支持及訂閱請按 Like

星期一, 10月 19, 2009

邱騰華親弟未卜先知買舊工廈改建酒店

號外:勁呀!未卜先知呀!早在政策出籠之前,已經買定舊工廈申請改建做酒店呀!

邊間公司咁勁呀?之唔係邱騰華細佬邱騰達間帝邦囉!根據施政報告出街當天(即施政報告出街之前最少一天的採訪)的星島日報報導.帝邦執行董事邱騰達表示,是次是帝邦首次進軍經濟型酒店,做自由行及內地旅客生意,將打造成一個新品牌。(注意,呢單新酒店唔係舊工廈,但留意下面)

勁呀!可以在施政報告出街之前未卜先知,買定舊工廈去改建做酒店,簡直係賭神,連股神巴菲特都自嘆不如呀!

留意下面山市街項目,所謂工廠大廈改建酒店,是一項非常高風險的投機,因為要改建要過城規會,先要過環評,就算成功都要補地價,所以買舊樓重建,絕大多數的例子都係慢慢睇準手睇好,逐步逐步落手,而且通常透過幾間不同的子公司,以免被人發覺提高叫價;而好似呢個項目的例子,在 2008 年 1 月 16 日同一天之內,以四倍至十幾倍的溢價急急腳一次過全部買落來,唔通賺梗?買完落來申請改建,當中丟空的租金同按揭利息幾多錢呢?咁樣賭錢法,唔通係賭神?

留意 4 號單位,2002 年上手業主以一百二十六萬買入,佢地卻願意出一千五百萬,以十一倍的價錢買入,工廈價錢一向冇乜大升,唔通果度可以起到豪宅咩?酒店咋喎,仲要係西環區,唔通做酒店--特別係自由行生意的酒店,真係咁好賺?連等下先,慢慢傾價錢各個擊破都等唔切?何況買哂全棟工廠,就代表城規會一定批?就代表唔使補地價?其實呢間公司的作風之勇猛,會唔會令我地產生合理的懷疑?

呢間公司查查下就去左英屬處女島,只希望追落去唔會去左咩澤西島呀,列支敦斯登呀,唔係就水洗都唔清啦......

明報溫哥華版:邱騰華總理胞弟餅印一樣
【明報專訊】前幾日食晏經過金鐘某酒店,碰見近日因紮鐵工潮忙到一頭煙的勞工及福利局長張建宗,我立即上前睇下局長同邊過「撐䒷腳」。行近兩步,便見到一個樣貌跟環境局長邱騰華十分相似的男士,莫非張局長與邱局長有約?睇真點,原來是邱局長的細佬邱騰達(Tony)才真

星島日報:帝邦八億併購西環舊樓
帝邦邱騰達表示,西環項目投資十六億元興建經濟型酒店。(呢單唔係工廈,但係山市街係;而且帝邦專買舊樓起酒店,今次的政策簡直係度身訂造一樣)

(綜合報道)(星島日報報道)2009-10-14
帝邦剛完成併購西環文咸西街及德輔道西舊樓,佔地一萬四千五百七十九方呎,涉資八億元,樓面地價每方呎三千六百五十八元,該公司執行董事邱騰達指出,計畫發展為一間經濟型酒店,總投資額約十六億元,項目共提供五百五十個房間。(呢段同山市街地皮無關,只係想帶出佢係乜水)
...
施政報告亦提出工廠大廈活化政策,包括「按實補價」和定息分5年繳付的建議,市場普遍認為有助活化工廈,釋放舊工廈的發展潛力,迎合不同產業需求,並帶動物業交投,然而,不少業主在施政報告公布後,即時反價達10至15%,部份甚至封盤,市場估計工廈租售價年底前將再升10至20%,未來企業成本勢必上升。
...
帝邦發展消息人士早前以九千八百萬元,購入西環山市街三十二號西環新東大廈全幢,平均呎價約三千四百元,該物業現為一幢工廈
1. 工廠大廈改建酒店
2. 對專買舊樓起酒店的呢間帝邦來說,新政策係唔係度身訂造呢?
3. 買山市街工廈之前有冇內幕消息?
4. 政策係唔係擺明向帝邦利益輸送?
5. 邱騰華唔係又話唔知佢細佬做緊工廠大廈改建嘛?
6. 作為行政會議成員,如果佢明知佢細佬買左間工廠大廈,佢做左乜野呢?
7. 工廈批唔批唔係最主要的問題,問題係在於「不用補價」--目前該工廈仍未改建,一日未改建就一日未需要補地價,而剛好今日新政策出台,真好運!

(黃:該地皮屬於摩星嶺及堅尼地城分區規劃大綱草圖,大綱草圖話呢個地段可以做商住大廈,唔代表果塊地皮可以即刻改商住大廈,或者甲類住宅,仲要現有嘅大廈,正式作出規劃申請諮詢公眾至得。)

依家成個觀龍地區,都係劃成R(A),但好多大廈仲係工廈未改用途。
【明報專訊】舊工廈不拆但改裝成寫字樓或酒店不用「補價」
施政報告提出用4招將空置率高達6.5%的逾千幢舊工廠大廈,釋放和活化成寫字樓和酒店等支援本地產業發展,如改裝原工廈可免「補價」,或重建時可分期付補價等,為期3年。但測量師指,因工廈和商業樓市值相差高達一倍,售價或租金會有明顯上升空間。

曾蔭權施政報告中的重要議題,是有關活化工廠大廈政策,把舊樓重建,改建商廈或酒店。

再一次,我們又見到了對價關係--邱騰華提出「強送慳電膽」計劃,特首曾蔭權的親家就可以因而得益;反過來,曾蔭權又推出「工廠活化計劃」,剛好從事這個行業的,卻是邱騰華的親細佬邱騰達。

真的很奇怪,今屆政府提出的大計,點解隨手都可以搵到原來係由佢地家族的人經營?而且全部都係咁偏,咁「小眾」的行業.你話咩醫生、律師就話成街都係,偏偏賣慳電膽呀,買工廠大廈重建呀,呢 d 偏到唔偏的行業,卻偏偏上榜!

而且仲要係「首次進軍經濟型酒店」--真係準過賭神,勁過股神,首次就遇著政府大開綠燈,呢鋪仲唔發過豬頭?

第一個問題,邱騰華同樣作為行政會議成員,有冇申報佢細佬的職業?佢有冇避嫌唔出席有關政策的討論?

第二個問題,這是否又是另一個明顯的利益輸送?點解特首和邱騰華之間咁密切?由破格提拔,到關乎到又親家、又細佬的行業,全部都同今次的施政報告有關?當中是否利益輸送?

次次都咁橋,果然係曾水扁,咁邱騰華係林德訓、馬永成、定係蔡銘哲兄弟呢?

六大冚家產業,高官闔家富貴,群賊創新天,窮人墜深淵!(借自陳大文)

伸延閱讀:
邱騰華說謊欺騙市民鐵證
回應環境局「有關謠言全無根據」謬論
邱騰華親弟未卜先知買舊工廈改建酒店
以權謀私邱騰華三大罪
用甘乃威標準處理曾蔭權及邱騰華
打者愛也--香港傳媒對曾蔭權的厚愛
黃世澤:弊案滿天飛
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    5 個月前

最近文章

再次伸延閱讀