支持及訂閱請按 Like

星期四, 4月 16, 2009

民建聯成功爭取警方選擇性執法

【明報專訊】一名網民前晚9時許以網名「素裸天孤」在高登討論區「講故台」留言,聲稱「已在時代廣放了bomb(炸彈)」,其他網友聞言「感到很不安」,認為「時代廣」即銅鑼灣的「時代廣場」,多人以電郵報警。警方商業罪案調查科追查後,昨傍晚在馬鞍山區拘捕一名13歲少年,涉嫌浪費警力被帶署,其後准保釋候查。

警方提醒市民,現實社會適用的刑事法例,同時適用網上世界。涉案話題於昨午約5時在討論區被刪除,已有近800個回應。有網友引用2006年9月案例為鑑,指一名男子在討論區查問製造炸彈方法,聲言欲炸「迪迪尼」及美國總領事館,被判120小時社會服務令及罰款1萬元。

兩個月前,民建聯的區議員當街張貼「進攻美國領使館」的街招,警方唔執法唔拉人;一個十三歲小朋友在網上聲稱在「時代廣」放炸彈,可是警方就會認為「時代廣」即「時代廣場」,然後警方商業罪案調查科就以「涉嫌浪費警力」拉人,其後准保釋候查。

十三歲的小朋友說「時代廣」,警方就會深信這是「時代廣場」,然後派人把一個未成年,在法律上幾乎不能犯案的小朋友拉上差館;同樣的民建聯區議員在街上廣貼街招「進攻美國領使館」,包括器械、BB 彈、服裝等,警方就會唔需要調查,亦唔會浪費警力,就可以證明民建聯唔會犯罪--原來,「進攻美國領使館」反不如在「高登討論區」的「講故台」說要炸「時代廣」--恐怖份子記著了,絕不可以寫「我要炸美國領」--寫美國領使館冇事,寫美國領呢,就犯法了!在街上貼警告字句,就和當年六七暴動時「鬥委會」搞的「同志勿近」一樣,係可以得到大紫荊的,反而千萬唔好上高登,更唔好上網講故事,否則必定會被警方拉!就和民建聯的蘇錦樑可以用卡片來代替入息資料一樣,凡遇上民建聯,香港政府部門、執法機關就全部大開綠燈,警方可唔可以話畀我地知,點解十三歲的小朋友係浪費警力,而民建聯的區議員就唔係浪費警力呢?你而家捉個細路乜野?涉嫌浪費警力喎?定係警方高層有民建聯的地下黨員,所以可以人格保證,民建聯呢班唔少曾經參加六七暴動「鬥委會」放炸彈的成員,今日就唔會放炸彈?所以查都唔查,既然警方唔查,所以冇用過警力,因此就唔會浪費嗎?

十三歲的小朋友,你而家應該做的事,係拉哂你全屋的人,一齊走去參加民建聯,成為民建聯的黨員,香港警察就唔會拉你o架啦!否則,就變成「民建聯黨員涉嫌放炸彈被捕」,你話警方敢唔敢查呢?迪迪尼案一個標準,去到民建聯案就變做另一個標準,勉強都仲可以話係「知錯能改」,去到今日見到個十三歲的小朋友可欺,香港警察又立即變番拉人的迪迪尼案標準!嘩!小朋友吹水就要拉要鎖,民建聯議員當街宣傳就當冇事發生,好公正!好嚴明!更過癮係,所有法律都無法拉到迪迪尼案的後生仔,警方就告「浪費警力」,今日十三歲的小朋友,警方浪費左咩警力呢?點解查民建聯就唔係浪費?查小朋友就係浪費?以後所有走偏門的朋友,係唔係應該認真考慮一下,為免被警方拉人,應該人人加入民建聯呢?

伸延閱讀:
民建聯成功爭取進攻美國領使館
膠力多:有關炸迪迪尼的法例
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    1 個月前

最近文章

再次伸延閱讀