支持及訂閱請按 Like

星期五, 1月 02, 2009

香港又得第一!

世界新聞網:市場調查機構TNS及Gallup International在去年10月至12月,訪問全球46個國家或地區共4萬5000多人,香港受訪者有1013名,結果6成7香港受訪者認為 2009年比2008年更差,悲觀指數較全球平均的3成半高出近1倍;7成9更直言今年經濟將更困難。看好今年前景者僅得1成7,但2007年看好前景者高達7成1。
...
有關調查中,只有冰島國民的悲觀情緒與香港看齊,雙雙成為對前景最悲觀的首位,緊隨其後者為新加坡、愛爾蘭。相反,6成科索伏受訪者對前景充滿信心,排名全球首位,中國及澳洲分別排第2及第3位。
冇錯,香港又得到第一,悲觀全球第一,同金額危機最差的冰島同級。

係囉,點解香港人的信心危機,完全反映唔到在傳媒呢?點解香港絕大部份絕媒今日仍然報喜不報憂呢?小罵大幫忙的人就大把,但係直指真相的去哂邊?

硬膠政府衰到冇人信,垃圾傳媒又係衰到冇人信,成日話我地「別有用心」、「杞人憂天」嘛,今日呢個調查反映的係乜?點解我地要同銀行機乎破哂產,貨幣大貶值的冰島看齊?乜唔係有好多「中央支持」,好信任中央政府咩?點解香港人的信心都仲咁低落?

無他,今日的香港係一個死局--由上至下,由基層到頂層,全部都已經不受控制地潰爛,就好似 D 腐爛左的器官一樣,十一年來的制度敗壞,加上自己的不爭氣,我地中國膠 OS 潛伏多年的 bugs ,全部一次過爆哂出來;出問題大家只係迴避,只係自欺,只係老吹一堆藉口,只係期待英雄、聖人、救世主出世,中國文化講就天下無敵,做就無能為力!今日問題全部浮現,根本就冇得救。

社會問題的辯論質素停留在咩階段?比較下各大社評,比較下各大黨的偉論,我地又可以唔悲觀咩?比較下外國的制度,比較下外國人的生活,我地普遍香港人,總算仲有少少覺醒,都仲識得悲觀,都仲識得驚;但那些在位者、當權派呢?你地醒未?

(圖片:攝於芬蘭)

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