支持及訂閱請按 Like

星期六, 11月 15, 2008

特區忽然超英趕美

最近睇香港的膠報,已經睇到想燒的地步;由政府到一眾膠學者,出來大談甚麼「議會公審銀行」,「僭越司法權」,令林忌睇到完全 O 嘴,真的想反問一句,乜香港有「三權分立」咩?

我地偉大的政府同學者果種選擇性「三權分立」的態度,又係令人嘆為觀止!立法會今日的特權法,是繼承自英國的制度,這套制度是英式的三權分立,何謂英式呢?就是英國的終審法院,到今日都仍然是英國的上議院--對,就是由上議院的 Law Lords 去審理案件,咁多年以來,英國滅亡了嗎?當香港連英國的民主制度都未有果時,我們這一班偉大的學者,卻忽然「超英趕美」,決定要擁抱美國的絕對「三權分立」--甚麼嘛,英國的司法和立法制度,幾百年連結在一起相安無事,其他前殖民地如加拿大用到爛哂都冇事,硬係在香港呢度用,就會變成世界末日,係都要突然去到美國的高標準先可以冇事,真係令人搞唔明,點解呢?

係囉,香港班權貴唔係好鍾意英國的「兩院制」,又有貴族的上議院,又有平民的下議院嗎?咁英國的上議院唔單止審理議案,仲判埋案喎,仲做埋終審法院的角色喎,英國原本的設計的議會,本身就係有權力去「僭越司法權」喎,乜香港之前係美國o既殖民地嗎?乜香港要成為美國的第五十一個州嗎?真係做到佢地呢班友吹的三權分立,係得美國先有喎,前宗主國英國都冇,乜香港要超英趕美嗎?呢班大帝不學無術又亂吹,真係笑大人個口矣。

呢班契弟最契弟的,就係隨心所欲,專搵 d 大家聽過但連佢自己都唔知係乜的出來亂吹,群眾之中識少少又唔知詳細的,又跟住佢地吹,吹來吹去,我到而家都唔明,如果呢個「特權法案」咁得人驚,點解英國可以保留咁多年,特膠政府又要繼續保留咁多年呢?司法的問題歸司法,政治的問題歸政治,立法會的「特權法案」,只係搞清楚事實真相與政治責任,之後 A 要告 B,B 要告 C 之類,就回歸法院去審判了,立法會有權代法院判案嗎?當然沒有權,但一大堆人粉為求自保,就繼續寶藥黨的行為--繼續講大話靠嚇,嚇得有幾大就幾大!係囉,講美國式的絕對三權分立,我地有冇美國憲法所保護的言論自由?我地有冇美國憲法所保護的燒國旗的自由?

要自由,就唔可以睇美國,應該望向第三世界的獨裁國家;要保護銀行,就忽然談起平時提都唔提的「司法獨立」來了,嘩!好驚呀!政府突然好驚失去司法獨立呀!我巧驚驚呀!
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    6 個月前

最近文章

再次伸延閱讀