支持及訂閱請按 Like

星期二, 12月 30, 2008

看不見就不存在

我們這個膠港中有很多騎呢事情,永遠看不到就當不存在;舉例說,邱吉爾代筆的上篇文指出了香港交通漠視行人教育的方面,卻立即有位網友撲出來,指是司機的問題,令林忌感觸良多。

「看不見就不存在」--對於非司機的朋友來說,很自然的覺得車應該要避人,覺得車點解等人幾秒都等唔切,覺得點解司機唔可以禮讓行人,這一切林忌都理解過,最簡單的例子,有時自己也在街上「靈魂出竅」,在路邊可能反應慢了,被經過的車大力響按時,那一秒可能很驚訝,甚至驚慌,第二秒就感到憤怒,其實是老羞成怒--甚麼嘛,等一秒唔得嗎?等幾秒會死呀?

對,等幾秒的確是會死的,問題死的係你,定係其他人;在香港的鬧市,人多車多永遠都唔夠位;就是呀,例如政府和今日香港大量推廣的旅遊業--香港以咩特色來吸引人呢?「購物天堂」的貨,是否從天堂上跌下來呢?對,就好似行人永遠諗唔到司機開車的問題一樣,我們作為消費者,就永遠唔會諗到一間鋪送貨的流程點樣安排;你要做購物天堂,你要唔裁員,你要唔減薪唔減福利,你要成個社會經濟好,咁你有咩配套先?送貨要運貨,要用貨車,要搵位落貨;冇位送貨,咁點賣野呢?睇唔到就唔存在,我要搵錢第一,你要送貨你死你事,於是點送貨,送貨有咩後果,大家係永遠都唔會關心的。

就係囉,有冇諗過點解一個「行人衝出馬路」,會帶來咁多問題,又唔見外國帶來咁多問題?對呀,在很多歐洲國家,行人永遠優先,例如瑞士,成街都係行人優先的班馬線,行人天堂真好呀--如果搬來香港,有冇諗過後果會點?

簡單而言,來港的遊客人數不斷上升的同時,就是香港的交通問題不斷惡化之時,但是由政府到市民都看不見就當不存在,舉例說,十月金融危機最勁果幾日,消費信心最低果段時間,舊隧突然暢通了,連在四五點果些已經開始塞到爆炸的日子,都突然暢通了,為甚麼呢?唔通成街名車車主突然畀唔起油錢咩?乜原來名車車主會行舊隧而唔行西隧?唔係嘛?點解呢?之唔係貨車突然大減囉。

凡貨櫃碼頭停開,凡貨車休息的日子,香港的交通都突然通順哂,點解?貨車除了霸佔路面之外,有更多是大架、殘舊兼反應慢,仲有很多是舊款噴黑煙的柴油車,每架污染量隨時係私家車的一百倍以上,可是看不到就不存在,大家平日唔望佢地,唔留意佢地,所以未當冇一事囉;凡大鬧黑煙,好奇怪唔係鬧噴得最多的柴油車,卻偏偏有人要先鬧私家車,點解呢?

貨車運貨之餘,仲有落貨,唔係個個都好似新型商場有落貨專區,街鋪呢?超市呢?好多地方都要在街邊落貨;一旦在街邊落貨,一架車就可以塞住一條線;一條街本身多數得兩三條線,左邊一條線落貨,右邊一條線又落貨,於是一條街的流量就得番設計的三分一;咁作為開車的你,在塞爆的情況下行車,隨時一條街要塞五分鐘,剛好到你可以通過果時,忽然有人衝出馬路,然後當佢衝番入去時,唔該你再等多三分鐘紅燈啦;等三分鐘使死?唔使,但個個街口都有人衝燈喎,咁日日咁塞,d 貨車大佬送唔到貨,使唔使開飯呢?

又計算下「衝燈成本」--每個市民衝一次燈,冒的險係大過司機--理論上,車撞行人,行人危險一些;但「衝燈效益」呢?衝一次燈對市民來講可能賺幾十秒,但司機卻一日面對十幾廿次衝燈,損失卻大得多;一個行人衝燈,影響的係後面一連串車,當中除了私家車、貨車、的士,仲有巴士、小巴等等;所以當今日大家鬧爆「亡命飛車」的小巴佬、巴士佬之餘,又有冇諗過佢地的不良駕駛習慣係點樣得來的?巴士佬望都唔望就 cut 出去,原因就係佢唔敢 cut,大家都當佢係死的(包括行人),於是又唔使行;牽一髮則動全身,在今日這種膠到冇朋友,大家都唔守紀律的社會,大家就把大量的資源浪費在所謂「惡性競爭」上--因為有法不依、有法不守、有法不執行,大家都只係膽搏膽,賭自己運氣好,於是自私到暈的硬膠傳統社會特質,再一次膠爆。

記得在英治年代,政府係大力推行「行人要望交通燈」的教育,去到今日居然係宣傳「禮讓」,這是否一種倒退?禮讓本來就是一種人性,見到一個行動不便的阿婆,又有幾多人冷血到不肯禮讓?香港人是有如德國人那種重視紀律高於一切的民族嗎?在中國人社會之中,「人情」多於牛毛,還需要「宣傳」嗎?如果阿婆故意衝燈,車輛也應該「禮讓」,那麼我們不如廢了交通燈吧,變成有如其他第三世界的地方一樣,隨便亂過亂開,又有如一些膠國,為了減輕賠償,所以車傷人不如車死人,見到人飛出來,唔係踩 brake,而係踩油;望望兩岸三地的中國人社會,你認為「以法治國」好些呢,還是「以情以禮讓治國」好些呢?

就是嘛,香港就是一個如此奇特的社會;當自己一切的成就來自西方的制度,今日就沾沾自喜說是靠自己的「努力」 --難道內地的中國人不努力嗎?難道台灣人不努力嗎?由過馬路這種小事看看,過渡前後對「制度」的解釋就已經有兩樣,前朝著重大家守規則,今日就著重宣傳「禮讓」那套唔知「乜家」的精神,結果就同「乜家」的腦部便秘一樣,大家的交通齊齊愈塞愈爆。

為甚麼今日的政府如此硬膠?當然了,由議員到人民都一般硬膠,社會硬膠反映在民智上,當然結果就只有一個,就係齊齊膠爆;大家都唔係希望解決問題,而只係希望使用自己那套方法,而唔理果種方法解唔解決到問題--解決唔到,係你的錯,唔係方法的錯,最衰都係人地,最衰都係大家唔做聖人,偏偏要做小人,最衰係 d 傳媒渲染,最衰係開車的唔禮讓,來來回回,一千幾百年,大家都係圍在一個永遠解決唔到的問題上團團轉,轉來轉去都係「人心不古、道德淪亡」,叫了幾百幾千年,陶傑說的小農 DNA,其實是中國文化那種無可救藥的病-- OS 的 kernal 有 bug,永遠行一陣就 hang 機,你重裝幾千次個 Windows 98/ME,未又係 hang 機!
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    5 個月前

最近文章

再次伸延閱讀