支持及訂閱請按 Like

星期三, 9月 02, 2009

強制立法著泳衣返工

看過孫柏文在信報文章「飛人保特是人類之恥?」後,林忌覺得好不安,因為那些抽環保水的「西瓜組織」--外表係綠色,內裏其實是法西斯的紅、黑、白,對真環保者其實係好大的威脅!

因此除左效法那些有膠港特色的偉大社論之外,林忌開始積極考慮,我地應該組織一個新的環保組織,去學下人抽水,去對自己利益以外的問題,不斷站在道德高地,對其他人指指點點。

對,參考其他成功的例子--原來香港人好鍾意溫度計!香港人好鍾意規管他人的溫度環境,因此第一炮,一定要係同溫度有關!

再參考其他人不批判高官,卻只找部份市民做針對目標的做法,林忌的新建議,一定要得到一班人死忠的支持,去打壓所有反對的力量!

經過九九八十一夜的苦思之後,Eureka!我想到了!

絕密:環保視覺計劃
極絕密:環保視覺記者會
代言人:Chxxssie
計劃內容:在中環召開的環保視覺記者會,找出一位類似 X 柏文般,可愛、純情、溫柔、大方得體的俊男,隨心所欲,擺動手上的股票機!

穿著西裝的 X 柏文,就和那位著 Suit 的 Chxxssie 一樣,在股票機的擺動下,一件又一件,把身上的衣著脫去,先係外衣,然後係長褲,最後係......

冇錯!最後只剩下係穿著三點式泳衣的 Chxxssie!以及鏡頭急急閃過,只穿泳褲的 X 柏文!然後佢兩個就大大聲講一句:「使乜 25.5 度?只要大家著泳褲返工,返工冇冷氣?冇難度!一注獨贏!」

試想想,全港男士聽到返工所有女性著三點式,又點會得唔到大家的支持?點解人類寧可唔環保,卻要著衫?點解沙灘大家可以忍受三十幾度的高溫而唔需要冷氣,但係返工卻要冷氣?用環保 X 覺o既睇法,著衫返工,係最唔環保的!我地作為環保視覺,除了冇冷氣環保,而且仲可以睇落去個個都咁環保!救救地球,點解我地返工要著西裝?點解我地返工要著衫?點解我地唔可以著三點式或泳褲去返工?

試想想,同樣在熱帶或亞熱帶的非洲,又或者新畿內亞的原始部落,佢地就係最環保的人類啦!當人類自誇進步,卻不斷破壞地球的時候,點解我地唔可以改變一下自己的習慣,向呢班表面上係原始,實際上係環保的人類學習呢?

幻想一下,如果人人只披一塊細布,每一年可以減少幾多浪費的衣著?每一年可以減少幾多無謂的布料,造成污染的染料,仲有可以養少幾多食草地造成水土流失的綿羊?仲未計每一件衫送去洗時,造成幾多的污水,幾多的人造清潔劑流入江河大海?仲未計令絕大部份時裝店關門,可以慳到幾多燈,幾多冷氣,以及幾多度電?減少幾多電廠廢氣的排放?

仲未計人人返工著西裝、套裝造成的熱力,可以慳到幾多冷氣?比起食少些火鍋,以上的計劃環保一百萬倍,一千萬倍,作為創造環保視力的林忌,係唔係比起那些呼籲夏天唔賣火鍋的方案,環保一億倍?

為左那些保守派的荒謬想法,我地浪費左幾多地球資源?人類之所以係人類,科學已經證明--披樹葉的生活,不但環保,仲可以回到伊甸園,過著有如阿當同夏娃的生活!

點解沙灘著泳衣就得,返工著泳衣就唔得?唔通要等到地球暖化變到四圍都係沙漠時,我地先肯著泳衣來生活?點解我地唔可以提早著泳衣,來救救地球?

如有雷同,實屬巧合:
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    8 個月前

最近文章

再次伸延閱讀