令人懷疑邱騰華在行政長官的利益輸送問題上說謊;現謹要求立法會,引用《基本法》第七十三條第九款的權力,立法會委托終審法院首席法官組成獨立調查委員會,對有關指控作出調查,並考慮有關指控是否成立,足以提出彈劾案報請中央人民政府決定。
此事涉及重大公眾利益,以及大筆公帑,請儘速處理為要。
此致
香港立法會申訴部
市民XXX謹啟」
聯絡立法會秘書處申訴部。
辦公時間 : 上午8時45分至下午6時(星期一至星期五)
熱線電話 : 2526 4027
傳真號碼 : 2521 7518
電子郵件 : complaints@legco.gov.hk
地址 : 香港中區花園道3號花旗銀行大廈5樓
伸延閱讀
梁慕嫻:早期中共香港地下黨「灰線」
梁慕嫻:六七暴動惡花今結果