支持及訂閱請按 Like

星期一, 1月 05, 2009

解決塞車之搬走工展會

工展會總入場人次 216 萬創新高 銷售額增約 2 成
2009-01-04 HKT 18:23
工展會總入場人次216萬創新高
一連 23 日的工展會閉幕,累積入場人數達 216 萬人次,打破歷年紀錄,銷售額超過 2.7 億元,較去年增加約兩成。

約 8 萬名市民趁最後一日入場掃貨,主要購買年貨及海味。

有商戶表示,今屆生意額較去年增加 5 成。

高士威道往北角方向交通非常擠塞
2009-01-04 HKT 17:14
運輸署表示,因車多關係,高士威道往北角方向近興發街交通非常擠塞,現時軒尼詩道車龍龍尾到達軍器廠街,銅鑼灣天后一帶的交通亦非常擠塞。

運輸署建議巿民,使用告士打道往東區,或使用地鐵

成班大帝話冇需要起「第四條海隧」,可是每年每逢年宵、每逢工展會、每逢花展、每逢維園的硬地足球場用來做非足球活動,而引來大量人流,成個港島中部及東部就多得呢 d 節目唔少,立即長期塞車。

用七一遊行等一日完成的節目唔同,工展會幾多日?成廿三日咁多,加埋前後砌野執野,差唔多成個月用來做節目,加埋年宵攤位,維園附近最少每年塞兩個月,近幾年所有 X 議員都搞團,由阿伯維園足球賽又搞團,到花展、年宵就全部都搞團,幾百架幾千架呢d 旅遊巴班次,就塞爆港島,而果度的交通設計,卻十年如一日,完全冇新路去改善,塞車塞到阿媽都唔認得,咁有關方面需唔需要負責?

點解佢地搞團要坐旅遊巴而唔坐地鐵呢?點解佢地自己口口聲聲叫人坐地鐵,議員搞團卻經常使用路面交通,又有一些議員大大聲話愈多路就愈塞車,咁點數點計先?簡單來說,你自己去就應該坐地鐵,你參加佢活動就應該坐旅遊巴,路就佢地行哂,其他人就唔該死開。

係囉,例如陳鑑林同 X 建聯成日叫政府搬去九龍東,工展會點解要去維園搞?對港島的交通做成咁長期又咁嚴重的負擔,一係唔畀佢地坐旅遊車來,一係叫佢地過九龍東啟德搞;維園的硬地足球場,夏天就熱到死哂,冬天就畀人霸哂來做非體育活動,基本上一年都冇幾多日可以畀人用來踢波,冇波踢,冇健康的社交同康樂活動,冇空間畀青少年使用,未成班去吸毒,去睇咸網囉,我地偉大的政府,康樂設施不足十年如一日,又話廢左市政局可以改善?老董二千年搞殺局,搞左乜出來?未 2008 年為左慶賀國家搞奧運而搞三個月所謂免費,搞到有場冇人用,有人冇場用,於是畀人投訴到申訴專員度!膠港就係咁荒謬,球場用來搞 function,體育館用來搞演唱會,香港的運動員唔係臘鴨,但香港人普遍的體能,就絕對係東亞病夫級了。

把足球場還給青少年,球場應該長 book 長有,而唔係 fully booked,這才吸引到更多人去運動;隧道應該有餘位,而唔係塞爆,膠港就係低能,把反常塞爆的現象,當係正常;把使用率只有五成的東西,就說是浪費;如果咁講法,人就係最浪費的東西啦,你一日返幾多個鐘?有冇五成使用率?你個腦在返工果時,個腦用左幾多成?反常當正常,我地個社會病到已經係連送去醫,都浪費醫藥費。

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