支持及訂閱請按 Like

星期一, 2月 16, 2009

呼籲民建聯立法反收購、禁止私有化

呢幾牌見到好多人對電盈好大意見,林忌亦深深認同;記得當年有些朋友從事 IT 界,都和香港電訊有唔少淵源,不過自從畀李澤楷買左之後,原本好地地賺錢年年派息的香港電訊,就變左蝕本炒人,最後搞成今日的局面。

係囉,點解李澤楷會搞成咁,係唔係李澤楷的生意做得特別差呢?記得八、九年前,香港電訊好似搞互動電視失敗,固網同手提業務都已經開始走下坡,去到今日 Now 能夠殺出一條血路,甚至連對手有線電視的英超都敵意收購埋,基本業務唔算搞得衰喎,最少冇其他競爭對手咁多投訴先,咁點解電盈搞成咁?

我都非常同意小股民,以及同情小股民的看法,就係佢地真係好可憐,特別係高價買落果班,就例如今日有線新聞訪問,有位同民建聯一齊去示威的苦主,佢講買果時三十幾萬,而家得番萬幾,話私有化之後冇仇報云云;我非常同情佢,但卻不認同佢觀點--冇仇報?你估唔私有化就有仇報咩?唔係嘛?電盈股價沉左幾多年呢?要果萬幾蚊升番上三十幾萬,除非港紙好似辛巴威或者冰島的貨幣咁啦。

個道理好簡單之嘛,就好似負資產一樣,明明冇果筆錢,靠借人地的錢去收購香港電訊成千億喎;唔好講成千億,就當一個冇收入,冇本金的人,無神神問銀行借一千萬去買樓收租,你估會有咩結果呢?李澤楷同閣下的唯一分別,就係佢阿爸係李嘉誠,你唔係,佢有本事借到錢,就好似有個有本事的阿爸開張附屬卡畀佢一樣,問題係,佢買起左之後「資不抵債」,未賣野囉,cut 呢度,cut 果度,問題就係班小股東,點解當年要同意佢收購香港電訊呢?成班傳媒講話而家好有問題嘛,真的好想問,咦?乜係人的問題咩?乜而家電盈變成佳寧咩?乜而家變左騙案咩?我同意有欺騙成份,最大的欺騙成份,就係明明佢冇錢,點解可以畀佢收購呢?果班出錢畀佢收購的人,果班支持佢收購的人,去左邊?

因此我建議,政府出錢買起電訊,將呢筆錢同捐畀四川的錢互換;然後呢,由民建聯帶頭,通過一條新法例,就係禁止電盈的悲劇再發生,立法強制禁止公司私有化,再立法禁止公司進行收購,仲有要立法廢除「敵意收購」的條例,根據呢條條例,個別人士持股量超過 30%,就要提出全面收購,變相製造「私有化」,既然「私有化」咁不仁不義,大家就立法禁止左佢啦!制度出問題嘛,就立即禁左佢囉!有些人堅持電盈同雷曼事件「一樣」嘛,第一件事就應該由立法會成立獨立調查委員會,調查電盈由收購香港電訊成立的前因後果,第二件事亦應該好似雷曼咁,立法收緊制度,立法禁止私有化、禁止收購、廢除強迫全面收購的持股限制,咁就一天都光哂啦!

係囉,李慧瓊呢個寶貴的意見聽唔聽到呢?葉國謙對呢個寶貴的意見又聽唔聽到呢?民建聯唔好只係做個樣,立法會議員的作用,唔係用來立法唔通用來示威?咦?咁你地未比你地口中的長毛「更長毛」?日日搞搞震,卻唔立法,乜你地棄暗投明,加入左泛民咩?

係囉,當年阿爺搞出來的收購電盈嘛,民建聯又點敢反對呢呵?不過就算唔各對,都可以立法禁止「蛇吞象」--以小吞大o架?當初盈動只係賣概念,點解可以收購香港電訊呢?立法禁止「蛇吞象」囉好唔好?我舉腳支持,問題係民建聯敢咩?呢班友只係扮為苦主做野,真係有用的事佢地敢做咩?
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    3 個月前

最近文章

再次伸延閱讀