朋友說:去日本可以掃貨,去北歐 d 物價咁貴嘛;另一方面,北海道凍極有限,北歐凍好多喎!
結果十一月冇錯係北歐四圍狂落雪,去到十二月掉轉頭,十二月廿六就輪到北海道封機場,而最神奇的係,原來北歐掃貨購物唔單止抵過日本,仲抵過香港。
當然,有一個先決條件,就係你的身高要有番咁上下,否則去到北歐就只有掃童裝;但反之如果平時身高五呎十以上的男性,或者身高五呎六以上的女性,來到北歐就會好開心,因為平日在香港買咩都冇 size,來到呢度就剛好相反;一對在香港賣過千蚊的皮鞋,呢度一百九十九蚊有交易,D 皮望落去摸落去就知道係靚野;最平的女裝 boots 計番港紙九十九蚊起,一些有少少名氣的大型連鎖店如 Zara、H&M 在北歐的款式選擇多過靚過香港 N 倍,價錢計埋 25% 的消售稅,d 消費只係一百蚊起,隨時平過旺角。
係囉,真係唔知咩世界,原來北歐的物價都可以平過香港.....