支持及訂閱請按 Like

星期日, 2月 01, 2009

醉駕、加快減慢與無能政府

蜆殼凌晨起調升無鉛汽油價 新價每公升近 13 元
2009-01-31 HKT 20:02
蜆殼石油公司宣布,凌晨起調升無鉛汽油價格,新價每公升為 12.99 元,每公升加價 4 角。「V能量」汽油新價為 13.84 元。

至於柴油則每公升減 0.18 元,新價每公升為 8.07 元。

國際油價近日出現少許波動,才有一點點回升,轉頭已經再度向下,可是我們偉大的油公司,再次施展「加快減慢」的一貫作風,借少少升幅,就立即加 4 毫,又唔見油價大減果時,佢地會立即減價?

2004 年 6 月時,國際原油升到 41 元美金一桶左右,和今日的油價相近,當時的香港的汽油價格約為 $11.5,去到當年 8 月加價時,也只不過 $12 一公升;可是今日油價相近,我們偉大的油公司和當年的價位都最少有五毫至一元的差價時,竟然逆市加價到 $12.99 一公升,真的想問,我們的硬膠政府做了些甚麼?

環境局前排高調說要提燃油的平均進口價,一月廿八號 update,去到今日為止,都只係能夠提供到一月一號的數據,結果討論區上車主媽聲四起!市民關心開支,政府乜都做唔到;市民擔心安全,醉駕咁嚴重卻沒有加重刑罰;市民最急的佢唔做,市民唔急的佢就要做!講左咁多年,無數油公司、電力公司加快減慢,班高官除了出來狗噏之外,做過乜呢?

市民所急的,佢地就只會狗噏;油公司連埋電力公司加快減慢,隧道公司狂加價,呢班高官出來當冇事發生過;連環保團體話要減少電廠的污染排放,邱騰華都當冇事發生,仲反過來幫大電廠話會影響經濟民生云云;反過來完全不能實行,完全對環保沒有 1% 幫助的「強制立法停車熄匙」,寧要同全香港司機宣戰,佢就死都要推行,法例通過之後,要熄匙的車改為遊街慢駛,造成更多塞車更多污染!真環保唔做,假環保就做,呢 d 未「眼前鬼卒皆為妖」囉,呢 d 垃圾官員,幾時先肯下台?

早兩日拜年,朋友間講起林忌才知道,原來自己居然認識位有錢仔,他已經成為朋友間的「佳話」,通知千萬唔好坐佢車,甚至知佢去邊區最好避開行!點解呢?原來佢才考牌一年就撞爛兩、三架歐洲車;其他撞花撞傷他人車輛,小意外不計其數,唔係冇人發現不顧而去,就係用錢收買和解了事;佢的駕駛態度就係:「我果架係靚車鋼水好,撞親人地爛哂我果架都少事好多」,佢親友係保險高層,永唔怕買唔到車保,於是照舊在馬路上胡亂開車;朋友坐過佢車,報料話:「呢條友,係唔睇倒後鏡,過線揚下手就過,唔打燈就咁揚手唔理三七廿一就切過去,同佢講佢仲反問,乜唔係一揚手人地就要讓你咩?」
邱誠武指打擊醉駕視新例效果
2009-01-31

政府下星期將與議員、業界以及學者開會,研究如何加強打擊酒後駕駛,醉駕車禍死者家屬則指刑罰太輕。運輸及房屋局副局長邱誠武表示,要視乎下月9日新例實施後的效果,才決定如何跟進。邱誠武認為,新例有一定阻嚇作用,當局下星期會聽取各界意見,稍後再作檢討。
xxx
新的酒後駕駛條例下月 9 日開始實施,警方有權隨時截停車輛,要求司機做酒精測試,首次觸犯酒後駕駛可被停牌 3 個月。

車輛胡亂切線,快線慢行,加埋醉酒駕駛,政府乜都做唔到;停牌三個月,對搵食司機有多少阻嚇力囉,對有錢仔有咩阻嚇力呢?落馬洲呢次六個人死,剛好係大車的搵食司機,平日更多單,好多因為未必有人死,傳媒未必報的,一日都仲有幾多單?醉駕幾廿次,唔好彩畀警方捉到一次,都仲可以搏吹波仔過到骨;過唔到骨,未搵司機車佢,搵身邊的老友車佢囉,三個月唔開車使死呀?我上面果個朋友的例子,就正正反映即使新法例都有幾無能;醉駕唔係普通的問題,係自己與他人生死的問題,政府在環保上成日推美國加州的標準,點解醉駕又唔推加州標準?在加州,醉駕殺人可以被判二級謀殺,點解廢氣排放、汽油要用加州標準,保障生命安全又唔做呢?

