支持及訂閱請按 Like

星期一, 2月 09, 2009

的士閉路電視變相鼓勵醉駕

業界聲音 安裝閉路電視防罪案

對於紅磡海底隧道管道發生的士劫案,市區的士司機聯委會主席郭志標表示,為保障的士同業的安全,較早時與警方的防止罪案科研究後,已落實稍後在的士內安裝閉路電視監儀器,但有關細節有待工程師稍後敲定設計及警方批核後確定。

由市民到警方天天宣傳不要醉酒開車,呼籲飲酒人士切勿開車,我真的不知道,他們打算呼籲醉酒人士應該坐甚麼。

就是嘛,難道是等午夜巴士?難道是行路返家?如果私家車車主飲左酒,你叫佢唔好開車,咁最有可能取代私家車的是甚麼?

對了,是的士;好了,你呼籲班有錢仔夜晚落完蘭桂唔好開車,要坐的士,例如周刊娛樂版成日報果 D,班友仔落完 pub,一男一女果 d,多數去邊?

係囉,就算唔去九龍塘,好似果 d 喜愛自拍的明星咁,你估佢地就算係返家,佢想唔想畀人影到?好啦,又或者唔係人人認得的大明星,晚晚去蘭桂的好多人,你估佢地想唔想坐的士被人影到?

如果的士安裝閉路電視,如果連坐的士在車廂內做乜,講乜野的私人空間都冇埋,你估,呢 d 成日坐的士的米飯班主,會有咩睇法?呢 d 切切實實最會坐夜更的士,最有需要坐的士的人,佢地的私隱感受,唔知政府同各位的士大佬有冇考慮過呢?

新聞報導,除左安裝閉路電視之外,好似外國咁,多數係在車廂內安裝鐵欄等保護裝置,可是的士行業的「主流意見」認為,安裝鐵欄望落去好似「好危險」,令人覺得香港的治安唔好云云。

我真係唔知道,呢班的士大佬的意見,係從佢地自己的出發點出發呢,定係從乘客的角度出發呢?作為乘客,望住鐵欄,我唔會覺得不安!如果望鐵爛就不安,咁日日望住政府總部的鐵欄班官未不安到自殺?反之,我肯定會對閉路電視更不安,因為你唔知道將來呢 d 影帶,會用來做乜;經歷過陳冠希事件之後,有誰肯相信拍低的事情,會傳去邊?

的士上的所謂攝影系統,所謂好安全有邊個信?理論上只係警方同法庭可以睇,但舉例說,好似前兩日在新界幾十架車連環被打爛玻璃打劫,個系統就唔可以成個搬走?搬走就唔可以 hack 入去睇?

如果坐的士o既係明星,有些傳媒狗仔隊連垃圾都敢去搵,有邊個保證的士司機唔會為左錢而出賣乘客的利益爆人私隱?就算的士司機唔會,又有邊個保證唔會有 d 下三濫的人,走去偷架的士來偷資料?

仲有,警方有權利睇就已經係唔安全的保證,咁多單警方的資料曝光外,例如咁多年投訴警察的資料都可以放上網(例如劉山青),有邊個相信警方百分百安全?警方的資料都多次有人爆畀傳媒,又有誰人可以保證,影像唔會從警方到漏出去?就算唔漏,又有誰保證呢 d 資料唔會被濫用?

舉例說,名人 A 君夜遊坐完的士之後,街邊的道友又剛好打劫架的士,於是警方一翻睇影帶,就突然無意發現名人 A 的私隱秘密,咁名人 A 的私隱,又有咩保障?

雖然我唔夜遊,雖然我唔飲酒,但係以上的一切都可以預測得到;如果我係夜遊加飲酒人士,對唔住,在的士安裝閉路電視之後,我一定唔坐的士,因為我對呢一切,半點信心都沒有;更何況,對 1984 Big Brother 的故事,我感到更不安;點解我去邊,坐的士同身邊的人講乜,都要坐部錄影?舉例說,如果作為一個刑事的律師,在的士上討論案情,豈不是全部被錄了音?之前有單案有執法者非法偷聽偷錄被告律師的談話,令辯護人的利益受損;如果連的士都安裝錄影帶,有誰可以保證呢 d 資料可以百分百不被濫用?定係好似政府一貫的做法,衰左就求其道歉了事?

的士行業為求安全當然重要,但安裝錄影系統就絕對係自掘墳墓趕客;近日就係經濟差,特別係夜更成街都的士冇人坐,安裝閉路電視後就連夜遊人士都趕埋,以後搵鬼坐?

成班大帝呢頭話要打擊醉駕,果頭就在的士裝閉路電視趕客返去開車,不如咁啦,學一百年前的美國或者今日的伊斯蘭國家,強制立法禁止賣酒算啦?再立法禁止婚外情、性濫交、未婚性行為,咁未唔會有私隱問題囉!

不過到其時,冇哂人夜遊,經濟差又少左人 OT,夜更的士搵鬼坐呢?我地偉大的政府同議員,唔知有咩計劃呢?不如強制立法大家要夜晚坐的士,好唔好?

孫柏文回應:最愚蠢的係,只需要用一蚊買個醫學口罩,就可以打敗成套系統!
當然,除非班友假設所有打劫的人,都好似昨日在隧道打劫條茂利咁弱智,連口罩或絲襪都唔識戴就走去打劫!

林忌再回應:天才!天才政府、天才業界,究竟係真蠢定係假蠢?立法禁止人戴口罩呀笨?立法禁止人戴口罩上的士呀笨?定係根本搞閉路電視,係為左其他目的,而唔係保護的士司機呢?

香港咩事呀?班友用邊度諗野o架?
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    1 個月前

最近文章

再次伸延閱讀