支持及訂閱請按 Like

星期日, 11月 30, 2008

人人派膠永不落空

民建聯向政府建議總值約 321 億振興經濟方案
2008-11-30 HKT 11:27
針對金融海嘯,民建聯向政府提出總值約 321 億元的振興經濟方案,包括政府動用 26 億元,創造大約 2 萬個職位, 又建議政府動用大約 5 億元,舉辦消費抽獎活動,獎品包括 2000 張主題公園年票及兩個居屋單位,又建議提供周六、周日交通半價優惠。

生活在膠港,真係一日唔死都一定保證有膠聞,當星期六日塞車都未有人解決的時候,民賤聯就建議交通周六周日半價,令膠港塞上加塞。

如果抽獎可以振興經濟,政府不如索性注資馬會,代全港七百萬人買六合彩啦不如?一大班零智人士,在沒有創意的情況之下,只係識得東施效顰,好學唔學學台灣的消費券?唔係嘛?馬政府為左消費券都搞到膠哂,膠港班膠人專學膠野?唔通膠得多有得換居屋?對,昂居個居就有啦。

真係要退錢畀市民,就把果六千蚊注入強迫金的錢,即時被人提取現金;中國膠有一種硬膠邏輯,就係事事要規管,舉例說,連送錢畀你,點樣用都要管;人有錢自然會想洗錢,點樣洗又要管,呢班契弟認真得閒--既然明知送左錢人都可以選擇唔用,咁點解要規定他人如何使用?規定了紙面上的條款,二手轉賣又有,乜野都可以有,就係有班老而不唔化成日要管人地的私事,骨子裏視自由市場如無物,把最簡單的事複雜化,混亂化,然後清水變混水,混水就可以摸魚,最好二千張主題公園年票,送哂畀民建聯,等民建聯搞多些團好唔好?膠港由上至下亂七八糟又一例證也。

好奇怪,為何送錢畀四川,遠比起送錢畀香港市民有更大的自由度呢?舉例說,四川災區的重建,又唔見有規管必定要由香港的承建商興建呀,又唔見有「香港服務消費券呀」,但偏偏對香港市民如何「被振興」,民建聯卻提出一大堆「規管」的方案呢?我諗極都唔明,X 建聯的 321 億方案,不如同四川交換,把民建聯的方案送畀四川,把一百億現金「留港建港」吧,不信來一個公投,信不信由你好唔好?

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