支持及訂閱請按 Like

星期二, 12月 09, 2008

按錶收費的神話

十二月六日港台新聞:「劉健儀則說,之前未察覺「短加長減」導致市區及新界的士收費差距問題,促請政府立例禁止乘客議價。」

劉健儀是何許人也?既是「自由黨」的主席,又是所謂「航運交通界」的功能組別議員,身為交通界的代表,居然可以面不紅耳不熱地說,「之前未察覺短加長減導致市區及新界的士收費差距問題」?唔係嘛?你代表果個界別都察覺唔到?你收六萬蚊一個月的人工做乜?功能組別連最基本的功能--反映業界都做唔到,就同另一位功能組別的膠人譚偉豪一樣,講錯 IT 界有「拒收電郵名單」,講錯自己支持者王維基係「i-cable」的,有冇病呀?

就和功能組別可以代表其組別的神話一樣,有人就和林忌提出了另一個神話說,目前的士收費的重點,是應該按錶收費--這是法律所規定的,否則就對守法的司機不公平云云。

甚麼嘛?甚麼叫「按錶收費」?明顯班偉人認為,八折黨「按錶打八折」的收費,是對「不打折」的「不公平」,於是他們要立法,禁止乘客「自由議價」--好了,那是否要 impose strict liability 呢?是否凡「不按錶收費」,就犯刑事法律呢?

大概這班官僚與議員大帝,平時唔坐的士,亦未「察覺」原來香港的「按錶收費」,一直都係一個神話;不說已經 de facto 存在了好幾年的折扣黨好了,就算係平時坐車,當之前未加價好了,按錶收費是 $19.2,有哪一位司機大佬,會實收 $19.2?畀廿蚊個司機,佢一句多謝都唔覺,亦唔找錢就叫你落車,有些司機比較豪爽的,居然畀返一蚊你。

好了,通過新法例之後,凡「不按錶收費」,就立即犯法!簡單而言,即你畀廿皮佢唔找錢,雙方都犯法;你畀廿皮佢找一蚊畀你?弊!佢做左「折扣黨」!!!!!係犯法!!!!!可能要坐監!!!!!!!!!!

甚麼嘛?這不是「神聖不可侵犯」的「按錶收費」嗎?原來這麼多來,實際上「按錶收費」的司機,都唔知有冇 1%!原來政府訂立「按錶收費」的目的,唔係用來保障的士乘客咩?乜原來佢收多你八毫,甚至當年好景時,收多你幾蚊都唔找錢,要你開聲才找錢的,都是合法合理的行為;去到今天有司機「找多左錢」、「收少左錢」、「打左折扣」,就係「犯法」的「人渣」,要祭出刑事法律來對付,要拉去罰錢坐監,連埋乘客都要隨時罰錢坐監?

就是嘛,咁多年收多了你錢,果 d 叫做「貼士」!心情好收少你錢,甚至發爛渣覺得你畀毫子佢好煩的司機,就叫做「好公平」的「按錶收費」;反過來有些人決定做「善事」「義載」,又或者收平些,原來就係「不公平」、「不按錶收費」的罪人!

禁止乘客自由議價?又禁唔禁止埋租車自由議價呢?以及凡唔依咪錶收費,收多你一毫子都應該搵警察去放蛇,捉佢地去坐監,咁我就支持啦!中國人社會最衰的一件事,就係自己成日創作神話去呃人!按錶收費?這麼多年以來的的士有誰真的按錶收費?收多一毫子唔係錢?收少一毫子唔係錢?定係收多係「老奉」,收少就係「不公平」的「罪人」?

對,一定有人大條道理說,那八毫子是「貼士」!你去食飯時,有酒樓敢不給你散紙嗎?貼士,是自願才給的;連錢都唔找畀你,又或者你問佢拿時,佢會黑面,甚至大大聲掟畀你,呢 d 叫「貼士」嗎?反轉頭,八折黨唔可以「送貼士」,又或者「收順些」嗎?

原來除了八折黨之外,拒收果兩毫子,收平你兩毫子o既的士司機,一直都係破壞的士行業的罪人!!!!!一定要收多你八毫子貼士,先係行業的好榜樣!!!!!

對的士司機最大的支出--車租,劉議員及鄭律師提都唔提!話八折黨係「唔守法的司機」,原來非八折黨,十個都冇一個係跟足錶收費的,人人強搶貼士都叫「守法」?咪錶唔係神聖不可侵犯嗎?原來收平過錶就係「不守法」,收貴過錶就係「守法」;收平過咪錶係罪人,咁收多過咪錶呢?係唔係聖人?現行的法律的立法原意,係防止濫收定係鼓勵濫收?好偉大的「守法」強搶貼士呀!

呢八毫子貼士畀唔畀,唔知算唔算「自由議價」呢?定係貼士原來由司機決定,而唔係由乘客決定的!乘客決定取回八毫子犯法呢?還是司機強收八毫子犯法呢?諗來諗去,我都諗唔到添。

多謝支持呢個神話的議員,決定與的士乘客為敵的決定!看來係時候組織一個「的士乘客關注組」,把這些議員列為「乘客公敵」!

Facebook group:支持的士減價!支持的士減車租!
Facebook group:香港政府正垃圾! We Hate the HK Gov!!

伸延閱讀:
我要去月球!
按錶收費的神話
硬膠管制累死的士司機
隻字不提減車租
自由黨更無恥
交通問題終於核爆了
為何不敢推的士最高車租?
是誰累死的士司機?
陳雲:周日話題﹕的士政治經濟學
1984 年張五常的看法
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    13 小時前

最近文章

再次伸延閱讀