支持及訂閱請按 Like

星期二, 12月 23, 2008

奈何熱血照溝渠

1. 運輸公司東主楊德祥昨午在明愛醫院門外,懷疑失救致死,明愛醫院急症室主管吳奎指,事發後 2分鐘內,已有醫生為病人進行心外壓急救, 10 分鐘左右,救護人員用心臟去纖震器,施行電擊急救。吳奎認為,病人已經獲得最好服務。

吳奎又指,消防處救護電單車的去纖震器較輕便,能更快運抵心臟病發病人的位置,而醫院的救護設備較大型,不便運送。他亦指,消防處具備最完善及先進的系統,指揮救護車出動。

2. 明愛醫院:或與醫管局研究添置心臟除顫儀器
2008-12-21 ( HKT 16:48)

一名男子昨日在明愛醫院門外,懷疑心臟病發失救死亡。明愛醫院行政總監馬學章說,會檢討如何改善醫院設備,包括與醫管局研究添置輕型心臟除顫儀器,並訓練醫護人員使用,以增強市民對醫院的信心。

林忌認真討論明愛死者一事的遠因,竟被人指是向何秀蘭抽水--okay, 如果你說得乘機鬧何秀蘭,咁我認了,呢個係客觀事實,問題係佢抵唔抵鬧先?鬧佢係為左咩原因先?

就正如大家鬧明愛,唔通大家又抽水?講抽水,明愛作為天主教的慈善團體,立即有人出來抽水,話係天主教的錯,話係陳日君主教的錯,立即有人抽水話要 cut 哂 d 資助,甚至拒絕再捐錢畀明愛之類;咁呢 d 又係唔係抽水呢?果位熱心救人失敗的醫生都係明愛的,明愛醫院執笠,你覺得對 reception 果位冷血人士影響大些,定係對那些醫護人員影響大些呢?

一個冷血的問題,大家就血往上衝,林忌都同你一樣血往上衝,但係衝完之後,有冇冷靜落來,諗下真正的兇手是誰?從來每日一膠的作風,除了敢鬧敢喪敢癲之外,林忌敢說一句,一直以來我破口大罵的,有誰不是「罪有應得」?間中鬧人一句兩句膠,可能有時過左火,但係認真討論的每一日篇文章,有哪一篇不是有血有淚,瞓身用哂證據去支持自己的論述?用肥醫生的講法:「無心」的,出來講咁多為乜?

如果真的召開死因庭,正如林忌所去過的一樣,法官判斷死因,係講證據,而唔係一句兩句冷血就可以了事;點解要知道死因?死因係為了改善、改革,唔好令錯誤再次發生;鬧人冷血當然合情,但鬧人冷血之外,卻不容許他人提出合理的觀點,就完全不合情理了,事件過了幾天,除了一味鬧冷血之外,可有想過要提出任何觀點,去改革目前的問題?還是年年有人死,有人死果時就嘈幾日,之後就當冇事發生?學特區政府呀?

事件開始揭露的,係一連串的制度殺人--明愛作為「非官方」的醫院,設備落後冇人理,果個人唔 call 人幫助當然唔應該,但事實係就算幫忙,都冇心臟除顫儀器--果位二打六叫人幫忙,會唔會幫到手?會唔會連累其他手術中的病人?所有呢一切都係未知數,我地知的當然是他們絕對錯了,但是否所有錯誤都在他們身上?

2008 年 8 月 7 日蘋果批何秀蘭的偉論:
舉例說,林忌「抽水」說的救護車遲到問題,今年不是討論了很多次嗎?最過癮的是,大家好似覺得壞車就會死人,個個狂鬧新聞狂報,咁塞車就唔會死人?同樣的,第一架救護車都係到唔到目的地,要派第二架呀,呢件事唔重要?如果架車五分鐘內到目的地,如果救傷車用心臟除顫儀器救人,即使果條友冷血,即使明愛本身救唔到人,都一樣有可能救到人呀?單係鬧人冷血可以改變人心嗎?定係我地應該落落實實,改革一些應該可以改革的事?

再例如,有線新聞都報,明愛的急症室在另一條街,完全冇指示--呢個問題重唔重要?點解要到今日先有人講?用肥醫生的講法,我地香港人成班都係 Heartless,人人只識得臨渴掘井,去到有人死,先出聲嘈兩嘈關注三分鐘熱度,平時呢?殺人放火金腰帶,修橋搭路冇屍骸--為何德國人的路牌好過香港 N 倍?為何香港人唔關注路牌?事不關己呀,拿,你做的士司機就老奉要識路,認錯路咁點算?有人緊急心臟病發要搵醫院,結果冇路牌搵唔到,咁點算呀?未又係多一件「奠」的啟示,永遠都唔會有人「抽水」去做檢討,結果問題依舊,正如今次之後,政府會檢討全港路牌咩?會改善塞車咩?

係囉,正如人人都講強制停車熄匙立法,唔理 d 司機死活o架,等到有一個死,我就學呢班熱血朋友,第一個跳出來大鬧支持強制的人冷血!咁大家就好快活,問題係,係唔係要等到有第一個死?或者要有人報,先肯出來講良心,講腦筋?塞車令救傷車到唔到呢個問題咁 straightforward,在某些人眼中卻只看到:噢,佢向何秀蘭抽水,卻從來冇諗過,何秀蘭講話「多些路就多些車」而由佢塞車塞飽佢的邏輯,係唔係好有問題?

奈何熱血照溝渠,當我地鬧特膠政府要等到有人死先處理問題的時候,又問問自己良心,自己待人做事又係唔係一樣?今日唔處理塞車問題,等下次再有人為了救護車塞車而死果時,係唔係太遲?定係到時呢班鬧我的人,又全部潛哂水?

伸延閱讀:
塞車送了一條命
何秀蘭反對起路謬論探討:馬桶令排泄增加
塞車始終有你

請立即參加「香港優先!停止撥款四川! facebook group 」

成為林忌的 facebook 朋友
這個小工具發生錯誤

熱門文章

這個小工具發生錯誤

最新文章

  • 本土派的六條命題 - 經《本土研究社》的陳劍青推介,讀到今日維基百科關於「本土派」的條目,真係唔識就嚇一跳,識就得啖笑,成個條目連最基本的還原歷史事實都不會,似足中共版本的「抗戰史」,把國民黨一筆刪去般,把所有非「熱普城」的本土歷史全面刪去。 這種所謂的「本土派」,又和他們口中的「中國人」有咩分別呢?其人格是否可以更為低劣一些?「本...
    5 個月前

最近文章

再次伸延閱讀