支持及訂閱請按 Like

星期三, 3月 18, 2009

空氣污染源自阿媽係女人

政府顧問建議 多項措施影響成本
改善空氣質素電費車費必加

【本報訊】港人正因空氣污染付出健康代價,政府前年委託顧問檢討現行空氣質素指標及改善空氣質素措施,顧問提出19項第一階段改善建議,訂定於2015年的基線前,實施提升天然氣發電比例及全線更換高排放的舊式巴士車隊。不過,全港市民可能要為改善空氣質素,承擔額外增加20%電費及15%巴士費的代價。政府將於年中諮詢公眾,再落實推出改善措施的可行性及時間表。 

顧問向政府提出改善污染的首階段消減排放措施,主要針對六個範疇,包括將本地發電燃料組合中天然氣的比例,由目前的28%增至50%或以上;提前更換污染較嚴重的專利巴士等車輛,並推廣使用混能車及電動車。其他措施則針對管制船舶排放;於旺區設立禁止車輛駛入的低排放區;擴大鐵路網絡及推廣能源效益等。

特區政府搵顧問做研究報告,最終成功得出阿媽係女人的道理,證明為左得到一個可以生到細路的阿媽,係需要一個女人,因此不久的將來,我地將會在街邊見到「民建聯成功爭取阿媽係女人」的街板,值得全香港慶祝。

大約兩年前,林忌已經在蘋果寫左一篇《別讓巫醫來治巴士廢氣》的文章,以九巴為例,當時剛好出現了第三架「歐盟四期」的巴士,根據維基百科一眾巴士迷更新的資料,再翻查九巴的網頁,計埋今年九巴最新引進的「歐盟五期」巴士,四期加五期,到今日都係得五部;四千部得五部,你話一部巴士壽命幾咁長?當年林忌出聲說要解決巴士廢氣,還遇到很多反對意見,於是政府就要畀錢請一大堆專家,最後得出相同的結論,但兩年過去了,亦再多污染了兩年,呢段時間政府又做左乜呢?

空氣差得到阿媽都唔認得,可是我們的政府仍然在熱衷於證明阿媽係女人,距離處理阿媽唔認得的問題,仲有十萬九千七百步,林忌對呢份報告極度失望的,就係半分新意或前瞻性都冇--巴士排污嚴重呀?禁止車輛進入囉,換左 d 巴士佢囉,鬼唔知阿媽係女人呀?使你地研究?唔係嘛?「不過,全港市民可能要為改善空氣質素,承擔額外增加20%電費及15%巴士費的代價。」--這就是無能政府用金錢去推卸責任的講法,完完全全不知所謂。

巴士廢氣係多,巴士係舊,但唔使錢卻可以改善的,就係立即起隧道解決塞車;唔好同我講,呢份研究報告居然冇寫出,全香港有幾多巴士係因為塞車而增加了幾多的污染?如果起第四條海隧,今時今日無無謂謂的隧道塞車污染問題,就會最少減輕幾成--海底隧道的港島入口係邊?銅鑼灣、灣仔同中環也,這些日日塞車日日令汽車在隧道口排隊的情況,特別係歐洲前期、一期的柴油車(巴士、貨車、旅遊巴、重型車),簡直就係無限制地排污,邱蚓華唔係日日嘈話要停車熄匙咩?呢班唔停車,卻慢駛帶來的嚴重污染問題,佢做左乜?既唔能迫使巴士公司換車,也唔能夠減輕塞車,人人停車在路中心,塞車十幾倍,你估廢氣會多左定係少左?

巴士線根本可以重劃,那些「站站停」的巴士線,根本應該縮短路程,而改為做接駁;偏偏鐵路我地就可以迫人狂轉車,但巴士卻從來唔做好轉車站、轉車等合理的配套(因為今日塞到阿媽都唔認得,巴士司機鍾意就突然改班次,完全無從著手也);鐵路唔係要延長,而係應該改為快車,而唔再係站站停,配以其他交通工具去接駁!呢一切一切,全部只需要「重組資源」就可以做成,以改善乘客到達目的地的速度為藍本,真正做到以客為本,而唔係求其畀架車人坐,求其唔理坐幾耐,求其唔理班次,求其唔理到唔到得到的垃圾服務;政府咁多官僚食完飯冇野做,我到今日都唔明,點解呢 d 咁重要的事情,到今日都冇人去做--連諗下,都冇。

不知所謂!

(照片取自互聯網)

立即興建第四條海隧聯署

解決塞車之搬走工展會
三條海隧早已飽和
塞車官商勾結證據
逆市加價潮
福佳有理:建第四條海隧──比普選更難?
腦殘政府系列:強推通脹紅隧加價
西隧又加價
東隧專營權
港珠澳大橋較新海隧重要?
解決塞車?搬走金紫荊!(一)
講經濟效益?拆走金紫荊 (二)
私有隧道建設的錯誤
馬桶令排泄增加
改善塞車之事實勝於雄辯

反強制立法停車熄匙系列:
立法禁止除褲放屁!
邱騰華等天收吧!
塞車送了一條命
環保新葉劉--邱騰華
強制停車熄匙,欲移植澳門遊行?
環保大躍進-三面紅旗之停車熄匙
潮童不宜:支持強制行車熄匙立法!
強制反燃料污染立法
建議立法強制停視熄機
電子呼吸收費計劃
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    3 週前

最近文章

再次伸延閱讀