4萬人參加慶祝回歸十二周年巡遊
2009-07-01HKT12:00
多支巡遊隊伍穿梭銅鑼灣街道
巡遊人士手持中國國旗及香港特區區旗
香港回歸十二周年，多個團體合辦慶祝回歸巡遊，有4萬人參加，巡遊隊伍由大球場出發，經銅鑼灣及灣仔，到灣仔中旅社附近終點站。
行政長官曾蔭權以及多名特區官員出席起步禮，預計所有隊伍中午過後完成巡遊活動
咦？大會公佈四萬人就報四萬人拿？警方呢？警方死左去邊？點解雷曼苦主自稱二萬五，警方都仲要話得四千？而家因為有曾蔭權參加的，警方就收左皮？李少光去左邊？點解李少光唔敢公佈警方的數字？
七一只得兩萬幾由維園出發，慶回歸就有四萬幾喎！香港警察的公信力，特區政府的公信力就係因為呢 d 弱智式的造假，當市民係弱智？
最過癮係果 d 成日挑戰泛民聚會人數的「學者」，佢地只係對「否定」泛民的數字有興趣，對否定政府數字係冇興趣的；係囉，點解呢？呢 d 未係佢地口中的「為反而反」囉！公共的政府報大數佢地冇興趣，只係對私人團體有興趣，明冇？
讀者報料：今朝大球場三萬個位都坐唔滿，只得三分之二左右，有埋座位，今次唔使靠估啦？點解警方唔公佈係兩萬人？點解政府虛報一倍，冇學者出來質疑「每座位坐得一個人」的「大道理」？如果四萬人，係唔係應該爆左球場？李少光何在？學者何在呢？
更過癮係商台，學埋大公文匯的「第九時間報導新聞」方法，把上午的舊聞當係新聞，等過左七一遊行的晚黑七點去報一次，同警方唔報朝早人數「分工合作」，果然係所有媒體一般和諧。
改名做 CCRHK 啦！
發表文章
13 意見:
出奇咩? 你哋睇下呢一段港台新聞啦：
http://www.rthk.org.hk/rthk/news/expressnews/news.htm?expressnews&20090701&55&593489
[警 方 估 計 民 陣 集 會 現 場 約 有 4700 人
2009-07-01 HKT 15:05
陳清華在現場報道
警方初步估計民陣集會現場有4700人 （陳清華攝）
民 間 人 權 陣 線 發 起 的 七 一 大 遊 行 ， 準 備 稍 後 由 維 園 出 發 ， 遊 行 到 政 府 總 部 。
參 與 人 士 現 時 已 站 滿 4 個 足 球 場 ， 而 人 數 正 不 斷 增 加 ， 警 方 就 估 計 現 場 有 4700 人 。]
[參與人士現時已站滿 4 個足球場], 而警方都可以估計[現場有4700人], 得[4700人]喎, 真喺信佢個啲都喺白痴啦!
看來有好多人入唔到維園,被逼中間加入,否則係電視看出發前同出發後人數相差好大,出左維園係軒尼詩道真係見唔到龍尾
『最過癮係果 d 成日挑戰泛民聚會人數的「學者」，佢地只係對「否定」泛民的數字有興趣，對否定政府數字係冇興趣的；係囉，點解呢？呢 d 未係佢地口中的「為反而反」囉！公共的政府報大數佢地冇興趣，只係對私人團體有興趣，明冇？』
係喎，點解佢地有咁多錢去做質疑泛民聚會人數的統計呢？D 幫手點算、統計資料是甚麼人呢？ D 數目有無被人中間落格呢？報細數給上頭知呢？
點解佢地唔查慶祝回歸巡遊人數呢？
林忌質疑得好。
http://wong625.mysinablog.com/index.php?op=ViewArticle&articleId=1801227
"政府虛報一倍，冇學者出來質疑「每座位坐得一個人」的「大道理」？"
香港的學者大多懂得明哲保身, 一部份更夤緣富貴, 趨炎附勢, 政府虛報, 他們一律視若無睹. 還好, 沒有學者出來說座位可以坐上兩個人呢.
