熱烈慶賀！民建聯成功爭取領匯上市大裁員！！ 停車場自動化大減人手，最低工資一立法，裁得更多！恭喜！！立法殺人放火式係唔需要負責的！！有野睇！有野睇，大家一齊來睇下呢班土共幾咁無恥？嘩！佢地敢出來抗議領匯大裁員呀！睇下報導的傳媒，同佢地幾年前大力提倡領匯上市的口吻，可以一百八十度轉變呀！乜香港變左無恥之港咩？
立法規管保安員的歲數，六十五歲以上的保安只餘下最殘最舊的單幢式唐樓，可供佢地付出勞力腳骨力！在未搞清楚成件事之前，胡亂通過領匯私有化，結果上市後就立即大幅加租！好啦，成班膠人搞衰哂，仲唔夠衰，要強制立法最低工資！型呀！停車場立即搞自動化，大幅裁員！
我地呢班明明智商不足，卻無知到以為自己好得的膠人，你地膠夠未？中國膠果種無知到極點的規管天性，乜都要管，但就冇料去管；自以為自己用哂所有心機，結果一樣被無情打敗！
由王安石變法至今，無數的膠人被身邊的人吹捧兩句，就當左自己係神，以為靠一兩條膠 law 去無限量糾正社會的問題－－ Sorry，糾正問題一向係最難做的事情，冇料的人以為可以粗粗疏疏，以為可以好似 1+1=2 咁就去改革，人工咁易賺呀？唔需要用腦，坐係度時間夠長，就可以解決到問題嗎？你估炒股票呀？
係囉，好少數之嘛，停車場的看更咁少，自動化炒囉！香港就係有班膠人活在石器年代，唔記得科技係日新月異；廿年前冇八達通咩？廿年前有咁多自動機器咩？咩話，你班友去旅行都只係去亞洲？唔怪得啦，有冇見過歐洲的自動餐廳？由派食物到買野都係自動化o架！有冇見過歐洲的油站？一個員工都可以冇o架！有冇見過人地的停車場？係唔需要人o架！有冇去過日本的八景島？鐵路站都可以全自動化，冇司機，亦冇站長o架！最低工資？好呀，機器平過人，點解唔用機器？你估管理層的商人，會長期好似香港呢班原始人一樣咁原始，到今日都仲用紙用筆？到今日都覺得用電腦好麻煩？
政府都開始出 d 賤人，好似邱騰華之流，扮哂親泛民，同你班友扼扼手，拉拉關係，落兩句嘴頭，成班政治白癡就信到十足十，以為佢真係搞環保－－佢搞的只係 A 貨環保，既減唔到排，但求有 d 野搞下，勞民傷財之餘，衰起上來搞臭環保的名，佢拍拍屁股就高升其他政策局，有雞碎咁多的功勞，就可以吹到一百分！橫掂出事都係幾年後的事！失敗就係賴議員弱智咋！
恭喜，恭喜，事實擺在眼前－－領匯大炒保安員，大裁停車場管理員，就係最好的例證，證明議員的硬膠想法幾咁弱智；而無知人士之外，仲有一班福佳－－佢地就係民建聯的福佳啦，打著為基層的旗號，轉個頭就走打著保衛弱智炒機家的旗號，嘩！鬥臭鄭經翰呀，鄭大奸禁止領匯上市呀！呢班福佳去左邊？一個一個捉去分屍啦！工聯會王國興之流，你同民建聯果班幫領匯上市的福佳坐埋一齊，咦？乜你有半分良知o架咩仲？你同工人去示威果時，你有冇 0.000001 分的羞恥之心？
香港地就係一個咁反智的社會，2004 年鄭經翰為領匯食死貓，到今日都冇幾多人敢同佢公開平反； 2005 年鄭經翰的政治顧問黃世澤，在搞網台事件又係被王 x 然、x 政廿一等人迫食死貓，今日果班友唔係潛左水就自己反哂檯啦，又係冇人會為佢出來平反。
到小弟啦，2007 年我為反對勞永樂參加泛民補選，又被人狂鬧；兩個月唔到，勞永樂退埋出泛民的政黨啦，事後亦沒有半條友向我道歉。早兩日陳偉業就四川撥款講的說話，咦？乜同林忌一年前講的說話咁似？
殺人放火金腰帶呀！修橋搭路無屍骸呀！是旦啦，香港人就係呢種質素；你堅持原則，你堅守真理，就預左橫屍街頭啦！
在橫屍街頭之前，無論如何林忌仍要作出呼籲，泛民在灣仔鵝頸區的選民，支持季斯傑打敗民建聯！民主唔係選賢任能，因此季斯傑好唔好唔關我地事，最緊要佢唔係代表緊最無恥的政黨民建聯！今個星期日，作為泛民的支持者，就應該出來投佢票！
發表文章
21 意見:
看完改革歷程, 市場經濟是非常重要.
