支持及訂閱請按 Like

星期日, 4月 12, 2009

民建聯成功爭取申請菲傭特權

卡片醜聞 蘇錦樑公開道歉
入境處反死撐冇卡片都得 葉劉:聞所未聞
【本報訊】商務及經濟發展局副局長蘇錦樑被揭發聘請外傭「卡片當入息證明文件」醜聞後,昨日公開致歉,承認處理事件粗疏。不過為他「開綠燈」的入境處,署理處長趙偉佳死撐沒有犯錯,更自爆過去有兩至三成外傭申請獲豁免提供入息證明文件,當中有人連卡片也不用提交。曾任入境處處長的立法會議員葉劉淑儀直言,類似做法她任內聞所未聞;有議員斥入境處濫用酌情權,方便權貴,促保安局局長李少光公開交代。

林忌要為蘇錦樑辯護!

蘇錦樑有咩錯?林忌諗來諗去,只有一個,就係政治上蠢到加零一!佢要申請菲傭,佢的責任只係提供文件,去證明自己真的有足夠的錢去支付菲傭的人工,咁佢作為大家都知道佢人工的公眾人物,的而且確夠錢喎--問題唔係在蘇錦樑身上,而係擦鞋的入境處,係畀佢特權的入境處,特區政府上下,選佢入去做副局長,以及推薦佢入去的民賤聯。

蘇錦樑硬膠又唔係第一次,從佢持有加拿大護照來做副局長,就知道佢的政治智慧接近低能,問題係點解佢政治上咁低能,政府班更低能的弱智仔點解會選佢入去,又唔使佢放棄外國護照呢?再問落去,點解自稱「愛國愛港」的弱智政黨民賤聯,會居然搵個加拿大人來做副主席呢?所以當政治零蛋的「蘇咁蠢」再一次做左低能仔,再一次犯一個法理上冇錯,政治上卻大錯特錯的錯誤的時候,要怪的就唔係「蘇咁蠢」,應該係怪佢背後的兩堆膠人--第一個就係特膠政府同特首,第二個就係繼續容許佢在黨的民賤聯--亦全靠民賤聯的無恥所為,我地又可以再一次歌頌:「民建聯成功爭取申請菲傭特權」啦!

同外國護照一樣,「蘇咁蠢」在法律上都係對喎--法律係冇禁止副局長持有外國護照呀,正如法律都冇禁止你自殺一樣,唔代表你由國金跌落來唔使跌到粉身碎骨喎傻仔,今次情況再一次證明,就係民賤聯再一次對特區政府提供左好介紹,推介左一位政治上的傻仔出來,一而再、再而三出來獻世!而更過癮係,蘇錦樑硬膠的同時,卻有一大堆政府部門的擦鞋仔,出來為呢 D 人提供特權--點解對其他市民就欺壓得死死,對呢 D 名人就可以有咁多豁免呢?係囉?法律的原本要求,只係希望證明市民有錢就夠了,點解大家的文件要求就唔同呢?畀著係我,就唔講咁多,以後只用卡片,再唔係用一堆銀紙倒落入境處櫃檯,證明自己有錢,佢唔畀申請,就大家日日出來嘈囉!由《福佳三》講陳冠希等名人有特權,到今日蘇錦樑有特權,證明左香港特別行政區,已經正式變成了「香港特權行政區」,由「特別的曾蔭權」,到「特別的權力」,由有錢的李家、明星、去到高官,「雨露均霑」!值得普天同慶!

更值得慶祝的,我諗仲有而家唔知死左去邊的董建華「前特權之首」--董建華終於成功啦!由數碼港、中藥港、鮮花港到大隻講,董建華終於成功建設左一個港啦!!!冇錯,就係特權之港!!!!!

愛國愛港的民建聯,點解你地的蘇局長仲請菲傭?菲律賓佔領南沙群島喎!菲律賓分割了中國的土地喎!蘇局長唔單止持有外國護照,仲請佔領中國土地的外國人做工人?蘇錦樑係賣國賊!蘇錦樑係漢奸!民建聯係賣國賊政黨!民建聯係漢奸黨!
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    6 個月前

最近文章

再次伸延閱讀