『[參與人士現時已站滿 4 個足球場], 而警方都可以估計[現場有4700人], 得[4700人]喎, 真喺信佢個啲都喺白痴啦!』
D 所謂學者是無膽匪類，唔敢駁警方或者阿爺。
狼來了。點解阿爺死都唔明白佢地自己點樣失信於民
「匿名 提到...
http://wong625.mysinablog.com/index.php?op=ViewArticle&articleId=1801227」
你可以有一千個、一萬個唔去七一的理由，但對唔住，你的理由好膠。
你聲稱讀歷史，唔知係讀中史定係西史？當你讀到西方幾百年前就已經開始慢慢有的自由、法治同民主，而香港到今日都未有，你有冇汗顏？
沒有民主制度，如何去守衛自由呢？如何去守衛法治呢？中國五千年都解決唔到，小小一個英國發明的制度解決到，你有冇為中國人慚愧呢？
大佬，維園淨係計坐滿六個足球場都八萬人，坐滿四個即約莫五萬幾，而坐o既面積係大過企既，咁又點可能得出四千七呢個magic number？
我甚至對民陣既七萬六有少少保留．．．大把人頂唔順中途o係灣仔閃左喇
" 警方計算在維園出發時人數則指僅得約四千人參與，港大民意研究計劃的點算則最多只有二千七百人。"
" 港大民意研究計劃昨日聯同中大於灣仔點算遊行人數 "
" 於灣仔軒尼詩道與軍器廠街交界的天橋設立點算站"
比警方阻礙，捱唔住熱而未去到灣仔既人好多。用傍門左道手法壓低出席遊行人數，去 X 啦。
維園出發時最多只有約四千人、只有二千七百人？去 X 啦。
全無公信力既警方及港大民意研究。
起底組起港大民意研究係乜水負責啦
fuck! 內地老百姓常說：人民日報，日人民
2009七一鄭耀棠神打师傅上完身，居然想与當奴嫂抢风头，电视上丑态百出吓死人！
o o
\ /
\ /
\ /
\ /
______\/_______ _____
| _________ | | --|
| | ^ ^ | ()| |---|
| | o o | ()| |---|
| | || | | |---|
| | - - | _ | |- |
| | |____| ||_|| | |
| |_________| | | |
|_______________| |___|
巡遊個班(唔好理佢地有冇錢收)係多人,我都信過萬,因為過陣我坐緊電車睇住佢地行
對比我地遊行依班,隊頭6點到我都仲係銅鑼灣過左sogo(我係近隊尾左右)
"巡遊"個班行到一堆堆,每一堆中,人同人之間大把空位;我未到灣仔金鐘想有少少空間都難
4個足球場,如果根據6 4人數
6個球場坐假設坐5萬
1個都8千
4個都3萬2啦
更何況企係到?
所以,唉,人數問題就,let it be
不過我其實對去左6 4而冇去7 1既人失望,尤其是後生仔...如果認同6 4大學生既理念,所做所犧牲,點會因為33度而唔上街?點解因為曾狗噏代表論去6 4而唔爭取一個真正代表自己既特首?
ps:不過我覺得"巡遊"個班勁,d嬸嬸著住件長袖衫係跳街又跳又行,真係唔中暑都係奇蹟
笑話兼事實：回應林忌君－為何「學者」不統計有多少人慶回歸？
各路政黨，港府同阿爺都對七一遊行人數十分在意，這是不爭的事實，相反，誰會有興趣多少人慶回歸？我諗即使是舉辦單位自己也不在乎香港有多少順民、無腦無靈魂、容易欺騙的人，反正神州大地已有十幾億這種人，誰關心香港多三幾百萬呢亭人？既然無人想知，自然無人統計啦！
張貼意見