支持及訂閱請按 Like

星期二, 10月 06, 2009

反看甘乃威事件

林忌新戰略構想:土共想迫甘乃威辭職?好呀,民主黨快 d 宣佈以退為進,先以甘乃威辭職,來做普選公投的工作,由民主之父李柱銘參加補選,來領導民主公投!

其實看來看去,林忌都不明白,為何甘乃威事件會一再成為報紙的頭條。

對,這篇文的立場是「明幫甘乃威」,不喜歡勿看,因為全港各大報紙可以在沒有當事人出來指證的情況下,全靠一面之詞去砌低甘乃威,而且在絕不中立的情況下扮中立,那麼作為投了甘乃威一票的選民,林忌亦絕對有權出來表達自己的意見。

一個甘乃威的前助理投訴「甘乃威向佢示愛」,後甘乃威「求愛不遂」就將佢「不合理解僱」,其實講左咁耐,就算以上投訴全部都係真,佢犯左咩法呢?根據香港的法律,以上所有事都不涉及刑事。


1. 不合理解僱論:
不要忘記,議員助理的職位係「助理」,何為「助理」?即係不能獨立工作,而是幫助另一個人工作的職位--去幫助一個理事也;一向在商場上的慣例,凡助理者,合則留,不合則去,單係老闆覺得有人好樣衰,對住某人食唔落飯,或者無法再信某人,佢都有權將某人解僱也;反過來,唔通某人突然同陳克勤拍拖,你都冇權把佢解僱?解僱佢的理由,又係唔係「干預下屬私生活」?

議員助理唔係公務員,一個政黨的助理更加唔係公務員,議員助理就係政治,就係政治鬥爭的最高角力場,那麼要一個議員,和一個他不再信任的人一起工作,這是甚麼來由?這是甚麼邏輯?

最神奇的係,呢一份人工又低,工作時間超長,工作內容極苦悶,卻處理了最多政黨內部的機密,處理最多政治的鬥爭,以中共一貫的歷史慣例,就係最容易統戰的場所,就係最多間諜,偷取最多機密的地方;例如泛民飯盒會內容,例如兩大黨的「最高機密」,永遠兩日就爆上報紙,為何呢?原因就是擁有大量的「爆料者」。

當政黨懷疑有人爆料,當然唔會咁易有證據,如果為左自己政黨的利益,在冇證據之下去解僱某人,咁又係唔係「不合理解僱」?定係原來一定要證據確鑿,先可以解僱?好似國民黨被共產黨滲透的間諜,到國民黨遷台之後都捉唔哂,咁係唔係要香港的泛民主派,在搵唔到證據(好似今日咁,日日都被爆料),但永遠都唔可以解僱助理?

勁呀,遲 d 泛民總辭,議員助理可唔可以出來投訴議員不合理解僱佢地?唔係用法庭去解決,而係投過親共報紙傳媒去解決?其實香港人的邏輯係唔係有問題?

2. 示愛論
甘乃威有沒有示愛,唯一關我地事的,就係佢已婚;但究竟係甘乃威自己發姣,定係個女議員助理發姣,所有事情都係一面之詞。

連法庭對刑事案當中,有關非禮、強姦等一面之詞,都要採取好嚴格的取證規定,當事人的大律師,有權盤問證人,以搞清楚證人可唔可靠等等,但係今日呢件事上面,我地見到一個非常嚴重的指控,而當事人卻可以唔出頭,任由譚香文出來 hearsay,而唔需要面對盤問。

如果連非禮、強姦的嚴重罪行,證人都需要面對法官與傳媒,咁呢「求愛」的指控,又係唔係應該最起碼有當事人的親身指證呢?

甘乃威已婚走去求愛,當然有可能,但更有另一個可能,就係有花癡發花癲,大家在當今社會都見唔少,例如有歌迷發花癡向華仔示愛云云,雖然甘乃威其貌不揚,但最少係半個成功男士,在冇證據,未見過當事人的現身說法之時,傳媒可以一面倒去指證嗎?

法國總統可以狂搞緋聞,意大理總利甚至可以狂搞o靚妹,果然係國情不同,我地香港的議員原來在冇證冇據下「示愛」,都可以成為頭條;咩叫示愛呢?示咩愛呢?洋派作風絕對對「示愛」這個膠 term 不以為然,可是留在香港,就變成「地球好危險,我地快 D 返火星啦」的一件大事!

