支持及訂閱請按 Like

星期四, 2月 05, 2009

頭文字富之鄭家富超速

鄭家富超速 20 公里 公開道歉

【本報訊】立法會交通事務委員會副主席鄭家富,涉嫌於去年 8 月在香港仔隧道超速駕駛 20 公里被影快相,案件原定昨日審理,但因當局程序上未及更新其新通訊地址,致他未有收到法庭傳票,令案件要押後到 3 月 11 日再提訊。鄭家富為自己超速、知法犯法向市民道歉。自由黨立法會議員劉健儀認為事件難免影響鄭家富的公眾形象。

近日打入立會十大議員榜的民主黨鄭家富,多年來經常就交通政策發表意見,自己卻違反交通規例,去年 8 月 28 日晚上約 11 時 半,在香港仔隧道內以時速 90 公里駕駛一輛私家車,比 70 公里的時速限制超出 20 公里,違反《道路交通(交通管制)條例》。


香港係一個好虛偽的社會,近年變本加厲的,就係有好多硬膠法律根本冇人遵守,犯法已經成為常態,但中唔中招除了睇「犯法的技術」之外,就係睇你好唔好彩。

舉例說,禁止賣煙仔畀青少年的法律,在沙灘禁止放狗的法律,在沙灘以及卡拉 OK 樓上 Cafe 禁止食煙的法律,有九成九時間都冇人遵守,就正如行人衝紅燈好危險一樣,司機超速亦如是,不過作為行人的多數人,大都會「同情」、「理解」衝紅公仔,但係對於司機快少少,因為自己唔係司機,所以就大鬧特鬧。

至於今次的鄭家富議員,對唔住,唔係佢快左廿公里--香港開車,就正如在香港過馬路,一百個內有冇十個永遠唔超速?狗仔隊跟車次次又有邊次唔超速?被跟的名人又有邊次係唔超速?你試下搵狗仔隊廿四小時跟住 d 拉法拉利的車主,例如田北俊,你估佢地有邊一次開車唔超速?如果嚴格禁止超速,香港應該禁止呢類跑車入口,唔單止「引人犯罪」,而且在現實中,一畀油就超左五十公里啦,咁我地係唔係應該禁止佢地開入市區?唔通有錢佬飛車就合法,鄭議員飛車就唔合法?

但係鄭家富居然在香港仔隧道飛車,呢一點就真係令人 O 嘴;從呢一點可以看出,鄭家富議員的駕駛技術,真係好水皮;除非鄭議員裝左超速雷達感應器(仲要唔一定 work,斷估佢都唔敢裝犯法果隻「反雷達儀器」),否則入隧道飛車的中伏率,一向都極高;好飛唔飛,入隧道飛?唔係嘛?唔怪得又試過被停牌,又被人扣咁多分啦!我對呢件事從來都唔驚訝,因為從佢的交通政策一直可以看出,鄭家富絕對唔係一個理解市道的司機--佢連超速雷達放o係邊都可以唔知?開車前打上台問雷達,開車時收聽警方的雷達位置,以及塞車的資訊,呢 d 香港開車的 ABC 都唔知,就真係好令人擔心,唔怪得唔怪佢平日連香港點解塞車,路面司機遇到咩困難,都唔理解了。

歸心似箭的鄭家富議員,你都知由香港仔隧道開出來,平時有幾塞車;第四條海隧一日唔起,你由港島南區去沙田,行邊度都塞車啦;夜晚黑你就話可以飛到 90km,平日有冇 30 km/hr 都成問題;唔該,支持下第四條海隧,唔好再幻想咩三條隧道分流啦,睇下我篇三條海隧早已飽和的數據啦唔該!

講到交通政策,近日街上越來越多空車的士,市道之差令人擔憂;不過自從貨車開工之後,難得過年暢通的路面立即塞番,呢樣野本身預見到,但最令人氣頂的,係的士大佬越開越慢,一去到街口就玩慢駛的行為。

以前只有空車的士先慢駛搵客,今日卻連有客的士都一齊慢駛,因為難得有客而希望賺多兩三蚊;以往短途賺得少,拖客的比率較低,出現「短加長減」,加上經濟差少長途客之下,一個政府預見唔到的副作用出現了,就是的士拖客製造塞車。

修例堵扣分制漏洞

【本報訊】為杜絕扣滿分司機故意不接傳票以逃避停牌,立法會昨首讀及二讀違例駕駛記分修 條例草案,新例規定只需將傳票寄到違例司機的登記住址便當作司機已收到,司機再不出庭應訊,法庭可下令通緝司機。

運輸及房屋局局長鄭汝樺昨在立法會表示,在記分制度下,運輸署會向法庭申請發出傳票,傳召被扣滿 15 分的司機出庭應訊。但有一部份被傳召的司機卻避收傳票,例如當專人登門送傳票時,司機不應門,或應門時聲稱傳票所列人士並非居於該地址而拒絕接收傳票。由於傳票未被送達,法庭不能發出逮捕令,而警方也不能逮捕有關司機。


杜絕八折黨的其中一個副作用,就係以往有好多的士「定點跑客」多數係客等車,就唔係車等客;今日「短加長減」完,八折黨係減少了,結果就係多左好多的士在街上慢駛,製造更多塞車引致更多污染;的士的排放唔算多,但係塞一條路,路上果些「歐盟前期」、「歐盟一期」的柴油車,如貨車、巴士引起的排放就好多好多了--從呢樣野證明,只要「強制停車熄匙」一通過,以往「停車唔熄匙」的司機,只要有幾 % 衝出來變成「不停車、不熄匙」,在路面上塞車,保證空氣更差,製造更多唔環保。偏偏香港有班盲毛,永遠唔會睇結果,卻只係沉醉在自己的妄想當中,以為亂推一些法例,就可以達到佢地自己心目中的結果--例如講左加重刑罰咁多年,班大帝到今日先諗到,係喎,原來有好多人可以唔接法庭告原來避免停牌喎!原來咁多飛車黨夜晚可以狂飛車,你今日先諗到呀?飛左咁多年先來修改法例傻的嗎?

我地法律就係咁搞笑,買飛仔車合法,買超硬速的車都合法,但係捉人超速,就睇身份地位運氣與彩數;十二歲少男去召妓合法,但係貼相上討論區就有機會最高坐八年,更會被何漢權之流,認為現行法律唔足夠要加強監管!記得前排兩日有位巴士司機危險駕駛被定罪,佢話第時會唔做司機,改行做看更;我諗佢真係太樂觀了!要知道香港有條硬膠《保安員條例》,規定多幢式的主流大廈的保安員,只可以做到六十五歲,呢位司機做多幾年,就會因為香港法例所限,迫佢再轉番行做司機,而再面對撞死人的陰影與危機!睇左咁多荒謬的事情,我都真係好想問下呢班議員大帝以及政府大帝,你地制訂政策果時,可唔可以用下腦?可唔可以真係搞清楚咩事先來發膠音?

立即興建第四條海隧聯署
李兆富:馬路如虎口
醉駕、加快減慢與無能政府
醉駕與惡法
危險駕駛與官迫民反
立法禁止除褲放屁!
邱騰華等天收吧!
塞車送了一條命
環保新葉劉--邱騰華
強制停車熄匙,欲移植澳門遊行?
環保大躍進-三面紅旗之停車熄匙
潮童不宜:支持強制行車熄匙立法!
強制反燃料污染立法
建議立法強制停視熄機
電子呼吸收費計劃
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    8 個月前

最近文章

再次伸延閱讀