支持及訂閱請按 Like

星期四, 8月 07, 2008

馬桶令排泄增加

近日膠事一單膠過一單,膠人多到林忌已經開始飽,飽到唔想再寫。
但係今日聽到呢單膠野,覺得真係殿堂級膠到冇朋友,一定要拿出來分享一下!

2008 年 8 月 7 日蘋果批

何秀蘭的偉論:
對比一下甘乃威的看法,你就明白為何林忌呼籲支持投甘乃威一票,而對何秀蘭自上年到而家,都覺得「膠都廢時畀」了。

何秀蘭的「公民起動」植根灣仔,何女士居然對灣仔街坊日日塞車塞到冇朋友都視若無睹--寧願唔起路,讓今日塞到阿媽阿爸阿爺同大姨媽都唔認得的情況,繼續落去--直至永遠,擁有這樣議政水平和政治智慧,唔怪得在觀龍區不戰而逃--如果佢選你果區的區議員,你仲敢唔敢選佢?

有問題,唔係諗方法去解決,卻反來話,越多路會越多車,低能程度就有如,你家人多廁所擠塞,有人同你講,你有多個廁所的話,會越多人排便一樣,膠到冇朋友。

港島樓的呎價幾多錢?停車場有幾多?養車要幾多錢?油錢幾多?保險牌費幾多?養得起的繼續養得起;養唔起的都繼續養唔起,加多條路就會多左車?唔係嘛?再者,就算私家車係多左 10%,又點樣?廢氣係以車數計,定係以開車時間計先?

由東區去西區,約十公里的道路,塞車時需時三十分鐘(超保守估計);唔塞車時,只需十五分鐘(預鬆時間估計),因此假設:

一百架車,每架塞半個鐘,排氣量係 3000U (假設污染單位)
一百五十架車,每架行十五分鐘,排氣量係 2250U (假設污染單位)


邊個情況多污染一些呀?今日灣仔塞車的情況,係塞到全世界都唔認得,何秀蘭女士,你有冇落灣仔區o架?

都仲未塞車時廢氣積聚同一區;也未計塞車的問題,係幾何級數連鎖反應的!

假設塞車的情況
100 架車中有 50 架係私家車、巴士、貨車等柴油車 20 架,小巴的士等石油氣車 30 架,為方便計算,我地先唔計算小巴的士的「低排污」。

就當一架柴油重型車的排氣,係一架私家車的 10 倍(超保守低估的數字,隨時上百)
(50U + 20U x 10) x 30 分鐘 = 7500U

就當加完路之後,港島人好似何秀蘭所講咁發左癲,多左一倍私家車好唔好?合共 150 架車--
(100U + 20U x 10) x 15 分鐘 = 4500U


見到未?塞車令高排氣的貨車、貨櫃車、泥頭車、所有大食的柴油車、巴士等,擁有更多的路面時間,才是製造污染的最大殺手。

何況,你認為加左條灣仔繞道,會唔會有一倍私家車的增長呢?唔好講笑啦,港島人老人家越來越多,年輕人越來越少,老區停車位越來越多,唔係因為塞車,而係因為養唔起車。

開工泊中環?一個月幾多錢呢?唔係人人都好似立法會議員,有幾萬蚊人工之餘,仲有立法會免費泊車的服務,有路,都冇錢泊車呢。最近 IFC 的泊車優惠,先由買滿兩百蚊免費泊兩個鐘,改到買滿八百蚊免費三個鐘--日日買八百蚊野咩朋友?

再者灣仔塞車關九西起多條「鐵路」咩事呢朋友?西區海底隧道日日拍烏蠅,灣仔塞車同九西多條「鐵路」(唔係有香港站咩?)有咩關係?

勉強幫佢解話,就係香港仔、鴨利州的巴士乘客,將來全部坐哂地鐵(又唔見馬鐵有呢個功能?),唔好忘記,南區只佔港島住戶的兩成多,東區才住了五成人,多左地鐵少左巴士,咦?乜原來造成塞車的全部都係巴士,乜唔係私家車咩?

少左幾架巴士就會唔塞車?世紀奇聞.....東涌線坐唔滿,再起多條九龍西去堅尼地城的鐵路可以減少灣仔塞車,簡直係奇聞中的奇聞!

比較一下甘乃威的看法:
鐵路冇錯可以減少巴士,但鐵路有冇可能通上半山,減少半山的私家車呢?又再者,鐵路甚至可以減少私家車,但鐵路可唔可以減少佔左灣仔、中環等港島繁忙時間擠塞的貨車呢?

留意一下長假期冇得送貨的日子,舊隧係唔塞車的,林忌萬試萬靈,基本上港島的塞車,最大的問題就係大量的店鋪與極不足的路面;再加上送貨時必定要泊街,而泊街必定會擠塞路面,所以無論有咩車都係塞。

因此用何秀蘭式的邏輯,鐵路都會增加塞車--因為多左鐵路去灣仔區,就多左人果區購物,就會多左貨車去果區送貨。

簡單而言,最有效減少交通,就是立法強制禁止貨車進入港島--要求港鐵開放貨卡,要求送貨坐港鐵,好唔好?再唔係,就立法禁止港島從事零售業,咁就一定唔塞車了,好唔好?

有民主、有公投的倫敦市長 Boris Johnson,都提出了塞車是最大污染來源的問題;反過來這位忽然唔選區議會,轉過頭又出來重戰立法會的脫逃蘭,就同你講解決塞車,反而會愈多污染。

用口講支持環保人人都識,講實際做事,你要選呢位膠人嗎?

泛民主派,就是充斥著這麼多講就天下無敵,做就無能為力的膠人--相比起甘乃威在上年區選,令民主黨在港島西保持六席不減一席的佳績,何秀蘭在觀龍的選票,反映了一切。

因此,林忌決定投甘乃威一票--就是憑他用手,不是用口來做事。

伸延閱讀:
前倫敦市長利文斯通亂醫交通的結果--從倫敦看香港的政治人才
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    1 個月前

最近文章

再次伸延閱讀