支持及訂閱請按 Like

星期二, 2月 10, 2009

民建聯成功爭取李家收購香港電訊!

強烈要求民建聯、網通、中銀及李嘉誠立即收購電盈 (0008)!
維基資料:2000年,香港電訊的母公司英國大東電報局(Cable & Wireless)有意接受新加坡電信有限公司收購香港電訊的建議。消息傳出後在香港引起憂慮,擔心香港最大的電話系統公司會落入競爭對手新加坡當中,中央政府也表示反對把香港電訊售予外資(即使大東電報局也是英資公司)。不同於電視台,香港法例並沒有規定固網公司不能控制在外資手上,只禁止反競爭行為。及後盈動加入競投,最終盈動在中國銀行牽頭的銀團提供的110億美元巨額借貸成功收購,使盈動由一間小規模的資訊科技和地產公司,搖身一變成為香港規模最大、同時提供固網、無線電話、網際網路等綜合電訊服務以及發展地產的公司,市值超過2500億港元。兩家公司在同年8月合併成電訊盈科。有傳言認為,該次收購行動,香港及中央政府在背後支持,使盈動能透過中資銀行借得巨款,收購香港電訊。在收購消息加上科網熱潮,盈科數碼動力在2000年2月15日以HK$28(股票五合一後實為HK$140)收市。

香港有班無恥之徒真神奇,好似當香港失憶咁,當初英國的大東電報局賣香港電訊,本來係新加坡電信出來買,半路殺出個李澤楷,咦?佢係乜水呢?點解中國銀行肯借錢畀佢?唔知黎智英如果想買,中國銀行借唔借?如果法輪功想買,中國銀行借唔借?李澤楷如果唔係愛國商人李嘉誠的仔,而係法輪功李洪志的仔女,作為國家的代表,作為次次選舉叫哂自己員工投民建聯的中資機構,會唔會無神神借出 110 億美金去買起香港電訊?

係囉,就好似當初領匯上市,大班、陶君行等全力反對,果時邊班友出來話大班係「大奸」,話大班阻人發達呢?盧少蘭被邊班友日日抹黑呢?邊班人走去法院告大班呢?邊班人日日在報紙傳媒話大班係「包攬訴訟罪」呢?呢班土共果頭大力撐領匯上市,幾年後的今日就日日去領匯示威,反對領匯狂加租,想問一下,今日領匯上左市係邊個造成的?當初係咩人支持的?之唔係就係呢班土共同迷信股民囉!

係囉,當初李澤楷入主香港電訊,嘩?成班股民反應幾好?果時訪問班友講乜?「我信李嘉誠,我信國家,一定發!」幾多媒體封李澤楷上神檯?幾多港女曾經何時迷上了 Richard 的 IT Look?嘩,為國家買起英資香港電訊呀!嘩!國家的銀行出錢畀個後生仔「蛇吞象」,明明冇錢,全靠國家借錢去買起一些佢根本買唔起的公司呀!呢 d 孽是誰作的?用借來的大筆的錢去買起一間公司,間公司根本就賺唔到咁多錢,搞到蝕到仆係度,咦?邊個的錯呢?如果當初香港電訊賣畀星加坡,個結局會唔會一樣呢?係咩人出來要「中國人」買起佢呢?

凡大陸有咩好事發生,民建聯都講到自己同中國係一整體咁款,香港電訊搞到今日 PCCW 的田地,係咩人搞出來的呢?如果唔係借左咁多錢去「蛇吞象」,要還咁多息,咁股價會唔會在 IT 泡沫爆破後,跌到瞓街呢?就同成功爭取領匯上市一樣,香港電訊賣畀李澤楷,都一樣係呢班土共成功爭取的,搞到衰哂,呢班契弟就反轉豬肚就係 X,話係人地的錯,仲要屈番民主派,念念不忘李澤楷在選舉捐左錢畀泛民,立即出來指鹿為馬做打手,嘩!好兇狠呀!

