支持及訂閱請按 Like

星期三, 9月 24, 2008

東亞「造謠」

警方:現階段無證據顯示東亞事件有刑事成份
2008-09-24 HKT 16:52
警方商業罪案調查科接手調查東亞銀行事件,現階段無證據顯示涉及刑事成份,相信並非惡作劇,或有人惡意散佈謠言。

政府消息認為,有投機者在市場上造謠,藉此操控東亞股價以及影響市場。考慮到近日結構投資產品風險已令市場人心惶惶,今次的事件明顯是「有人想擾亂香港的金融市場秩序」。


----
聽到呢句,真係想問一下,呢位政府消息人士,係唔係惡意造謠--今次的事件明顯是「有人想擾亂香港的金融市場秩序」呢?

市場人士擔心係事出有因--因為連咁大間雷曼都出事,咁多銀行存戶去銀行存定期,被人昆去買「迷李債券」,呃佢地話係「定期存款」,大家羊群心理,是正常現象,可是卻偏偏報紙可以報導「有人說」:「有投機者在市場上造謠,藉此操控東亞股價以及影響市場」--咦?當事人可以唔出名,又唔使講證據,警方又冇證據,咁呢位政府當事人以及報導佢地的報紙,同果 D SMS 的「流言」又有乜野分別?

警方使唔使又查下呢位「政府消息人士」,係唔係意圖透過發表「流言」,去干預東亞的股價(例如佢大手買進呢?)又使唔使查下呢 d 報紙,係唔係又有人大手買進東亞股票呢?定係傳東亞唔安全,就係「流言」,就係「惡意造謠」、就係「有人想擾亂香港的金融市場秩序」,傳東亞好好,好健全,會發達,股票會升,就係「堅過石堅」、「善意真相」、「促進香港的金融市場秩序」呢?

事實就係,今日有人去東亞提 Cash,結果銀行話唔夠 Cash,可以選擇本票;Cash 就要等幾個鐘,咁樣會唔會令人擔心呢?我地係唔係有權利去擔心呢?

原本我對東亞都仍有信心,可是東亞聲稱星期一收到短訊,星期二和警方商討,到星期三發生分行唔夠 CASH 的情況,才來派個發言人出來亂鬧市民,看見其 Risk Management 危機管理的能力,對唔住,真係信心盡失。

史上最荒謬的,就係呃人幾百萬話係「定期存款」,其實係「迷李債券」,破左產唔犯法,呃人地的錢唔犯法,但係市民擔心自己的錢畀人呃,就話係「刑事罪行」--傳聞東亞「唔掂」,有流言亦有事實,但亦有合理擔心,警方、銀行和傳媒提也不提,反咬市民一口,說所有人的擔心都唔對,「擔心」幾時成為係刑事罪行呢?

傳媒只係報東亞講任人提款,但為何有存戶想提取現金,卻出現分行唔夠現金,只能選擇本票,職員話現金要等幾個鐘的情況呢?為何這些情況完全冇人報導?

電視搵的律師仲有趣,連手提電話內有 CPU ,都可以說成電話可能是電腦,可能被判「不誠實使用電腦罪」;假設有個人啞左或說話有問題(例如患左肌肉萎縮症的偉大物理學家霍金),佢個助發音機都可能有 CPU,因此他講大話就係不誠實使用電腦呀笨?

所有有運算能力的電子零件都算電腦?有 CPU 就係電腦?用洗衣機、焗爐都可能係電腦了!唔係嘛朋友?你冇事嘛?

xxxxxxxxxxxxxxxxx
東亞銀行大道東分行逾百客戶輪候提款
24.09.2008 17:29

東亞銀行多間分行,有大批存戶輪候提款,銀行延長半小時服務。在灣仔皇后大道東的分行,有超過一百名客戶輪候,但提款過程緩慢,有客戶表示有職員聲稱分行只有三十萬元現金,會以本票代替,但存戶堅持要現金,亦有存戶擔心提款人數太多,擔心銀行關門前仍未能提款。東亞銀行管理層下午召開記者會,澄清惡意謠傳,說經已報警調查,執行董事兼副行政總裁彭玉榮強調,東亞財政穩健,有足夠資金應付存戶需要,亦無限制提款上限。

唔夠現金,係事實--銀行提都唔提事實,只提人地「造謠」--也難怪大家寧可相信「造謠」,都唔相信官方的所謂「事實」了。

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