支持及訂閱請按 Like

星期六, 12月 13, 2008

倪震與中華鱘

國寶疑撞傷不治 另兩條有類似傷痕
中華鱘館無限期休館

【本報訊】海洋公園的國寶多災多難,兩條中華鱘相繼死去,還有兩條傷病需要隔離。據了解,上周死亡的中華鱘 7 號,是因為游弋時撞傷魚身,傷口受感染致命。受傷的中華鱘 2 號及 6 號,目前情況穩定。中華鱘館今日起無限期休館,以便內地專家稍後來港查找死因。

隔牆有耳:海洋公園衰氣旺盛

海洋公園傳來訃聞,八方即刻仆去中華鱘館,憑弔一下為國家、為左香港而捐軀o既國寶。唔去猶自可,一去到就周身唔聚財,公園上空烏雲蓋頂,煞氣好大。

老老實實以中華鱘的外表,你問問有幾多遊客會有興趣?偏偏掛上了「中華」兩字,就變成了國寶,先被海狼咬死一隻(都唔知係唔係,定係死左先被海狼咬),然後送去搶走鯊魚的鯊魚館,結果都係出事,死兩條,傷兩條,主席盛智文呢頭入中國藉,果頭又身痕,就同上年一齊支持葉劉的一干人等,如 IT 膠人,仲有果位倪震一樣,有排震。

世事就係咁奇妙,看著這些做得衰野多的人死的死,傷的傷,失禮的失禮,羞家的羞家,黑起來果然有條路,於是國寶安安會咬人,國寶中華鱘會連環突然死亡,呢 d 騎呢事情,只係再次提醒做人要行得正企得正,問問良心,就有如倪震被全世界鬧爆一樣,做少兩件衰野會唔會仲咁乞人憎?但又問問自己,為何倪震抹黑他人成十幾廿年,到今日先被人清算?

望番當年本 Yes!當倪震瘋狂抹黑劉錫明的時候,又會「嚴重影響」劉錫明的聲譽,衰格起來,到今日大家都仲係叫佢毒瘤乜毒瘤物,瘋狂的 mob 卻沒有反省當年助約為虐的行為--倪震抹黑係衰格之至,但係你又有冇份叫毒瘤乜?鬧人係天公地道,但鬧佢的原因係乜?佢的所作所為,係唔係證據充分?所謂「出得來行,預左要還」其實是充份的誤導性,簡單而言,你冇做過,凡出名就要承受那些壓力,以及一些鯊魚群的攻擊,理得你係理性定唔理性,就好似劉錫明乜都冇做過,一樣可以被人抹黑,這件事情,對於那些從某些網站閱讀那些完全不負責任抹黑的讀者,可有半點啟示?

簡單而言,中國膠的潛規則就係,只有黑才可以吃黑;一大班以聖人教誨,同膠人講耶穌的,結果只是浪費氣力白費功夫;膠人膠起上來,你同佢講一千次真理都唔會影響佢的膠思維,更有效的方法,就係從另一件膠事去引導佢轉向硬膠,這亦是每日一膠的核心思想--國事已不可為,唯一可為的就是化衰野為正氣,再以正氣治衰人,末世思想可悲可嘆,可是從中又有多少無奈?

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