領匯上市是符合市場經濟. 本人支持.
不同意林忌的"民主唔係選賢任能".
不論是泛民或民建聯,民主都是要選賢任能.
如果因為政治黨派,盲目支持. 這樣和台灣深綠支持陳水扁沒有分別.
民主制度的目的，係替換候選人，而唔係選一個聖人。
民主制度的基制，係兩個爛蘋果，選一個冇咁爛的。
所以希望選賢任能的結果，才會選出陳水扁－－台灣之子，三級貧戶的「聖人」
反之，往往廢廢地，唔完美的，反而唔會有太大的殺傷力呢
泛民都忘記了伏爾泰說過的說話，仲恐怖過d恐怖份子。淫賤黎的狗賊
＂民主制度的基制，係兩個爛蘋果，選一個冇咁爛的。＂
林忌兄，您這句充滿邱吉爾哲學的語言太西方化啦，恐怕除了像小弟的在外國長大接受純西方式教育的人之外，沒有什麼香港土生土長的中國膠會完全明白這句背後的哲學意味。這又是香港的悲劇...
＂所以希望選賢任能的結果，才會選出陳水扁－－台灣之子，三級貧戶的「聖人」＂
嘩，呢句形容埋在美國投票選了現任總統的人的心態都惦。現任的奧某被好多死忠支持者叫做messiah彌賽亞（即救主咁解），佢哋的心態真係＂選賢任能＂啦，睇而家事態發展，佢會成為第二個陳水扁。
贊成林忌說的：[民主制度的目的，係替換候選人，而唔係選一個聖人。]
人的賢能有極限, 而"絕對的權力使人腐化", 就如阿扁未當總統前何嘗不是賢能人士? 當上總統後如何, 大家有目共睹; 好彩台灣有民主制度, 大家還可以用手上的選票將之拉下台; 同樣的, 馬英九若幹得太差,在貫徹民主制度下的台灣人民也同樣可以讓他下台換人!
中國人幾千年來都迷信賢能人士,甚至將之神化,自己懶得思考關心時政, 把希望命運都寄託在賢能人士身上,以為世事都可以依靠賢能人士打救,正如當時的毛澤東時期一樣, 結果是一次又一次的失望,由五四運動至今百年, 民主制度尚未能建立, 就是沒有真正參透："從來就沒有什麼救世主,也不靠神仙皇帝; 要創造人類的幸福, 全靠我們自己!"
所謂的"賢能人士"都有其極限及盲點, 我們要爭取的民主制度就是：能有[在幾個爛蘋果中選取一個來做我們的公僕]的權力, 而不是等所謂的賢能人士出現!
更何況, 你覺得他賢能時, 我卻認為他是蠢蛋呢! when you wonder he tries his best, but I see he only tries his breast! hahaha!!!
＂民主制度的基制，係兩個爛蘋果，選一個冇咁爛的。＂
正如我所相信的,知足常樂只會在一個不斷退步的環境才成立,搵個無咁爛既就拾番身彩,因為而家個D點都係爛
嚴格來說唔可以話係減薪
最多話加工時,加工作量
兩更保安員的時薪一向低過三更制架啦
有咩出奇
不過減5元就有d過份
民主的作用真的唔係選賢任能.
畢竟搓胸容易. 裝胸作勢更容易.
而係當呢d柒頭上咗去當佢自己係紅太陽的時候. 我地可唔可以及早將多出來個太陽安全咁射佢落來.
太陽燒焦咗法國. 也燒焦咗中國, 不過中國好似未俾人射落來. 悲乎！
樓上幾位講開．．．
以我啲唔係好入流既觀察，主要原因係因為中國人將"落台"當做洪水猛獸，當正"落台" 係好大件事， 會死人咁.
原因無他，中國人睇得中國歷史故事多，"落台"好彩啲既就係被貶或者流放，唔好彩既就係凌遲處死. 民主政制三兩句唔埋就有人落台，我哋中華民族咁厚道，乜都比洋鬼子優秀，梗係唔接受啦．
關於賢能，就要睇下「點為之賢能」。
簡單以選美為例，當一眾「所謂參選佳麗」都無個好樣，咁，基本上就係選個「醜得嚟相對無咁醜」的，這個「好似無咁醜」的，就是「是次選美中叫做最靚」喇...
