支持及訂閱請按 Like

星期五, 3月 27, 2009

狗養了這特首

曾蔭權澄清並無在議會內講粗口
2009-03-27HKT16:12
對於被指曾經在立法會內講出疑似粗口的說話,行政長官曾蔭權表示,為政數十年,每晚撫心自問,自己的確很多缺點,尤其在辯論緊張的時候,說話就會很快,時會失音以及失準,但他沒講粗口的習慣,他也沒在議會這個莊嚴的場合講粗口。

今日係三月廿七日,距離一月十五日的狗噏辯論,足足過了兩個多月;特首曾蔭權終於不再潛水,第一次面對「狗噏」的問題--曾蔭權自稱自己「走音」、如果係真的話,點解要社會大眾嘈左兩個幾月才來「認走音」呢?

唔好話大家當係小事一件,特首點樣走音呢?立法會秘書處為了「走音」走去「指鹿為馬」、「指狗為鬥」,單單係一個走音,又使唔使做到咁核突?點解唔特首大人一早出來道歉,話係「對唔住,一時口快講錯」就算數呢?如果一月十六日,或者一月十七日特首出來澄清,又邊有咁多人會指責特首講「狗噏」講左兩個幾月呢?唔通特首故意唔出來澄清,等大家「高興」一下?去讓全港的青少年,學習呢兩個字的重要性嗎?

對狗噏唔係粗口,所以曾蔭權的問題,就係客觀上有冇講「狗噏」兩個字--特首到今日都要同立法會秘書處一齊講大話,把「狗」字作成「夠」字?是否當我地香港人全部都係聾的?

如果曾蔭權的確係講左「狗噏」,這是客觀上的事實,那就是講錯野失言的問題,無論係走音定係失音,講左出來就要認,而唔係死口不認;認錯講了,根本就是小事一件,問題就係為甚麼曾蔭權要到三月廿七號才出來認?

曾蔭權自己講,話咩立法會議員又咩榜樣咩好重要,咁特首的榜樣又是否更重要?當全港青少年都人人講狗噏,人人學特首講狗噏的時候,曾蔭權為甚麼要到三月廿七號才出來認講錯?這些青少年講狗噏是誰害的?就是特首不肯認錯而害的!而更令人憤怒的是,立法會秘書處公然指狗為鬥,為掩飾曾蔭權的錯誤,先把狗指為夠,再把夠指為鬥,視香港人是耳聾且弱智,這是怎樣的一種態度?立法會秘書處處長何時才要下台?為甚麼到今日都沒有立法會議員出來要求佢下台?

兩個月後才出來認走音,曾蔭權絕對應該向鄧走音學習一下--走音使乜潛水呀?出唱片都得啦!同鄧走音聯手,一個唱杏加橙,一個唱狗噏,再唔係就同新晉的走音皇后--泳褲合作,由《花吃了這女孩》,改做《狗養了這特首》!

好了,我真的想知道,如果曾蔭權係走音,咁點解長毛同黃毓民唔係走音?如果走音可以兩個月都唔回應,咁點解佢地就一定要道歉?

這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    1 個月前

最近文章

再次伸延閱讀