支持及訂閱請按 Like

星期二, 1月 20, 2009

譚偉豪博士超智能發明

譚偉豪:以ITS解開隧道流量不均死結 刊登於《香港經濟日報》, 2009年1月13日

多年來,香港三條過海隧道的使用率嚴重失衡,以致出現分流失效的問題。除非政府有決心盡快在本港落實推行智能交通運輸系統(ITS),讓駕駛人士更方便、更快捷地取得實時的道路資訊,在駕駛途中,預早選定適合的過海路線,這樣才是最有效的治本之道。

曾特首說不想和議員狗噏辯論,其實錯唔哂,因為立法會的確有一班議員在狗噏,其中一位就係IT 界的譚偉豪議員。

三條過海隧道的使用率失衡,原來是「資訊」引起的問題嗎?乜有人唔知道舊隧塞車嗎?乜原來譚議員覺得香港的駕駛者咁「低智」,需要一套「智能系統」,去話畀佢地知,舊隧塞車,所以要去西隧嗎?用三十三億去投資「智能系統」,點解唔用來起條新隧道?

正如廁所塞左,用天才議員譚偉豪的邏輯,係應該開發一套「智能系統」,話畀大家知,原來半個鐘外有一個廁所,大家都好需要用三十幾億,去開發一套智能系統,去話畀大家知,原來半個鐘頭外的廁所唔塞!!! 天呀?呢種程度的智能,簡直係超智能!!!

只要譚議員在繁忙時間,花少少功夫去一去灣仔同金鐘,就知道香港今日最塞車的死結,正正就係舊隧同西隧之間的道路;安裝了智能系統,我地的車輛係唔係識飛呢?唔識飛,中間冇路行,又點樣分流呢?分落大海潛水乎?分上半空飛行乎?路係得咁多,唔起路,用咩資訊系統,你估可以把車輛壓縮呀?不如幫全港汽車安裝超智能自動駕駛系統呀?安裝得到,譚偉豪議員絕對可以問鼎下屆的諾貝爾獎,香港之光呀!不如呢套系統,就叫做「痰罐豪」計劃啦!用三十三億起一個睇得唔用得的靚痰罐,巧威威呀!

邱誠武副局長,你唔會因為篇文登在經濟日報就跟佢推行嘛?畀我見到一篇咁的垃圾稿,就只會送去垃圾筒,而唔會登出街,仲印上報紙?唔係嘛?畀人恥笑事少,浪費地球資源事大,唔知邱騰華局長,又有冇考慮過立一條「強制禁止浪費地球資源」的法律,去處分呢 d 既唔用腦,又唔做功課的膠人呢?
itplastic立即興建第四條海隧聯署
成為林忌的 facebook 朋友

伸延閱讀:
三條海隧早已飽和
塞車官商勾結證據
逆市加價潮
譚偉豪的神秘電郵名單
腦殘政府系列:強推通脹紅隧加價
深圳都叻過香港人
福佳有理:建第四條海隧──比普選更難?
腦殘政府系列:強推通脹紅隧加價
西隧又加價
東隧專營權
港珠澳大橋較新海隧重要?
解決塞車?搬走金紫荊!(一)
講經濟效益?拆走金紫荊 (二)
私有隧道建設的錯誤
馬桶令排泄增加
改善塞車之事實勝於雄辯
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    1 個月前

最近文章

再次伸延閱讀