支持及訂閱請按 Like

星期二, 1月 06, 2009

為何港人信心跌至倒數第一

在問這個問題之前,不妨回想一下,九七年前的政府是怎樣的?當年港英統治的年代,即使仍是殖民地,官員是怎樣管理香港的?

遠的不說,今日全世界機場選舉連續幾年第一的香港國際機場,好到了連新上任的倫敦市長 Boris Johnson 都想抄一次建在倫敦;當初人人都唔睇好,中方更係反對到底,好似第四條海隧咁,大家都對呢項計劃最多半信半疑,如果係今日的特膠政府去統計,肯定會好似統計海隧流量咁計算:「啟德都未飽和呀!」,就好似貨櫃碼頭咁,又係冇位爆到狂加價,結果 d 貨櫃直頭搬埋返大陸的港口!

九七前的香港,就係政府做錯左會出來認;制訂政策時會真正聽下民意,會以草案認真咨詢,會考慮實行的成效,而唔會好似今日的政府咁無恥;例如制訂公眾地方禁煙,由海灘、卡拉 OK 到樓上 Cafe,次次都仲見到人有食煙。所有狗官,只係為左立法而立法,為左自己的著數而立法,為左證明自己價值而立法,而唔係真正為左解決問題而立法。

去到今日的香港,無恥人士當道,凡做事只係為左推卸責任,凡做事只係為左一己上位私利,唔好話期望做到五十分,連廿分都嫌多;長遠規劃冇哂,個個都只係炒短線,竭澤而漁, 代價呢?出事呢?連承擔責任、過失的勇氣都冇,都仲想推,都仲想老作,就同 AO 的考試內容一樣,就係一味推卸責任,全世界的錯,全世界的意外,全世界不的不幸,都仲自己無關;所以結果就係,香港的經濟環境明明未去到冰島果種銀行破產、貨幣大貶值的地步,香港人的信心與悲觀卻同冰島睇齊--我們見過好的政府,而家的垃圾貨當然分辨得到,特膠政府的失敗,係一代人的失敗--係一代在港英治下也文也武,到「港人治港」時集體敗家的失敗;最過癮係,失敗左,唔檢討,唔反省,唔讓位,繼續霸住個「千年帝國」,繼續指點江山!集體敗家,結果未同冰島國民睇齊囉!

冰島再敗家,背後都仲有天然資源(例如免費的地熱)同歐盟,膠港呢?靠大陸?發夢啦,人地益台灣人都唔會益你!可況大陸自己都自身難保,廣東一帶有幾多廠執笠?有幾多民工「回鄉搵工」?內地將有幾多人失業?有幾多未揭發的黑幕?唔好話你同我,即使中央政府都唔知。
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    8 個月前

最近文章

再次伸延閱讀