支持及訂閱請按 Like

星期四, 1月 01, 2009

偽中產價值

香港除了是甚麼動感之都、亞洲國際之都之外,還有一樣野值得推廣,就係偽中產之都。

當世界各國的中產追求品味之餘,最有趣的係膠港的偽中產,用膠國的「選擇性看到」邏輯,去選擇性「品味」。

舉例說,當年日本明治維新,搞全盤西化就係全盤西化,把人家的產品與品味細心研究,由於制度與文化拒絕完全西化,所以未竟全功,搞出軍國主義與變相繼承了門閥與世家的財閥,卻最起碼把人家的技術與品味學得活靈活現,甚至青出於藍。

對呀,我們的偽中產價值,也把人家的噱頭學得活靈活現,巴黎有凱旋門,香港也有;紐約有時代廣場與世貿中心(雖然炸左),香港也有;最過癮就係,明明係縮水樓,改個「豪名」包裝一下就變成了「豪宅」,膠港真的包羅萬有。

看看近年的「豪宅熱」,之前幾年興豪乜豪物,近來就 La 乜 Le 物,天花龍鳳搞呢搞路,最終未又係羊毛出在羊身上,仲未計屈硬你十倍的所謂管理維修保養費,愈多所謂「設施」,日後就愈多煩惱,呢 d 都已經唔計,最過癮係,連保安都要搞大龍鳳。

朋友講起去港島東某「豪宅」,笑言係去「探監」--唔單止出入要有保安卡,連坐電梯去邊層,都要由管理員控制!嘩,好大陣仗呀?點解唔見 d 真正豪宅好似陽明山莊果類會搞呢套?乜原來要人按 lift 好過癮? 不如搵 d 美少女廿四小時做電梯女郎呀笨?舉個例如果有咩事頭暈身臖,好似明愛醫院果單咁在門口暈左,管理員大佬應該救你先,定係按 lift 先呢?就正如有些大型屋苑的「低智能電梯系統」,搞到繁忙時間坐電梯仲難過跑落街,High Tech 低能的樂趣,認真寧舍不同。

這種偽中產價值,在這些新興樓盤中活靈活現,帶來諸多規矩,朋友探訪要登記乜登記物查家宅,菲傭單獨時只准坐客 lift,這一切一切,最終就報在小朋友身上囉--在家請一個外人一同居住已經奇怪,平日呼呼喝喝工人,小朋友看在眼內有樣學樣,第一樣就學識欺壓他人;教育變成了縱慾,乜野都學卻冇樣用心,就和家長自己只識搵錢一樣膚淺;想子女做音樂神童,你自己聽乜?想子女跳好芭蕾舞?平日你又欣賞 d 乜?當自己只識跟風去買甚麼「十大好書」、Best Sellers 那些混吉書時,你又期望仔女學識乜野?係囉,學搵錢囉至多。

古人說「發財立品」--今人說「發財混吉」,胡混日子得個吉,洗得錢再多,根本同燒香冇分別,就係買自己的良心過得去,可以自欺欺人話已經好盡力,其實只係掟左好多錢落咸水海;要教仔女尊重人,自己有冇尊重過工人?要教仔女藝術,自己係唔係只識沉迷 TVB?

La Mer,掉錢落海,La Mer,住豪名車,胡亂咁車€ La Mer~ La Mer 咩多幾野~扮哂奢~
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    2 個月前

最近文章

再次伸延閱讀