支持及訂閱請按 Like

星期五, 12月 26, 2008

塞車官商勾結證據

十月份中信泰富股價跌到新低,市值跌到得番八十億左右,以政府對四川送成一百億咁豪爽,用呢一百億來「重建香港」,東西隧的股權唔賣,未直接敵意收購中信泰富囉!全面收購中信泰富,即使今日中信泰富升番都只係市值一百六十幾億,政府出唔起錢咩?領匯就可以提回購,果幾十億解決每日塞車的香港金融中心地位,我地的議員卻冇一個敢提出來?何況,東隧專營權得番八年,西隧的一半股權在另一間公司手上,根本冇必要買中信,只需要廿幾億就可以變相買番一半西隧!

招商局4.6億售西隧股權 港通購入 增持至五成 2008年2月22日
【明報專訊】招商局國際(0144)昨天公布,已於下午簽約,以4.6億元的總代價,向港通控股(0032)出售包括西區海底隧道13%權益的資產及相關股東貸款。除西隧權益之外,轉售的資產並包括紅磡海底隧道管理、營運及維修合約的13%權益,按照今次交易的作價計算,西隧及紅隧管理合約總值為35.4億元。

西隧大股東5.5億再入股大隧
2008-11-29

(綜合報道)(星島日報報道)今年二月才增持西隧權益的港通控股,非但未有因環球金融海嘯而收緊投資,更剛落實向華潤購入大老山隧道公司百分之三十九點五權益,作價五億五千五百萬元,擴大其在港隧道事業王國,若日後港府下決心購回西隧等特許經營權,港通近年的收購「動作」,將增加其談判的籌碼。

講到尾,特膠政府與一眾硬膠議員的手腳,一早被人看穿看透,點原來五億五千五百萬就可以買起大老山隧道的 39.5% 權益,政府唔買卻讓港通買?華潤作為「祖國企業」,偏偏唔賣畀港府,卻走去賣畀「港通」?港通咩來頭呀?原來大老山隧道加價前一日,華潤只不過為了五億五千萬肯賣走四成的大老山隧道股權,咁我地呢個特膠政府做緊乜?五億五千萬,求其派糖都派左去啦,我地出唔起咩?

上年林忌已經在蘋果多次寫了要求建第四條海隧,冇一個議員和應,政府口講話研究回購,結果人地就立即搶埋果 13% 的股權做五成的大股東,WoW! 政府一路拖到港通賤價買哂,再一次過被迫貴價買番?我地班官收錢做乜?收錢來幫港通搵錢?

更過癮係,呢間港通控股總市值不過 21.56億 (2008 年 12 月 23 日收市報價),查查維基百科的資料,又有開心大發現:港通控股原本擁有紅磡海底隧道專營權至1999年12月31日,專營權期滿後,香港政府把該隧道的管理合約批予港通的聯營管理公司,現時合約由港通現佔50%權益的香港運輸物流及管理有限公司取得。港通現時佔有香港西區隧道有限公司的50%權益,其它業務有香港駕駛學院(佔有70%權益)、駕易通(佔有70%權益)及快易通(實益擁有35%權益)等。

唔怪得啦!一理通百理明,唔怪得舊隧塞到阿媽都唔認得,快易通呢種改善交通速度的,而唔使再用收費亭的新科技,在香港居然要收每月三十五蚊的「行政費」--乜原來自動系統的成本,仲高過人手收錢;講到尾,就係舊隧更塞,西隧就可以起得更多賺得更多;搞到尾點解港府與一眾知識份子人人說要「回購東西隧」,或者政府把舊隧搬番出來,同東西隧合組公司,最大得益者是誰?就係呢間以前擁有舊隧專營權的公司,簡單而言,就係坐係度等收錢包賺的專利事業。

明報:教車師傅促政府多發牌
數十名教車師傅發動慢駛,要求政府多發出教車師傅牌照,避免駕駛學院壟斷。......教車師傅代表指,本港現有約400名教車師傅,過去30年,政府只發出170多個牌照,導致中小型駕駛學校聘請不到教車師傅。

資深私人教車師傅馬興忠表示,隨着愈來愈多教車師傅退休或過世,現時教車師傅的平均年齡已達61歲,市場亦只剩下大約690個私人教車師傅,比原有規定少34%,但當局仍然不肯開放牌照申請,上一次運輸署舉行有關考試已是02年,當時共提供173個名額,吸引逾5萬人報考。

馬興忠批評,運輸署在限制私人市場營運的同時,卻容許部分自設場地的駕駛學院隨時按需要替員工申請考牌,質疑這做法有違自由市場的原則。

世界上有好多好奇妙的地方,例如政府六年都唔肯再發教車師傅牌,卻特別容許港通擁有的香港駕駛學院請新人,於是搵後生仔去對付阿伯,再趕絕阿伯,呢 d 咁偏幫o既政策,就同隧道搶大家錢一樣,唔知除左用「官商勾結」四個字之外,可以用咩來形容呢?點解又係咁橋,又係港通咁著數?

再例如政府坐視大老山隧道再落入佢地手中,再例如政府坐視「快易通」收超貴的每月三十五蚊行政費,再例如政府繼續把舊隧的管理權判畀佢地,再例如原來呢間公司只不過市值廿三億,政府卻呃我地買唔起西隧;用兩倍價錢敵意收購港通,五十億都有找,政府咁鍾意入市干預,呢 d 又唔見你干預?

結論:隧道塞車根本就係完全的官商勾結,研究之前林忌仍然未敢講的,今日就更加敢講呢句話;為甚麼明知流量已經夠,都唔肯起新隧道,為甚麼明知分流不可行,仲要掟多七百萬出去「研究分流」,為甚麼明知買得起隧道同人地間公司有餘,都唔肯去做,提都唔提,原來講到尾,仍然係四個字答哂,就係「官商勾結」!
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    1 個月前

最近文章

再次伸延閱讀