( .....係咪好似易明啲呢 ...^^" )
總好過一班醜女，仲要由「大會指定某條女」去當選，原來係「醜到阿媽都唔想認」嘅，咁就弊傢伙啦，係咪。
Not only DAB supported the listing of the Link the Democratic party also supported the act.
And you only criticise DAB and this shows your partial and unfair political affiliation. Maybe you were employed to write for one or two particular parties.
dragoon17c
套用閣下o個道理
嚴格o黎講, 公司俾多o左機會佢o地突出自已
表現
話唔定下次減人工會減少D添
所以應該歌頌領匯
係咪??
有條友將你編文放上獨媒(但冇引文章出處及作者)，但好明顯睇唔明你曲筆抽DAB水，就去冠以「反最低工資的極右劣文」去俾大家討論。 林兄，你睇吓有冇追究的必要？
連結：
http://www.inmediahk.net/node/1003620#comment-1007194
1. 乜民主黨投支持票以外，有學民建聯去追殺鄭經翰咩？乜佢地有去參加反大班的遊行咩?
2. 民主黨道歉左幾次，民建聯有道歉咩?
3. 工聯會同民建聯玩「人格分裂」，選舉就一齊，投票就玩兩面派；乜民主黨有咁做咩？
三樣都冇；當然，我從來唔承認自己個 blog 係「中立」的博客；閣下數數香港有幾多份報紙係親共，我地呢 d 博客乘 100 倍，都唔及果 d 親共報紙呢。
何況，果 d 係有錢賺，我地係免費的，呢個係我個人意見，係人都知我憎爆民建聯o架啦，吹咩？
"And you only criticise DAB and this shows your partial and unfair political affiliation"
呢位先生如果唔係受左不義之利益, 就一定係外國返黎, 唔知DAB係一個乜野既組織, 做左幾多好事, 所以先至咁無知, 講d咁低能既說話;
剛拜讀閣下文章
恕我愚笨 真的不明白閣下閣下是反對最低工資立法的嗎?
電腦機器的普及, 只是一小部份. 例如停車場, 油站. 但是全港99%的人手工作,都不能用機器代替的啊! 例如茶餐廳侍應, 他們每小時二十元, 還要被雇主打壓剝削,推行最低工資, 雇主就要裁員了嗎? 那樣茶餐廳請哪個機器捧菜? 也例如大廈保安員, 難道請個高達回來守門口? 不要用人嗎? 那樣何來大裁員?
這些所謂反對最低工資的政黨工商, 哪個不是爲了自己私利? 那些商人, 說反對最低工資爲了雇員好, 剝削人工反而偉大善良? 讓人嘔心! 實際上不是爲了自己利潤嗎? 政黨說反對最低工資, 是爲了不得罪捐錢給他們的商人, 還不明顯嗎? 老闆個個賺錢多多, 最低工資不會讓他們全部結業, 最多減少利潤. 減少利潤而利於基層, 何處不好?
閣下如為基層, 何必為大財團節省金錢呢?
閣下寧願有香港人三四千工資度日嗎?
難道真相信雇主會有良心參加工資保障運動嗎?
閣下明白我們基層的痛苦嗎!??!
「. 例如停車場, 油站. 但是全港99%的人手工作,都不能用機器代替的啊! 例如茶餐廳侍應, 他們每小時二十元, 還要被雇主打壓剝削,推行最低工資, 雇主就要裁員了嗎? 那樣茶餐廳請哪個機器捧菜? 也例如大廈保安員, 難道請個高達回來守門口? 不要用人嗎? 那樣何來大裁員?」
對，香港 99% 人手工作的如油站、停車場，在外國都是 99% 全自動，而一個人都不請。
「例如茶餐廳侍應, 他們每小時二十元」－－因此，當顧主賺的錢唔會增加，而開支增加的時候，佢地就會「無良地」為左「自己的收入」，於是 cut 人手。
原本請四個待應，就變成請一個囉－－在香港的中國人眼中，世界就只有一個香港，同一個中國咁大。
凡全世界適用的道理，好似去到中國同香港都唔適用一樣。
點解呢？唔通中國人係怪獸？
"民主唔係選賢任能，因此季斯傑好唔好唔關我地事，最緊要佢唔係代表緊最無恥的政黨民建聯！今個星期日，作為泛民的支持者，就應該出來投佢票！"
看來泛民的支持者不完全支持社民連.
