支持及訂閱請按 Like

星期六, 12月 27, 2008

巴黎機場奇遇記

每次經過法國或者巴黎,都充滿「驚喜」;今次亦唔例外,法蘭西果然係一個神奇的國家。

記得坐荷蘭航空早到 15 分鐘,聽到荷航的機師強調自己早到,包括「倒機」(好似倒車咁開出去)時狂踩油轉 90 度角已經覺得好癲,今次坐法航,機師不停強調自己早 50 分鐘抵達巴黎,又唔覺佢踩得好快喎,真係好神奇。

由於今次去巴黎只係轉機,凌晨四點幾到達巴黎,其實係有點兒把鬼,在戴高樂機場轉機,真的與別不同--原來轉機要離開禁區,另外再入過禁區去。

就是嘛,出一出去,連同行見到有人持特區護照,也照樣不 stamp 就放出去;在好多閘口只有自動設計,冇顯示牌,於是轉去邊真係估死人。

清晨冇人返工,突然見到多位黑人哥哥托住樽「飲水機」的食水,掟在路中心,仲帶埋成 pack 膠杯,於是見到人行埋去,嗚低身「倒轉」個 5L 水樽倒水,真係唔明做緊乜;點解,樽水唔係放在飲水機呢?點解,倒水要在路中心呢?點解,要嗚低身倒水呢?點解,咁騎呢的場面卻連膠杯都齊哂呢?以上的謎,就如既往在法國時,永遠都解唔開。

所以香港人唔明白 Mr. Bean's Holiday 的笑位,因為法蘭西的確太騎呢,騎呢到你以為係爛笑片先會有的情節,在法蘭西係現實發生的;例如,坦克車開上公路;例如,坐 RER 火車飛站飛到阿媽都唔認得;又例如,佢的路牌剛好在我地的常識範圍內,指向相反的方向;最後的例如,在機場問路,佢會手指向上說 Down,手指向下說 Up,剛好倒轉的文法,令你無所適從。

好了,排隊入番機場禁區轉機,見到前面果幾位幾組人員連鞋都除埋放入 X 光機,諗住除鞋啦,點知又唔洗,再望一望其他 lane,又係喎,點解d 金髮空姐要除鞋入 X 光機,但乘客唔使呢?在法國見到呢 d 場面,就係話畀自己聽唔好諗咁多,因為再諗都唔會明,ooh la la。

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