從維基的資料顯示,好多國家的酒後駕駛的標準都嚴過香港,看看汽車典範的德國,在部份高速公路不設限速,全國路橋不收費(境外貨車例外),自由至此卻對醉駕絕不手軟;首兩年牌或廿一歲以下,係嚴格任何酒精,商業車輛只限 0.03% (只有香港標準的六成,普通人和香港一樣標準的 0.05%,卻還要沒有任何「受酒精影響判斷力」的要求,否則一樣唔過關;超標一倍以上,停牌一年;兩倍以上立即取消車牌,需要考醫學及心理試證明改過自身。

成班高官一人一架寶馬與福士,成堆香港人狂買 Benz、Porsche、Audi,成班友只係識得買硬件,卻唔睇人地軟件配套,道路唔跟德國的保養維修標準(看看人家的修路多有效率,看看人家的路牌多麼清楚),限速唔跟德國的自由標準,制度唔跟德國的自由免費標準,排氣唔跟德國的環保標準(例如,部份城市根據汽車的排氣量,去禁止高排放的車輛進入鬧市),連飲醉酒駕車,都唔跟德國的法例要求;寶馬的根據地慕尼黑一年一度啤酒節舉世知名,可是飲得酒的德國人,都仲知道咩叫法律,知道問題的關鍵,在於良好的紀律、一流的駕駛習慣,對考車牌的嚴格要求,以及禁絕飲酒開車等不負責任的行為;我地的車係德國車,但我地的人呢?有冇德國人的水準同要求?在香港開車,即使開得再慢又點?都仲危險過在德國開每小時 200 公里以上呀!前面架車唔打燈切線,後面架車死推跟貼,開得再慢又有咩用?成班冇世界觀的盲毛坐在辦公室,以為加設快相機,減低限速就有幫助,不如立法禁止開車,大家行路返工,請多廿倍苦力去搬貨發展零售業呀笨?

係囉,以上一切都係連鎖效應,例如愈塞車,就愈多車--點解?當一架貨車因為塞車,由可以走五轉變成走一轉貨果時,未搵多五倍車來送貨囉;我地偉大的政府話發展旅遊零售業,越多人消費就越多貨車,越多貨車就越多塞車,越多塞車再增加越多貨車去送貨,呢 d 就叫做「核反應」,同製造原子彈的核分裂一樣,係一個連鎖反應;香港政府的硬膠程度亦一樣,最鍾意就係連鎖硬膠!例如早排花園道、西貢出現旅遊車意外,有車禍唔去對症下藥為全部巴士乘容增加安全帶,卻只識加快相機,於是平均車速越慢,就越多瘋狂 cut 線的司機;越多瘋狂 cut 線的司機,就越多交通意外!望下成條都係快相機卻塞到 PK 的隧道,一年幾多單交通意外?駕駛心態唔變,真正的嚴重不良駕駛習慣唔打擊,只係抄違例泊車與輕微超速的牌,又有咩用?不如飲酒開車搏你捉唔到,或者吹波波時低過標準好過啦!好有「阻嚇力」呀局長副局長!

伸延閱讀:
醉駕與惡法
危險駕駛與官迫民反
立法禁止除褲放屁!
邱騰華等天收吧!
塞車送了一條命
環保新葉劉--邱騰華
強制停車熄匙,欲移植澳門遊行?
環保大躍進-三面紅旗之停車熄匙
潮童不宜:支持強制行車熄匙立法!
強制反燃料污染立法
建議立法強制停視熄機
電子呼吸收費計劃
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    5 個月前

最近文章

再次伸延閱讀