支持及訂閱請按 Like

星期四, 2月 19, 2009

支持環保減少消費

議員指膠袋徵費沒有迫切性
2009-02-19 HKT 18:20

立法會一個小組委員會討論膠袋徵費安排,政府希望委員會能夠在下月中或之前,完成審議工作,並在今年7月實施有關計劃。

有議員(方剛)認為,措施並沒有迫切性,擔心計劃只能收短暫效果。

邱騰華一眾「大計劃」之中,膠袋稅已經屬於「最唔膠」果個;唔計佢又 1. 成日呼籲議員要儘快通過佢的法案 2. 膠袋稅的法例當中,居然包括入屋搜查權呢兩點之外,我雖然個人不認同膠袋稅的成效,但亦能理解呢條法例的良好意願,起碼大超市會受到規管,而唔係只係針對小商戶與小市民,還有一定的合理性。

問題來了,正如方剛今次所說,政府在回收的配套乜都未諗,我地偉大的邱局長就次次都繼承左特膠政府的荒謬特色,佢地要負責的部份,就永遠慢到癡肺,要議員負責的部份,就永遠趕到不知所謂,審議法案的合理性,審議法律的重要性,你估邱騰華你一個人講哂呀?立法會唔係用來審議法例,成日都「希望議員盡快通過」,你咩態度呢?市民的監督你有冇尊重過呢?法例通過有事你係唔係自殺以謝天下呢?又唔見你對付油公司「加快減慢」等情況,肯聽下市民「盡快完成」的呼籲?呢種工作態度,實在令人反感。

膠袋稅帶來有三種可能性,雖然亦可能三種都同時出現;第一種就是市民非常自動自覺,日日出街都會自備購物袋,這亦是局長及一眾議員所盼望的事,但通常這種良好樂觀意願,結果都係得個膠;第二種可能性,就係市民當佢係傻的,簡單而言就係錢照畀,減完一輪使用,慣左畀呢 d 稅,使用量又再次直線上升,就好似倫敦的電子道路收費,玩唔夠幾年,收費增加左成倍,結果五年後路面使用量又打回原型,而且收番來的錢有四成幾都係行政費,市民白畀左錢卻乜都做唔到,帶來種種的不便,呢種可能性絕對不細;而最後一種可能性,就係市民改變消費模式,對於真正熱愛環保的人士係福音,但對於香港呢個「經濟城市」來講,就祝各位好運。

望望超市車上買野,有幾多貨係「必須」的呢?超市這種模式之所以成功,就係在於其自由自在,所以變相大家都買多左野;有好多食物、飲品、消費品,實際上都係冇需要的,但在我們以往的消費模式當中,卻已潛而默化習慣了;如今加入膠袋稅,很即時的影響就是,當你身邊冇帶購物袋時,就會拒絕消費;時間有限,又要交通,慢慢地以往的消費量就會減少,而越少買野,就越唔想買野,這種心態在市道好時可能問題不大,在今日的市道來說,零售業要面對的,就是另一回事了。當台灣大發消費券鼓勵消費的同時,我們香港卻有膠袋稅去鼓勵減少浪費,不要忘記浪費就是最大的不環保,買好多無謂的東西,其實都好唔環保;林忌一向真心支持環保,也因此好少買野浪費,亦同時好少胡亂消費,但一般人又如何呢?如果大家一齊拒絕大魚大肉,拒絕以往香港人那種奢華的消費模式,對成個已死死地的市來講,會帶來咩短期的影響呢?唔知道邱騰華局長,有冇同財政司司長傾過呢個可能性呢?唔知萬一真係令百業蕭條,到時佢又會唔會負責任呢?定係講一句,我只係負責環保,其他野唔關我事呢?
議員批評食環署使用大量膠袋 未有以身作則
2009-02-19 HKT 16:54
立法會一個委員會討論膠袋徵費的安排,政府希望委員會能夠在下月中或之前,完成審議工作,爭取在今年 7 月實施有關計劃。

議員方剛擔心有關計劃只能收短暫效果,陳偉業則質疑,政府部門,例如食環署,使用膠袋的情況,十分嚴重。

出席會議的環保署副署長林啟忠回應,食環署使用膠袋的數目,由 06 年 530 萬個,減至 07 年的 450 萬個。

環境局局長邱騰華亦在會上說,政府需要以身作則,推動環保。他又說,膠袋徵費只是第一步,希望議員能盡快完成審議。

係囉,原來邱騰華都知道政府應該以身作則,我期待邱騰華幾時宣佈放棄佢架 3000cc 的燒油坐駕,日日坐地鐵返工的一日,唔知邱騰華幾時出來以身作則呢?

定係學油公司「加快減慢」,議員就要快,市民就要快,政府就要慢,自己就要慢呢又?
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    1 個月前

最近文章

再次伸延閱讀