支持及訂閱請按 Like

星期三, 10月 15, 2008

香里老母寶藥港

看左邊這份銷售文件之前,請假設自己是一個不識英文,或者英文閱讀能力,就好似陳克勤的口語能力一樣--甚至,假設自己是一個目不識英文,只識睇中文的香港人。

看一看這份銷售文件是甚麼?沒錯,這份連「雷曼」兩字都不見,連「迷李」兩個字都不見的,就是大名鼎鼎的雷曼兄弟「迷李債券」--即使識字的你,即使識英文,但卻對財經概念不熟識的你,撫心自問,你會唔會中招?

你識英文,可是一世仔未買過債券,即使大學生,如果唔識 Business,又有幾多人會知道,債券的英文,應該是 bond,而不是甚麼 note? 這份銀行印出的文件,最人渣的就是把票據 note,中文卻夠膽譯作「債券」,連「迷李」兩個字都唔見影,就咁叫債券,你話好唔好野呢?

聽朋友講,債券係低風險的投資,所以買囉--係囉,呢份原文稱作「系列 37 債券」,首兩年只有 4.5% 利息、第三年也只有 5% 利息,金融界常向市民說,低回報,因為低風險嘛,甚麼?原來低回報卻是買緊高風險的產品?原來中文叫作「債券」的產品,唔係 bond, 而係唔知咩 note?

同屬雷曼的「系列 36 債券」,係「美金債券」,首兩年回報率只有 5%,第三年才有 5.2%,參考 2006 年果時的美金定期存款利率,一個月都差唔多 5%,一年期就一定 5% 以上;三年?止唔止 5% 呀朋友?畀定期存款的利息,但係原來呃你買高風險產品?真係賺到笑!

Prima facie 表面證據顯示,呢份文件係一份詐騙案的證據,如果你我他開個網站,英文寫做 「China Silver Row」,中文譯做「中國銀行」,唔知警方係唔係會扮睇唔到?定係立即以「企圖詐騙」、「不誠實使用電腦罪」立即拉人封艇?

同上次咩 AXA 保險偽造文書果次似唔似呢?就算唔係偽造文書,呢份野都係電腦印出來喎,故意把 note 印成債券,算唔算「不誠實使用電腦」呢?警方係度做緊乜?

之前大家都仲以為係「迷李債券」純粹係「掛羊頭、賣狗肉」,而家文件顯示,有人敢在文件寫上「羊頭」、英文就寫 「Canis」 (唔知咩叫 Canis? 狗的生物學名稱囉,吹呀),求其百佳用油魚當係鱈魚,都可以投訴,百佳都要改;原來債券唔係 bond 係 note?我可唔可以在街上用「美麗的冥通銀行帛金」(American Pluto Bank's note), ,簡稱為「美金」同人換港紙?我又可唔可以用「香港的元寶」,簡稱做「港元」,然後同內地遊客換人民幣?係唔係以上情況,警方都唔會執法?

咁點解係街頭賣「高科技產品」就要當係詐騙案呢?你唔畀佢係高科技呀?佢可能係來自歷蘇的家鄉呢,唔得呀?唔通刑事的詐騙條例只捉小賊唔捉大賊咩?警方做緊乜? 

警字兩個口,加上官商勾結,於是有大賊唔捉,專搵小市民祭旗,一次兩次三次都係咁,我地呢個係咩港?原來香港的真名,係「香里老母寶藥港」。

係囉,o係「香里老母寶藥港」,可以名正言順,把高風險的票據,改個名叫做「債券」,呃大家以為係低風險的「港元債券」、「美元債券」,然後真係畀個低回報你,扮到似係十足十的債券,如果唔係雷曼真係撞邪執左,呢條財路真係名正言順咁食!絕橋呀!只係食息差都發過豬頭呀!

「不誠實使用電腦罪」--香港法例 200 章 第 161 條

章: 200 標題: 刑事罪行條例 憲報編號:
條: 161 條文標題: 有犯罪或不誠實意圖而取用電腦 版本日期: 30/06/1997


(1) 任何人有下述意圖或目的而取用電腦─

(a) 意圖犯罪(不論是在取用電腦的同時或在日後任何時間);
(b) 不誠實地意圖欺騙(不論是在取用電腦的同時或在日後任何時間);
(c) 目的在於使其本人或他人不誠實地獲益(不論是在取用電腦的同時或在日後任何時間);或
(d) 不誠實地意圖導致他人蒙受損失(不論是在取用電腦的同時或在日後任何時間),

即屬犯罪,一經循公訴程序定罪,可處監禁5年。
(2) 就第(1)款而言,“獲益”(gain) 及“損失”(loss) 的適用範圍須解釋作不單擴及金錢或其他財產上的獲益或損失,亦擴及屬暫時性或永久性的任何該等獲益或損失;而且─

(a) “獲益”(gain) 包括保有已有之物的獲益,以及取得未有之物的獲益;及
(b) “損失”(loss) 包括沒有取得可得之物的損失,以及失去已有之物的損失。
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    4 個月前

最近文章

再次伸延閱讀