請看蕭若元的檢討敗因:
http://hk.myblog.yahoo.com/shiu_stephen_0722
"民主制度的基制，係兩個爛蘋果，選一個冇咁爛的。"
問題一: 政黨爛但人不爛. 怎麼辦?
問題二: 人爛但政黨不爛. 怎麼辦?
我用既係加拿大經驗.
減少利潤? 開頭就或者係既. 但長遠而言, 你諗都唔駛諗, 因為 invisible hand 會做嘢.
例如, 假如最底工資係 $10, 響頭一年, 的確, 原本 $8 $9 果啲會加到 $10, 嘩, 全世界都加人工, 好開心.
好快, 會減人手, 十個人減到九個人囉, 無嘢既, 唔會炒哂你既. 炒咗人, 加工時囉, 唔覺唔覺既啫.
又或者, 加埋, 果啲搵開 $11 $12 既, 會無人工加, 因為要填之前加 $8 $9 加到 $10 果個氹. 你真係以為啲公司咁白痴? 高人工果啲, 佢哋唔敢開刀, 因為怕人才流失.
可以自動化既嘢, 仲會加快自動化, 因為人工成本上升, 自動化相對愈嚟愈平.
所以我讚成最底工資 (經濟好果陣), 因為長遠而言, 加快淘汰小強行業, 淘汰果啲"靠 cheap 人工既行業", 強迫佢哋轉型做更有效率既生意, 對我呢啲有錢玩投資既人係有利既.
正路就唔會"大裁員"既, 因為商譽都好緊要, 但, 陰啲陰啲你唔覺既啫.
本人是之前在此篇文章中支持最低工資的那位愚人.
林兄提到的不無道理 推行最低工資的確會令部份人失業 但本人始終認為這種影響對香港影響其實極其輕微
最低工資 說穿就是劫富濟貧 從老闆滿滿的荷包裏面那些錢 分給最窮最貧的一群人, 老闆自然反對, 基層自然支持.
每間公司時薪低過三十五的有多少個? 會讓公司倒閉嗎? 當然不會! 賺少了而已.
老闆不是笨蛋, 他們雇用的人手不會過多, 不會過少. 所以, 世界的勞動市場,跟勞動需求 的差別普遍很少. 就是說, 十個人的工作. 老闆約莫都請十個左右, 不會請十五個, 也不會請七個, 所以, 最低工資出了, 老闆除非不做生意, 否則很少要裁掉多餘人手的.
除非是林君所提到加油站等等, 才會有例外, 但能用機器代替的, 絕對少之又少. 可以略過不算.
不知林君同意否?
回應: Paulua
當然反對，根據政府提供的數字，香港有過九成的員工屬中小企，對於大多數中小生意來說，老闆可以賺到很多錢？如果生意咁好做，為何你不去做生意？
有很多香港人，自細打工，就以為人地生意好好做，以為做生意就一定大賺錢，而現實係做生意隨時衰過賭錢，係一門極高風險的行為－－特別在香港，所有開銷都貴，出去做生意的成本都好貴。
就係咁過癮，有人以為返工就係被人呃錢；卻冇諗過做生意的往往只係因為「低學歷、冇人請、冇出路」迫虎跳牆，佢地只有靠小小資本，走頭無路下的選擇。
可是我地偉大的政府，以及一眾偉大的打工仔，卻以為做生意好好搵，以為生意好過佢地的鐵飯碗。
發夢啦，一百個生意的，都冇一個及得上政府公務員的鐵飯碗，只因為佢地冇鐵飯碗，所以才要做小生意。
「老闆不是笨蛋, 他們雇用的人手不會過多, 不會過少」－－對，他們是看自己有幾多錢，就請幾多個人；沒有錢，就當然會減少請人，至多自己辛苦 D，因為出人工畀自己，冇最低工資保障；蝕錢，亦唔會有人同情、可憐、包底。
「十個人的工作. 老闆約莫都請十個左右, 不會請十五個, 也不會請七個, 所以, 最低工資出了, 老闆除非不做生意, 否則很少要裁掉多餘人手的.」－－真有趣，閣下以為做生意係發達之路？請十五個人的生意，要一個月賺幾多錢才夠支付？原本夠請十五個人的錢，加了人工好可能只夠請十個，結果就係佢地只能請十個，因為你以為佢地會有閒錢去畀你？
你估老闆的人工，係打工仔的幾倍？發夢呀？用一個人多出的「閒錢」，可以請到五個人？你以為做生意係開善堂？
不如你去做生意呀笨？做賊都冇咁發啦
張貼意見