支持及訂閱請按 Like

星期二, 4月 28, 2009

中華民國林尚義與假新聞

前足球名將、資深球評人「阿叔」林尚義逝世,亞視新聞把林尚義當年代表的中華民國隊改為「中華台北」,明明歷史不容篡改, 1958 年參加東京奧運的就是中華民國,1960 年參加羅馬奧運的都是中華民國,可是偏偏亞視和都市日報,都可以改做「中華台北」,就和日本人篡改南京大屠殺的歷史一樣,極度可恥。

可恥的行為,就引發網民的抗議,網民發起聯署,成立組別:「Facebook 組別: 悼念林尚義先生與譴責部份香港傳媒歪曲歷史及封殺中華民國國家名稱」,網民指出,除亞視新聞及都市日報稱林先生代表中華台北之外,頭條日報把中華民國改為報導代表台灣,大公與星島則迴避不提林尚義代表中華民國參加亞運會與奧運會足球賽,這些行為,再一次證明香港的傳媒操守已經跌落新低點,連歷史的事實都不能談嗎?聯合國當年的席位,中國是哪一個國家?事實證明,中國人怪別日本人說大大聲,永遠不檢討自己,錯了也永遠不會澄清道歉,這種作風就是做聲今日傳媒公信力低落的原因,最過癮係,當大家口口聲聲唔信傳媒果時,卻有無數人仍然人講就信,於是膠到冇朋友。

最近有單巴士司機非禮案真假難分,唔計呢單的話,計下本博客已提過幾次的假新聞,到今日都仲有人信--最過癮係 facebook group 仍然有個「抗議抗議!!! 聯合國決定於2008廢除繁體中文」的組別,仲有三萬幾位人兄仍然入左呢個組--今年都 2009,呢單被台灣媒體認真討論 N 次,找出所有假消息源頭的假料,到今日都仲有三萬幾人相信,吹咩?人性就係鍾意假野,足以證實點解咁多人鍾意造假--因為當人連分辨真假的能力都冇果時,點解要畀真野你?

係囉,就正如有位藝人界 A 小姐遺失電話的往事,有些討論區密集出現一些打手,實牙實齒說 A 小姐的男友其實是歌手方力申,證據就是其家姐乃該案的陪審員,傳到好多個網都亂傳,事實上該法庭根本就冇陪審團,事實再次證明,生安白造一味靠砌,就係有市場,因此記者的害群之馬屈得就屈,砌得就砌,你又奈得佢咩何?

林忌每次去外國旅行,最感動的就係飲食的分別--無論歐洲抑或日本的生果、蔬菜、肉類,和香港的味道都差天共地!點解大家都係同一隻生果,味道會差咁多呢?點解外國食的生果,先好似林忌細個果時食的生果味道呢?點解明明在香港畀貴價,都買唔到呢 d 質素的貨呢?就正如同樣係大型的連鎖時裝店,點解在外國的分行,居然賣的貨選擇多好多、靚好多呢?原因?就係在外國試下賣次貨,人地分得出,衰野自然冇人要;但我地偉大膠港呢?明明係爛野,明明係假新聞的偽中立左報,都可以照扮係知識分子讀物,照扮係「中立」、「中肯」,由飲食到知識,假野真野都冇幾多人分得出,好自然,假貨必然多於真貨,因為賣假野成本低得多也。

觸景傷情,有位新認識不久的網友,向林忌查詢一篇 2007 年 6 月 19 日蘋果李八方的報導,向林忌求證真假。首先要聲明,李八方是一個筆名,很多筆名都由分別不同的人所寫,但人性就是傾向相信,有一個名,就只有一個人;李八方這個筆名也轉了很多手了,所以唔好怪佢;事過境遷,有好多野事後睇番得啖笑,但既然網友問到,事實就是事實,泛民支持者如果不自掃門前的荒謬,又如何理直氣壯去指責別人呢?雖然有些但求搞笑但錯到出奇的資料我都廢時應,但事關蘋果我當然愛之深恨之切,為此再次澄清。

『林忌仲做埋混音技工,手握每把聲o既生殺大權,可以決定邊個有得solo,邊個冇得出聲...

