從以上的論點,就可以看出這位李文棋小朋友,不是來自高幹家庭,就是來自土共上左腦的家庭。一般香港人即使無知,又點會開口埋口「資本主義國家」--今時今日除左北韓,仲有邊個國家唔係行緊資本主義?
推翻共產黨,有咩唔好呢?原來中國人係全世界最低等的人類,因此係全世界唯一不能行民主,亦不能行資本主義的社會,因此林忌建議,呢位李文棋同學,帶同佢認為係低能的中國人一齊移民去北韓,又或者月球或火星的外太空--對唔住,李文棋同學,地球唔適合你居住。
另一皇仁生溫駿瑋持類似觀點,「當時有人話,要趕走共產黨,迎接國民黨返嚟。」他不相信軍隊先開槍殺人,「上網睇到學生攞刀去劈裝甲車,啲人仲可以燒死埋(軍人),做埋燃燒彈去襲擊。」他堅信民主不適合中國,「仲有好多文盲。」
1. 「迎接國民黨返嚟」從來唔係學生運動的主流意見,連「意見」都唔係;天安門廣場只見到五星旗,見唔到青天白日旗。
2. 蔣經國於 1988 年都過埋身,叫「台獨之父」李登輝返大陸?同學,你冇病嘛?
3. 意大利佬輸波都掟燃燒彈,有冇見意大利軍人隨意亂開槍?學生冇武器,乜原來最叻向國內人民開槍,而對日本和菲律賓好似縮頭烏龜的解放軍,都無能到用坦克都無法控制場面,要碌過 D 人,要真係開槍殺人?
皇仁仔,國父孫中山都曾經走佬去過倫敦,唔通孫中山都被帝國主義利用,去推翻清政府?快 d 宣佈把孫中山定為賣國賊啦不如?點解孫中山勾結外國勢力推翻滿清,就係國父,點解毛澤東勾結外國勢力推翻國民黨,就要繼續掛佢畫像在天安門城牆,而中國共產黨搞到國家咁多文盲,搞到成為全世界九成九都推行的民主制度不能在中國實行?一個搞到咁的政黨都唔可以推翻?
兩名皇仁生會後表示,他們有修讀中史,李文棋說:「因為考試冇考,老師冇乜點教(六四)。」溫駿瑋稱,他是從網上得到有關資訊,強調真相沒人知,「話柴玲係第一個走佬,好多都咁講;話解放軍殺好多人,睇嗰啲片段無殺人,佢哋對住人民紀念碑頂開槍。」
考試冇考老師冇乜教你就唔識?第二樣影衰自己間學校都仲話係政治真心膠,連藉口都作得差過人就真係連最基本的智商都冇埋;乜皇仁學生係靠老師教先識o架咩?
柴玲第一個走佬,就算係又點呢?共產黨捉人係唔係捉阿頭先?第一個要捉你,你唔第一個走,留到最尾呀?孫中山搞革命都失敗走佬成十次,乜孫中山次次都企在前面第一個等清兵捉?如果孫中山好似呢位膠人咁膠,孫中山一早去左黃花崗,而唔係國父啦;入讀孫中山讀過的皇仁,卻連呢 d 最基本的道理都唔識,影衰國父就係呢 D 啦。老師有冇教過你用邏輯思考呢?好明顯又一定係「冇啦」--你影衰自己同學,仲影衰埋自己老師呀!
成班土共或疑似土共的藉口:六四真相冇人知--梗冇人知啦,因為政府唔畀人查;等如推翻納粹黨之前,都冇人知屠殺猶太人的集中營死幾多人;知道真相的趙紫陽因此被軟禁至死,例如富商黃德輝,佢的生死都冇知o架,所以在真相出現之前,警方都唔能夠查案,唔能夠拉人,明冇?
最惡就係呢 d,殺完人、拉完人、然後就連查都唔畀你查,因此你永永遠遠,都唔能夠查,都唔能夠檢控;同學仔,你知唔知道咩叫表面證據成立?用你地的邏輯,香港警察唔使拉疑犯啦,定左罪先拉啦笨。
上面呢套城市論壇更搞笑,一位叫做呂智偉的暗土共組織「香港青年發展網絡」的召集人,佢曾疑似參與「希特奶」葉劉的助選團和陳太的義工發生身體衝突,令陳太的助選團成員倒地報警以外,還在片中指出六四屠城是錯誤的說法,因為南京大屠殺,一百萬人死了三十萬才叫屠城云云,六四由「幾十、幾百、幾千」的說法,不足稱為屠城。
林忌聽完之後覺得佢真係好鬼死過癮,用番佢相同的邏輯,其實沙士唔係疫症!H1N1 唔係流感!點解呢?黑死病在十二世紀殺死歐洲三分一的人口,就好似南京大屠殺的比率相同,因此沙士只在七百萬香港人之中殺死 299 個,又點算疫症呢?拿又再舉多個例,1918 年的西班牙大流感,殺死左約二千萬人,因此目前只死得幾個人的流感,用呂智偉的偉大邏輯,又點算流感呢--流感者,流行性感冒也,二千萬人叫流行,三幾個人又叫咩流行呢?
仲有,呂智拿話六四死傷者有解放軍,就正如沙士同西班牙大流感之中的死傷者,其實大家唔應該忘記除左人之外,仲有細菌!你話係細菌殺死人,定係人殺死細菌呢?定係用以上面班膠人的偉大邏輯--如果唔係人的免疫系統主動攻擊 d 細菌,細菌又點會還手呢?所以說,細菌殺死人,人--特別係負責指揮人的腦部,就好似學生領袖咁要負上最大的責任!!!
呂智偉的說法,果然和日本否認南京有大屠殺,以及新納粹份子否認有猶太人大屠殺,死亡人數被誇大係同一路數,萬變不離其宗,果然係希師奶的支持者,欽敬欽敬!
黃世澤:認住呂智偉呢條福佳