支持及訂閱請按 Like

星期五, 3月 13, 2009

U 盤弱智管理學

港交所:收市競價時段本月23日取消
2009-03-12HKT19:20

港交所行政總裁周文耀宣布,本月23日取消收市競價制度。港交所行政總裁周文耀表示,將於本月23日取消實施不足一年的收市競價交易時段,屆時回復下午四時收市,以回應市場關注。

他表示,推出競價交易時段前已經有足夠諮詢,不同市場有不同的競價交易時段,但本港的投資者擔心該時段的股價波幅。

他表示,如發現有不當的交易,會交由證監會調查,但不評論證監會的調查行動。

中大蘇偉文:港交所政策朝令夕改日後推新政策遇阻力
2009-03-12HKT21:44
港交所連番政策在一個月內,因為市場反對聲音而更改或者取消,當中包括縮短延長上市公司董事股份買賣期、及取消收市競價交易時段機制,中大工商管理學院副院長蘇偉文擔心,港交所日後推行新政策會遇阻力,影響本港國際金融中心地位。

傳媒很喜歡引述學者的意見,本來我對學者的意見都有很大的期待,可是見到蘇副院長的意見之後,亦真的為中大的工商管理學院很擔心,日後招取新生會遇阻力,影響中文大學的國際學術地位。

為甚麼呢?港交所的政策為甚麼取消?當然是因為出現了嚴重問題--上年萬聖節,最離譜的股票可以十分鐘升 65%,而匯豐呢,可以三秒跌 11.5%,而且現實地講一句,這個行動只係人地「手下留情」,理論上要玩到你匯豐一蚊收市都得,只需要你有一億貨,又有人願意做死士,玩死大笨象毀滅供股計劃,原來就係咁簡單,咁你政府需唔需要取消?

香港特膠政府點解肯聽民意?點解嘈左成大半年都冇人理,到今日先取消呢?原因當然係好似泰國包機事件咁,要有人死佢先聽;今次損失的小投資者一地都係,都仲算係「事小」,萬一真係有人唔生性,在競價時段做死士,幫匯豐變成仙股,就真係國際大醜聞。

唔好以為林忌誇張,歷史上無數次投機炒賣場,就係由無數的瘋狂死士組成--為左屈水,屈機係無所不用其極的;當年一條利森可以「造低」英國的霸菱,七十年代美國有死士狂炒白銀,搞到 珠寶商 Tiffany 要登廣告鬧投機者「冇良心」--林忌其實有些後悔唔研究 Finance,因為香港特膠政府真係好鬼低能,大把 loophole 可以玩謝,就以今次「競價時段」為例,真係令林忌懷疑,呢班學者有幾多個人有讀過港交所堆硬膠咨詢文件?真係想問下呢班大帝,如果學生用如此質素的文件來交功課,會畀咩 Grade 呢?

林忌唔研究開財經,但一看就覺得超有問題--但點解好似冇人睇過港交所的文件?定係睇左都唔覺有問題?再翻睇自己上一篇文《由雷曼到匯豐的真兇》:「收市競價交易時段是2007年經過廣泛諮詢公眾後獲市場大力支持而決定推行,當時大部分回應人士(23 名中的21 名)包括16 名交易所參與者及香港證券經紀業協會均歡迎增設收市競價交易時段, 並提及多種可能出現的效益」

開心大發現! 2007 的咨詢,原來只得 23 份意見書,一份普通公眾人士的意見書都冇,絕大部份來自大行,咁就叫「廣泛諮詢公眾」?公眾?一個公眾都冇叫公眾?


「第二次咨詢--102 份有 62 分要求「暫停競價時段」,港交所就當大家唱歌,先把「個人投資者」,同「交易所參與者」分開,連交易所參與者都唔夠「細」,仲要分大家的「市場佔有率」,不如唔好問啦,問特首想點未算囉,擁有港交所最後決定的權的就係政府,問政府想點未得囉,使乜問投資者?

回應者對隨機收市選擇的意見回應數目本文件中回應有關問題的段落
贊成 5
中立 2
不贊成 3
沒有表示意見13」

學者大人,港交所做假咨詢,唔好講政治上面的後果,只係法律都未必過關,政府如果一意孤行,證監會、港交所的決定,都隨時面臨挑戰,何況係政治上的後果?

蘇偉文唔擔心港交所胡亂做決定,唔擔心垃圾政策引來民怨四起,唔擔心呢個政府集體弱智核彈,會炸到政府倒台,卻去擔心「港交所日後推行新政策會遇阻力,影響本港國際金融中心地位。」--就好似生 caner 的病人,仲擔心做切除手術個傷口會唔雅觀一樣,除左用「弱能」來形容,仲可以講乜?

背後的邏輯仲得人驚,有些人就係會為左怕開刀個傷口,影響外觀(外人的觀感),即使生 cancer,都寧願由佢,由這些人去教管理學,唔怪得香港今日搞成咁啦,因為中國人最愛的,就係金玉其外,敗絮其中的物體!

伸延閱讀:
由雷曼到匯豐的真兇
孫柏文:青姐的淚不能白流!
黃世澤:U 盤之亂總結
黃世澤:競價變勁假 防造市證監有責

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