支持及訂閱請按 Like

星期四, 1月 15, 2009

原來立法會容許狗噏


繼唐英年用「拍拍籮柚」、再用「條條 Fing」來公開發言之後,我地曾特首也決定不落在唐英年之後,有史以來在立法會第一次使用「狗噏」呢個形容詞!

曾特首:「首先呢我地... 我唔想同佢狗噏辯論,頭先湯議員所講o既,佢所講o既唔係我應承o既...」

有片為證,大家可以重聽十次、一百次、一千次,我聽來聽去,除左係「狗噏」之外,都諗唔到係另一個可能性;唔知大家有咩睇法呢?比起「福佳」,其實「狗噏」更加接近粗口,我到今日都唔明,點解咁多廣播團體以及傳媒咁怕「福佳」呢個詞,卻任由高官在立法會上直接「狗噏」。

記得當年梁耀宗講左句「臭罌出臭草」,被立法會主席趕出場,梁國雄講野大聲一些,又被人趕出場,我到今日都唔明,點解唐英年講「條條 Fing」,立法會主席冇表示?我更加唔明,點解今日曾特首在立法會講「狗噏」,立法會主席都冇表示?

為左證明「狗噏」係唔會被趕出場,我緊急呼籲各位立法會議員,特別是社民連三子,在下次立法會會議上,直接用「狗噏」去形容所有高官,測試一下曾鈺成主席的公正程度,大家不妨帶部 mp3 入場,狂播曾特首講「狗噏」果句,以及自己連環講一百次「狗噏」,去諷刺膠港班垃圾膠官「狗噏」。

如果曾鈺成只趕議員,就可以再次證明左,我地偉大的議會發生緊咩事;掉轉頭,如果立法會主席唔敢有表示,咁多謝曾特首送一份新年禮物畀我地,等我地以後有更多字可以在立法會上使用,我期望特首下次根據我地香港人的習慣,在會上講多幾句「福佳」、「杏加橙」、「跳九里」等名句,等我地偉大的立法會紀錄上面,可以增加更多的香港文化特色。而呢一方面,就絕對需要各位的努力協助了;立法會議員,希望下次人人上去陪當勞一齊「狗噏」!

十六日更新:有網友唔知用咩聽,竟然把「狗」字可以聽成「鬥」字,因此林忌特地用音樂軟件,把當奴的說話重播,以及慢動作重播多次,讓大家聽清聽楚,究竟是誰胡思亂想。

一個 d 字音都冇,如何能是鬥?不可能嘛......

這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    4 個月前

最近文章

再次伸延閱讀