支持及訂閱請按 Like

星期一, 3月 30, 2009

由失業到 F1 冠軍

金融海嘯衝擊,連一級方程式都有車隊做唔住,港人最喜愛的牌子之一,日本的本田 (Honda) 宣佈退出 F1,連帶令兩位本田的車手面臨失業,在一個月前,畢頓 (Jensen Button) 仍然在擔心自己會失業,到最後一刻出現買家,由維珍的大老闆聯同前法拉利的技術總監 Ross Brawn 買起本田 F1 隊,畢頓自願減薪五成留效,結果新車隊混合前本田隊的車架技術,配以平治的引擎加上新的設計,居然令其新賽車成為全場最快的車,而得到了澳洲站的冠、亞軍--至於法拉利,一架撞左,一架自己機件固障壞左,賽果實在嚇死人。

上面的事實有咩啟示呢?當然係傳統智慧教的「只要有恆心,鐵柱磨成針」、「世上無難事、只怕有心人」、「肯努力、肯搏、就得o架啦」,但除左呢 d 咁正面的睇法之外,仲有咩其他睇法呢?如果林忌係寫上面果幾字真言,我諗你都唔會想再睇呢個 blog 落去啦,係咪?

好了,傳統智慧的確係對的,正如好多今日的老闆,好多專業人士,經常提自己當年點慘點慘,而睇今日的年輕人唔吃得苦云云,的確係講左部份的事實--因為當年大家誠然係窮,大家都一齊由低點出發,但這些人卻故意忘了,他們自己的機會也比今日的人多呀;就好似 F1 賽車一樣,以前有架車,求其搵個車手,求其有技術就可以去賽,但今日得唔得呢?梗係唔得啦,連本田都做唔住,要退出 F1,如果唔係搵到個維珍的大水喉,Jensen Button 等一眾有才華的車手、技工云云,又邊有機會好似今日咁風光,可以擊敗所有強隊奪冠?有錢唔係大哂,但今日的社會,冇錢、冇基礎、冇關係,冇網絡,冇一眾叔佰兄弟與世伯提攜,你想有機會?其實同希望自己中六合彩一樣,就係咁簡單。

除左一些可以容許單打獨鬥的小行業--甚至今日這些行業的行頭,也嚴重萎縮了,因為以往還會睇實力,今日只係睇關係,沒有關係,就再叻都冇關係,有關係,就再蠢都冇關係;君不見傳媒、報章、電視、電影、音樂、教育、工商界、專業界,這些現象都只有更惡化,只容許一個又一個小圈子霸佔?

就望下香港的各界,回歸呢十一、二年來,又仲有幾多個「新車隊」、「新公司」去改朝換代,為各行各業帶來新氣象?還是任何新公司,都永遠只是脫離不了舊文化,永遠都只是用抄橋等根本唔 work 的方式,去意圖改變世界?

就好似畢頓咁,在 F1 浮沉咁多年,唔係因為冇才能,而係車隊大渣,遇著一個個膠人,又點會上到位呢?今日各行各業和當年不同的就是,成街都係膠人,連做生意的合作者都係膠人,就算你係香港畢頓,幾搏又有咩用呢?望下香港班高官而家係咩人?佢地日日上頭條嘈乜?
xxxxx
梁振英:不能姑息議員在議會說粗言
2009-03-28 HKT 21:25
行政會議召集人梁振英表示,不能姑息議員在議會使用粗言。他批評,有議員變本加厲,情況值得立法會主席留意。

他說,如有需要修改議事規則,他會支持。他又說,外國有例子,最嚴厲情況會令議員喪失議席,他希望議員自重及收歛。

由戰術層面的技術總監,到戰略層面的決策層,香港都面臨枯竭與衰退,那班天天說要關心民心的狗官,除了發出狗噏聲之外,又做左乜?特首、屎務政糖膠年之流,仲衰過小學生生班長,只係識得投訴人地講粗口,去投訴立法會議員講粗口,行騙會議的梁振英,就去搞政治鬥爭,要講粗口的議員下台;當市民不滿特首與膠官垃圾施政累人累物時,班保皇黨又衝出來話咩要人地人頭落地云云,而家做衰野就唔使「人頭落地」,梁振英之流居然就叫人「人頭落地」,要取消議員資格?直選議員係民選的,你憑咩想推佢地落台?特首講粗口,點解我地唔可以有任何方法推佢落台?

Jensen Button 願意減薪一半,我地的特首、高官呢?成班友話反美國式的自由經濟,人地奧巴瑪強迫果班高層減薪呢?原來講到尾,就係由大學生開始減薪做起,一齊四千蚊一個月的「最低工資」--點解大學生都寧願唔做?唔好講笑啦,你當年打工冇錢係有前途,今日的大學生你昆佢同你打四千蚊工第日有前途?信你零點零一成,乜目都失明啦。

香港的權貴同外國的權貴的分別,就係人地有制度監管,在制度下仲有人性,由 Bill Gates 都會捐哂 d 錢,到搞賽車都有情有義有始有終,香港地?呢班垃圾權貴,除左名利權同佢身邊的人,以及偉大的黨性之外,仲有咩人性可以言?只許特首狗噏,不許議員爆粗,雙重標準到咁,未正正係今日成個社會權貴人士的寫照囉!

一眾保皇黨與膠官咁想修改立法會的議事規則,我睇完 F1 每年都改制度之後,都覺得好支持,因此我地都應該學學 F1,年年都修改議事規則,除左禁止粗口之外,仲更加應該禁止埋衰過粗口的大話!凡有人在立法會事後被揭發講大話,就應該好似在法庭做假證一樣,負上刑事責任!無論官員與議員都一事同仁!

問題係,泛民又敢唔敢咁樣大返土共先?
這個小工具發生錯誤

熱門文章

這個小工具發生錯誤

最新文章

  • 本土派的六條命題 - 經《本土研究社》的陳劍青推介,讀到今日維基百科關於「本土派」的條目,真係唔識就嚇一跳,識就得啖笑,成個條目連最基本的還原歷史事實都不會,似足中共版本的「抗戰史」,把國民黨一筆刪去般,把所有非「熱普城」的本土歷史全面刪去。 這種所謂的「本土派」,又和他們口中的「中國人」有咩分別呢?其人格是否可以更為低劣一些?「本...
    5 個月前

最近文章

再次伸延閱讀