咁兇狠,民建聯快 d 反埋李澤楷阿爸李嘉誠呀!
2006年6月,電訊盈科證實澳洲麥格理銀行及美國基金新橋資本,有意收購電訊盈科大部分電訊及媒體資產,但不涉及收購電盈股權,作價約為550億至600億港元之間。李澤楷計劃在收購完成後派發特別股息,然後將電盈清盤。電盈第二大股東中國網通集團對此計劃提出反對,因為網通入股電盈時曾和電盈簽訂協議,當電盈的控股權易手時需要得到網通同意。但由於此計劃只涉及出售資產,而不涉及公司股權,故網通的反對並無效力,亦將不會影響交易能否成功進行。

然而,中國國家信息產業部認為電訊網路涉及國家安全和利益,不宜由外資擁有,因此中國政府一方面透過中國網通表達反對,另一方面則透過政治途徑向李嘉誠和李澤楷施壓。 7月10日,花旗集團高級顧問梁伯韜在香港表示,由他全資擁有的公司斥資91.6億港元,收購盈科拓展控有的電訊盈科23%股權,每股作價港幣6元。[3] 李澤楷並私人拿出約14億港元作為特別股息派與股東。由於小股東的得益不及把資產以600億港元出售,電訊盈科在7月11日復牌後急跌8.11%,跌至港幣5.1元,完全抵銷了特別股息的收益,翌日的股價更曾跌穿5元。中國網通的股價在同日也下跌了5.15%。

雖然李澤楷是盈科拓展的大股東,但由於梁伯韜的部分資金來自李澤楷的父親李嘉誠,新加坡交易所視之為關聯交易,李澤楷於是失去了出售資產的投票權。

到了11月中,梁伯韜公佈的買家名單中包括李嘉誠基金會,引起李澤楷不滿,並表示「樂意見到收購方案被盈科拓展小股東否決」。李澤楷在11月17日回覆立法會的信件中更表示「對李嘉誠參與其中感到遺憾。」最終,收購方案於11月30日以76.3%反對票被否決,交易告吹。
2006 年李澤楷要賣盤畀外資,是誰反對呢?中國國家信息產業部!「電訊網路涉及國家安全和利益,不宜由外資擁有」咁唔妥,未買起佢囉,電盈第二大股東中國網通集團對此計劃提出反對,卻又唔肯收購喎;梁伯韜公佈的買家名單中包括李嘉誠基金會,最尾交易告吹,邊個做出來呢?原本好好的香港電訊,賣畀中國的友邦新加坡,你唔畀;賣畀澳洲佬美國佬,你又唔畀,咁點呀老闆?民建聯不如問中國銀行借錢,向李澤楷全面收購電盈囉好唔好?拿,李澤楷都可以「無本生利」,「蛇吞象」買起香港電訊,今日電盈跌到傻,平左咁多你先鬧爆佢係唔係先?搞咁多都係因為電盈令人蝕錢,所以就鬧爆佢,咁民建聯阿爺係中國政府,中國政府大些,定係李嘉誠大些?中國政府有錢些,定係李嘉誠有錢些?既然中國政府有錢些同大些,咁未由中國政府作擔保,搵中國銀行借錢,買起電盈佢,未唔使私有化囉,係唔係?

既然民建聯咁鍾意向電盈示威,我建議各位電盈的小股民反客為主,一齊去民建聯、中聯辦以及中國銀行門口示威,要求阿爺再次出招,搵網通呀、中國銀行呀、民建聯呀等一齊,聯手買起電盈!!!

2000 年果時,中國銀行肯借錢畀李澤楷,冇理由 2009 年唔肯借錢畀民建聯o架?仲有國家的網通又去左邊?點解唔肯全面收購電盈呢?係囉,快 d 買起佢,救小股民出生天嘛?再唔肯,由中國外交部出面認錯,再要求澳洲呀、新加坡買番電盈啦!

李嘉誠咁衰,買一半唔買一半,中央快 d 叫李嘉誠出手啦!唔知民建聯會唔會帶頭,杯葛李嘉誠的所有工商業呢?一眾親中愛國報章,會唔會立即杯葛李家「不義之財」的廣告呢?

強烈要求民建聯、網通、中銀及李嘉誠立即收購電盈 (0008)!

Facebook Group 回帶:民建聯成功爭取中資李家收購香港電訊

精采回帶:2005年1月1 日 香港金融界反政客亂港大遊行


伸延閱讀:
民建聯成功爭取領匯上市狂加租!
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    2 個月前

最近文章

再次伸延閱讀