支持及訂閱請按 Like

星期五, 4月 17, 2009

土共調查八成人改變投票意向

有調查指逾九成受訪者對議員用粗言反感
2009-04-17HKT14:52
一項調查發現,超過九成受訪者,對有立法會議員在會議期間使用粗言穢語,表示反感,又認為會影響立法會議員整體形象,及干擾議會議事程序。

香港行政管理文職人員協會上月底至本月中,訪問了近500人,超過九成受訪者擔心,議員行為會影響青少年,有八成受訪者指,議員的非理性行為,會影響他們在下屆立法會選舉的投票意向。

協會認為議員應本著互相尊重的態度,與政府官員開會,希望立法會就有關議員的行為,辯論應否作出譴責。

又來了,又係「一項調查發現」的開心大發現時間了,乜野係「香港行政管理文職人員協會」呢?呢個組織係乜呢?好緊張!好興奮!究竟今次我地又有咩開心大發現呢?

香港行政管理文職人員協會資料:

永遠榮譽會長:梁振英 蕭亦煌 譚耀宗

名譽會長:
丁毓珠 方 光 吳悅照
岑才生 陳家霖
名譽顧問:
何建華 吳海雲 李自雄
周可民 楊麗珊 葉鴻輝
潘紹基 蔡素玉 鄭琴淵

嘩!人才濟濟呀!好多土共呀!嘩!香港行政管理文職人員,同蔡素玉呢位讀生物的商人有咩關係呢?唔通蔡素玉係呢個會的形象顧問?唔通行政管理文職人員需要素玉姐姐的衣著與打扮的經驗?

一眾傳媒的新聞操守,原來低到連擺到明係有傾向的土共組織的垃圾訪問調查,都會照報如儀!「香港行政管理文職人員協會上月底至本月中,訪問了近500人」--佢地點訪問呢?大家只要登入佢地網站,就會有開心大發現!

咦?原來求其有個網站,求其向佢地旗下的會員用 gmail 收下 email,就可以做民意調查,而呢個民意調查就會登上香港電台的新聞o架?咁點解我地每日一膠的調查,咁耐以來都冇人報上新聞?每日一膠的調查,一樣都係網做,而且讀者絕對比起呢個土共組織更來自不同的香港人,點解佢地唔報呢?何況每日一膠的調查人數,又何止 500 人?點解傳媒只係報導呢 d 既唔公正,亦唔科學的土共調查呢?

「有八成受訪者指,議員的非理性行為,會影響他們在下屆立法會選舉的投票意向。」--嘩!成個土共組織,居然有八成人會改變投票意向喎!只有幾個可能,第一個可能,就係呢個組織原來收左阿爺錢,次次投票都唔係投畀果班自稱「愛國愛港」的土共,而係暗暗地投畀民主派,所以佢地今次心灰意冷,決定回頭是岸,唔好再同阿爺作對;第二個可能,就係呢班土共決定棄暗投明,因為想制止社民連講粗口,所以決定改投其他唔講粗口的民主派!第三個可能,就係呢班土共其實太愛粗口了,聽到粗口之後好興奮!於是決定改投社民連一票也!

就係嘛,呢個永遠榮譽會長係梁振英同譚耀宗的組織,居然有成八成人會改變投票意向,以上任何一個可能,都證明左呢個組織係土共的叛徒!由於香港的新聞機構咁中立、咁中肯、咁公正都肯報導佢地,我地冇理由懷疑呢個調查係作假o架?因此我們要求,中央政府立即對呢班土共叛徒作嚴格的審查,查一下查呢個組織畀幾多漢奸呀,賣國賊呀等等滲透左,然後再對佢地判罰,畀佢地「帶罪立功」--送去南沙群島保衛國土!

嘩嘩嘩!膠港真係日日都有新聞呀!
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    8 個月前

最近文章

再次伸延閱讀