3. 可笑的「消息人士」
『消息人士對有線電視指出,甘乃威確實有向黨團其他八位立法會議員承認,曾對女助理表示好感,並承認「做錯咗」,遭黨主席何俊仁訓斥「好唔啱、好唔道德」。何俊仁又指女事主其後被甘乃威解僱,「任何人睇落去,都會覺得係求愛不遂引起」,認為事件一旦公開,甘辭職的機會極大。』

拿拿拿,由最初傳非禮,傳傳下跌到落去得番「示愛」,再由「示愛」跌到落去消息人士的「表示好感」!其實香港係唔係一個道德塔利班的社會?「表示好感」同「示愛」,好似係兩回事喎?我有少少喜歡佢,到我非常愛戀佢,中國人的邏輯係唔係就係可以如此互相偷換?

拿,甘乃威有冇向女方作出承諾,例如要離婚先?
拿,甘乃威有冇非禮女方先?

即使佢已婚,佢就唔可以欣賞其他女性,對其他女性表示好感?呢一點係甘太管的,關民主黨 X 事?定係以後凡係見到政黨工作的女性,所有人就唔可以向佢地表示好感?

又反過來,原來香港係嚴禁辦公室戀愛,所以凡有人表示好感,就係犯法?又或者最起碼,上司就一定唔可以向女下屬表示好感?

如果我係甘乃威,我只會答:「我係鍾意佢又點?吹呀?乜辦公室戀愛係刑事罪行咩?」

如果有日 A 君做左立法會議員,然後佢見到個女助理著得幾靚,讚佢一句:「嘩!你今日好靚女,好吸引我」,咁係唔係向佢示愛?

條女聽完發狂,大大聲說:「你結左婚,你好唔道德,你不知所謂... 下刪一萬字.....」

你見到條女道德塔利理上腦,覺得佢唔適合在做你助理,好後悔你見工選人時,只係取佢外表,冇睇佢內涵,咁又係唔係「示愛」之後的「不合理解僱」?

睇完甘乃威事件,第一件事好肯定的,就係呢世都唔好做議員,因為做議員要服務的,係一群弱智的人。

第二件事好肯定的,就係民主黨成黨都係膠;一件小事要搞咩紀律聆訊,愈搞愈膠愈多荒謬內容,然後人地就借你自己搞出來的膠,來打你自己,而唔係實質有咩錯。

第三件事好肯定的,就係泛民主派成個派都係鬼;泛民有邊次自以為係「機密」的事被爆料?成個黨都係鬼,成個派別都係鬼,可是乜都做唔到,想入去做到野?老共知仲早過你自己。

第四件事好肯定的,好多人想甘乃威死,無論係共產黨派的女特務,又或者佢自己發花顛不知所謂,由親共傳媒到泛民友好,都好多人想做低佢--這叫做槍打出頭鳥。

第五件事好肯定的,泛民內部好多人更多私生活上唔到檯,呢班友仲發白日夢想上位,祝佢地早死早著。

第六件事好肯定的,請泛民同民主黨多多上網睇下民意,大家對甘乃威事件,由頭落尾都當係一件笑料來睇,例如「譚香文指甘乃威兩次示愛」的標題,被高登網友評為「重口味」(幻想好似 d 爛 AV 片咁),例如兩位當事人的外表,就係成班網友花生討論的目標,示於甘乃威有冇示愛,佢係「企圖婚外情」,定係「妄想婚外情」,大家都係一口花生一路講,who fucking cares?

第七件事好肯定的,就係林忌一樣有幾路「消息人士透露」,女事主係一位好過敏的人,根據網友的看法,不少「港女」都有「被追妄想症」、「示愛妄想症」,咁件事究竟係乜?甘乃威就算認錯,代表只係「保守派」、「道德派」的看法,而絕對唔乎合時下年青人的標準。

第八件事好肯定的,就係民主黨如果決定要迫甘威辭職,係荒謬絕倫;咁鍾意辭職,辭職來普選公投,把壞變成好事啦寧願!

《完》


Facebook Group: 甘乃威乘勢辭職,民主之父李柱銘領導補選公投雙普選!
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    5 個月前

最近文章

再次伸延閱讀