曾蔭權代表全香港人埋沒良知＊五月自焚巨獻

家下唔係事必要你講，但你所講的將會作為全香港人睇住你發音的證供；曾蔭權居然在吳靄儀的追問之下，愈講愈膠愈講愈錯，由自己講咩國家的發展，仲講到自己逃避六四的變相埋沒良心言論係代表全香港人，再一次證明，曾蔭權係膠人，特別係要即時應變果陣，簡直就係膠到冇朋友。

一次、兩次、三次，曾蔭權出親來都發膠音－－由「民主極端係文革」的反歷史言論，當眾狗噏 唔認數的「指狗為鬥」言論，到今日六四唔回應卻走去講咩「國家發展」的終極不承認歷史現實，去到埋沒良心與夜郎自大地承認代表全香港人，曾特首應該正名為「曾特膠」，就係講親都係得個膠字。

o係呢一刻，林忌真係有 0.00001 的衝動，想自己在立法會現場，因為聽到呢 d 膠音，林忌一定會大聲不斷狂叫萬能 key 對白：「我唔想同你狗噏辯論」－－睇下曾特膠會有咩反應之餘，仲可以睇下垃圾會秘書處果班趙高，會幫我在會議紀錄落「狗噏」定係「鬥噏」。

我真係想再追問特膠權，如果國家經濟咁好，點解連四川省起路的錢，都要我地香港出呢？點解日日都話中國幫左我地幾多幾多，點解四川會有豆腐渣學校？點解豆腐渣發生左都同六四一樣唔認？點解豆腐渣家長唔可以追究責任？點解我地香港人仲要畀錢？係唔會香港都可以咁樣貪污呢？點解香港錢用在四川就唔使根據香港的法律行事呢？

今日的立法會，泛民全體都變得很可愛可敬，體現了全泛民分工合作的良好典範－－先有吳靄儀用大狀手法迫特膠權埋牆，當再次盤問時，令曾特膠膠完更膠，愈講愈多膠野；然後鼠頭成出來護主的時候，又再用番議事規則迫埋鼠頭成埋牆，令鼠頭成唔敢再企硬，而社民連呢，則由觀眾席上的現場朋友，去到長毛等都立即強硬回應，再加李卓仁與民主黨大佬的適時抽水，呢 d 先係我地期待以久的立法會嘛。

又五月就自焚，特首大人，馬力等緊你呀！

* 林忌改寫更新
-----

譚耀宗稱特首的六四言論不少人有相似看法
14.05.2009 17:08

民建聯主席譚耀宗說，行政長官曾蔭權對六四事件的言論，是他對市民意見的評估和分析，不少人亦有相似看法，其後亦澄清了他的言論。譚耀宗稱，不同意見之間，應互相尊重。