支持及訂閱請按 Like

星期一, 1月 12, 2009

從奧巴馬看政治家

林忌一直都不喜歡奧巴馬,甚至長年自認如果有得選擇,即使以往會投美國民主黨一票,在 2008 年卻會走去投麥凱恩一票,然而到今日,我終於找到第一個欣賞奧巴馬的理由。

以下這段短片,是意大利人在其硬膠總理貝盧斯科尼 (Berlusconi) 再次發膠音之後上載到 Youtube;Berlusconi在奧巴馬勝選之後,再度發揮歐洲爛 gag 王的本色,話欣賞奧巴馬「young, handsome and tanned」,話佢係成功晒太陽晒到好黑,引來種族歧視的指控,因此意大利人就搵出原來遠在 2006 年 3 月,貝盧斯科尼到美國國會演說時,奧巴馬已經堅持對此膠人採取三不政策--「不拍掌、不起立、不聆聽」,直頭當佢冇到,在恰眼瞓的邊緣,勉強坐落去。

再有意大利人搵出圖片,證明在 2005 年羅馬市長去華盛頓時,奧巴馬和其相談甚歡,足證奧巴馬唔係針對意大利,而係針對貝盧斯科尼。

香港成班人撐奧巴馬,成班人話要學奧巴馬 Change,唔知有冇勇氣學學奧巴馬咁,對膠人說不呢?當面對不義的廢人果時,有冇勇氣當佢透明?有冇勇氣唔出席果 d 垃圾場合?即使要勉強出席,有冇勇氣去進行「道德的抗戰」,去拒絕拍手,拒絕站立,拒絕被洗腦?

例如見到民賤聯班人渣,你會唔會同佢地一齊食飯扮老友?在中國膠的傳統政治邏輯之中,凡做人就要「面面俱圓」,見人講人話,見鬼講鬼話,所以政客靠得住,豬乸都會上樹;既然話欣賞同支持奧巴馬,敢唔敢面見膠人果時,同佢割席而坐,劃清界線呢?



從 2006 年見到奧巴馬的道德勇氣,我地明白到為何人家的美國總統,就是和我們大中華地區的硬膠政客不一樣,也再次證明了在膠港做人慘過做狗,從政衰過賣身的硬道理。在膠國要生存,老生常談就教你「不要得罪人」,教你「要四圍搞好關係」,教你「花花轎子人抬人」,教你埋堆教你圍圈教你要假仁假義的厚黑學,所以我們的社會中,喪失了人性與天良,只餘下膠、醬缸、和稀泥與差不多先生,足以把一切進步的力量,把一切帶領社會前進的力量,全部摧毀不留一絲痕跡。
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    4 個月前

最近文章

再次伸延閱讀