林忌接受訪問觸動情緒
...
八方本住佢話新聞人「一落千丈」o既求真精神,想問林忌發生乜事?但佢家下身處歐洲冇直接回應,八方惟有向相關人士埋手,結果陳淑莊親口證實真係有錄音,林子健亦係。不過據超級知情人事講,有人不滿壹仔篇訪問提及「發神經」三個字,所以有D情緒波動,於是將陳淑莊同林子健o既獨唱部份kill左,改為mixo係大合唱副歌度。但黎老闆就真係冇同林忌o也過飯。
過o左幾日,林忌o係自己個blog又彈弓口話《福佳》真係有「第二版」,但就企硬唔用「7.1版」字眼喎,呢鋪真係唔知邊個發神經咯。』

1. 當時的林忌的確如文章所說而身在歐洲,可是卻絕非沒法直接回應,2007 年的手提網絡,邊個冇漫遊?何況林忌仲 check 得到 email?
2. 「林忌仲做埋混音技工...手握每把聲o既生殺大權,可以決定邊個有得solo,邊個冇得出聲...」

如果林忌身在歐洲,又點樣幫林子健同陳淑莊錄音呢?好奇怪的,就係有人相信林忌既可以做混音,但又可以當時身在歐洲,點解會咁奇怪呢?

事實就係,早在林忌去歐洲之前,福佳二首歌早就錄好左,錄好的版本就係冇林子健,亦冇陳淑莊 Tanya,為何呢?因為林子健先生與 Tanya 的歌藝,都絕對唔係可以錄音的歌手材料,如果歌星都要在錄音室錄幾日,普通人仲想扮聲,大家覺得要錄幾多日呢?如果咁易錄,我諗果幾位走音歌王歌后的背後音樂人,都唔使咁辛苦啦係唔係?點解要搵自己笨,一個字一個字咁錄呢?

聽下一般 Youtube 的創作,大家應該 feel 到網絡影片錄音的極限--就算係天才,d 音都一樣要執過先可以有唱片、類唱片的質素,何況係天才的相反的地才,又或者連地才都唔係?Freeman 係 MV 之神,但佢唔係音樂人,係 Freeman 幫林子健同 Tanya 錄音的--因為唔似其他人,網友可以自己在家都錄到,佢地做唔到;錄係錄左,但呢 d 錄音根本冇法 mix 得落《福佳二》度--不妨比較下各福佳影音系列的錄音、以及精采如 Youtube「吃了 x 的女孩」的「傅碌」的錄音,再比較下如林子健唱歌的錄音,其實答案好清楚,大家都應該聽得出;又或者,記者叫當事人唱幾句,至多搵個音樂人聽下出唔出到歌,都答到你啦。

問題就係呢位超級知情人士的料根本就係流料,「大合唱」部份任何一個人走音,都會影響成段歌,因為唔和諧的部份會立即現形。由始至終的事實就係,兩位當事人的聲從來都冇錄過入去福佳系列,因為 1. 佢地歌藝受先天條件所限 2. 在先天條件的限制之下,必須以專業錄音室作長時間的錄音,一個字一個字咁錄 3. 即使一個音一個音錄完,都仲要有位音樂人全職咁一個字一個字咁慢慢執幾日,但問題係,被報導話係「操生殺大權」、「負責混音」的林忌,又過左去歐洲遊埠,你話邊有可能做得到呢?定係其實應該掉轉來作,例如,林忌應該撕爛張機票,而為左呢兩位政治人物的錄音而留低「負責混音」,置家人於不顧呢?

係囉,點解林忌澄清左 N 次,到今日都仲有人問我?就係有人鍾意老作,正如果三萬人繼續熱愛 2008 年聯合國廢除繁體中文一樣,你冇法子,我都冇法子,講多只有哂 Gas....

寫番出來,唔係想怪任何人,只係希望大家對香港的傳媒有多些理解--就好似上面改做中華台北的茂利,隨時就係咁樣的一回事,就好似莎朗史東字幕事件,就好似天文台把庫頁島改稱為俄國的薩哈林島,甚至有一日,可能有條茂利把釣魚台改稱為尖閣諸島一樣,香港的傳媒就係出現左呢 d 吹唔脹的問題,還是那句:有權、有名、有地位的人玩哂--因為只有佢地,才或者有足夠的力量,迫做錯事的人澄清,迫搞錯野的人道歉,而且仲未計,別有用心的人地有心造你,有心玩你,有背後無窮的大勢力去抹黑你。

各位讀者,香港地就係咁悲哀,網友請不要對現實有任何的幻想,唉!

伸延閱讀:
應公開受害人資料嗎?<- 方力申由冇到有被人屈經過
差不多先生的假新聞<- 2008 年聯合國廢除繁體中文假新聞
傳媒大覆沒<--連南華早報都走去報 2008 年聯合國廢除繁體中文的假新聞
地震不在日本國<-傳媒把俄羅斯的地震,當成是日本,同日本的右翼勢力合流,吹脹
庫頁島變了薩哈林島<-香港天文台出賣國土,以侵略者的稱號來稱呼國土
探針:做人不要太 CEN<-有線娛樂新聞台把莎朗史東的言論加鹽加醋,對比傳媒對成龍卻粒聲唔出的表現,大開眼界
何可欣一年長大三歲?<- 唔使講啦,唉
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    5 個月前

最近文章

再次伸延閱讀