支持及訂閱請按 Like

星期日, 1月 04, 2009

家庭暴力之超低能勁搞笑

家暴條例 工聯會也撐改名

【本報訊】立法會對是否將同性同居納入《家庭暴力條例》,仍然未有一致意見。繼民主黨出現內部分歧後,泛民陣營內的民協,以及親政府的工聯會也表態,若不將條例改名為《家居暴力條例》,他們不會支持修訂。泛民召集人何秀蘭指,泛民就保障同志不受家暴影響的立場一致,若能更改條例的中文譯名,就能爭取更多議員支持議案。

黃成智否認曾簽名
泛民昨日舉行飯盒會,討論泛民對家暴條例投票立場。民協馮檢基表明,若不將《家庭暴力條例》譯名改為《家居暴力條例》,就不會投票支持修訂。至於被指曾簽署團體文件,支持將同性同居納入家暴條例作政綱的民主黨黃成智,昨日否認曾承諾支持修訂,「係民主黨搞錯左」,他表明會繼續爭取將修訂改名為《家居暴力條例》,若不成功則會申請豁免投票規定。民主黨主席何俊仁稱,該黨支持家暴條例修訂的立場不變,但如果有黨員因道德信仰申請豁免,該黨會開黨團決定。
何秀蘭稱,為保障同志不受家暴影響的家暴條例修訂獲得通過,將「家庭暴力」改稱「家居暴力」是退而求其次的方法,又指即使泛民 23 名議員全數投票支持,立法會仍欠 7 票才能通過修訂,「所以民建聯、工聯會、梁美芬呢 D 議員o既取態好關鍵」。工聯會黃國健昨表明,該會會就家暴條例修訂投棄權票或不投票,但若改名為《家居暴力條例》,該會就可考慮改變立場。

看看我們偉大的垃圾會議政水平,真係睇到忍唔住想笑;家乜暴力條例的英文原名 Domestic Violence Ordinance,來自英國的條例名稱,就係 Domestic Violence Act;咁咩叫 Domestic 呢? 去 Cambridge.org 查下,domestic 係一個 adjective,解 belonging or relating to the home, house or family;理得你叫家、屋定係家庭,總之就係家乜。

1986 年的港英政府一定諗唔到,一個 domestic 譯做「家庭」,居然會引來廿幾年之後,在 2009 年來嘈個名的問題!反對修改「家庭暴力」的名的「保守團體」,理由居然是會「間接」認同同性戀的「家庭」立場;睇到真係眼都突埋,你道德支持佢與否係一件事,你法律需唔需要保障佢係另一件事;咩叫「家庭」,誰說「家庭」一定要婚姻才能組織?家庭呢個名來自邊度?中國人以前講「家」、講「家族」,而家庭,卻是譯自西方的 Family!

咁咩叫 Family 呢?英文的 Family 、法文的 Famille、德文的 Familie 都明顯來自拉丁文的 famulus 或者 familia;據維基的記載,古羅馬(拉丁文),famulus 的意思是一個家庭的奴隸,而 familia則是指屬於一個人的全體奴隸。羅馬人用 familia一詞表示父權支配著妻子、子女和一定數量的奴隸的社會集體。

簡單而言,用呢班硬膠的邏輯,修改《家庭暴力條例》的意思,就係支持《家庭》呢個名引用到同志身上,推而廣之,咁又係唔係支持奴隸制度,支持父權支配妻子、子女以及一定數量的奴隸了呢?家庭呢個字點解,根本冇必要拉到婚姻上面;可是有些人個腦部天生硬膠,係都要用最保守、最反智的做法,去搏全世界反感--背後的邏輯係乜?邏輯就係理得你有冇人受傷,理得你有冇人受害,總之一掂到「同志」,就係死穴,就要唔保障。

就算宗教唔承認同性婚姻,唔代表要同性戀者不受暴力的法律保障呀?既然如此,為何偏偏要把「家庭」看作婚姻的一部份?而不用看英文原文,又不解釋家庭的「古羅馬」出處?一個 domestic 翻譯成為中文,就搞到膠哂,中國膠真係膠到冇朋友!

更膠到冇朋友的係,有人提出改做《家居暴力條例》,「家居」係乜?保護個家的居所免受暴力傷害?有冇人會把 home 譯做「家居」? home 譯做家, house 譯做屋,family 就譯做家庭,《家居暴力條例》?未又係「家」,對班膠人來說,一見「家」字就上綱上線,改做「家居」佢地就收貨?唔係咁膠嘛?家庭居所就支持,家庭就反對,WOW! 呢個世界真係無奇不有!我地班議員大帝唔單止係有病,仲病到應該全部送去青山,或者推填區埋左佢算。

英國人會把法例叫做 Domestic Violence Act,本身係因為英國有關暴力的法例,全部都歷史久遠,成堆仲放在 1861 年的 Offences Against Persons Act,甚至只存在於案例 (例如嚴重至謀殺,香港都一樣);英國膠有一種念舊的情意結,所以到今日都保住 d 1861 年的法律,把 Domestic Violence Law 分開法,最根本的原因只係貪方便,至多畀議員爭下功等,根本個名係冇意思;在 2003 年英國修訂所有和性有關的法例 Sexual Offence Act 果時,就巧妙地用一個《性罪行條例》的名稱,解答哂 d 低能弱智(例如咩部份先係性器官,物件算唔算 」的問題;暴力就暴力,理得你咩暴力,總之修改暴力的條文,統一哂未算數囉,至於係邊種暴力,係 physical 定係心理學上的暴力,呢 d 未由你慢慢定義囉;偏偏搞到膠哂,為左個不知所謂的譯名,咁又嘈一餐,實事就唔做,膠事就搶住做,咩世界呀?

法律就正如醫學,只係關心止唔止到鼻水,或者治唔治到性病;唔通見到同性戀者就唔畀佢地醫性病,見到同性戀者就唔畀佢地醫愛滋?幫佢醫病係又唔係鼓吹同性性行為呢又?定係要宣佈道德立法,恢復幾廿年前的法例,立法禁止同性戀呀笨!

計我話,就應該把條例改名做《家乜暴力條例》,你鍾意叫乜就乜,認乜就認乜,再唔係,索性改名做《昂居暴力條例》算數!點解唔叫得昂居?連家人(或者同一屋簷下啦)都暴力對待,唔係昂居係乜?你講《家乜暴力條例》,講到好似支持《家乜》咁,用佢地的硬膠邏輯,支持呢條條例,就係支持「家庭暴力」啦;因此,應該正其名,叫正牌做《昂居暴力條例》,畀全港市民知道呢 d 行為有幾昂居,先可以有「阻嚇力」,先唔會「鼓吹」呢種行為!

成班友癲埋一份,都癡線!
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    6 個月前

最近文章

再次伸延閱讀