支持及訂閱請按 Like

星期六, 8月 30, 2008

從麥凱恩賭博看民主政治

CNN 的評論員 Ed Rollins 形容,美國共和黨的麥凱恩選擇阿拉斯卡州長 Sarah Palin 作為副總統候選人,是 Brilliant, 但 Risky 的一著。

長久以來,在美國的政治觀察中,林忌都支持美國民主黨;由 1992 年的克林頓起,這麼多屆的美國總統大選,雖然我沒有權投票,但心內都在想,如果自己是美國人,這一票會投誰呢?每一次,林忌都認為,自己一定會投美國民主黨的一票,這麼多年都如是。

可是 2008 年,林忌發現自己 Changed 了;早在今年六月希拉莉認輸的時候,林忌已經在想,你能否支持這位奧巴瑪;到今天,更加確認了一種想法,就是如果自己是美國人,一定會改投共和黨,而不是民主黨一票。

為甚麼?對--麥凱恩是共和黨,麥凱恩有很多政策我都不認同/不支持/也不想深究,但比起那個天天叫著 Change,說了幾百次幾千次 Change,都說不出 Change 甚麼的傢伙,麥凱恩最少講得出自己的政策是甚麼--這些政策未必人人認同,但很清楚他謀定而後動,同時又不似布殊那種牛仔的人。

比起麥凱恩,奧巴瑪更加似小布殊,甚至比起小布殊更可怕,最少小布殊樣衰口臭兼硬膠,膠到會有半個國家去反對、監察佢,令佢即使想壞事做盡,都唔能夠完全做盡;然而奧巴瑪呢?由民主黨初選到而家,佢講來講去都一個字 Change,變完又變,冇立場,冇政策,一時一樣,唯一的政策就係反布殊,反共和黨,反傳統的政治,反完,能夠有咩建樹呢?

所以香港的泛民主派,最愛的就係奧巴瑪--由大奧巴瑪,到小李阿麻,講來講去都同奧巴瑪一樣,要民主、要改革、要民生、要保障 ABCDEFG、要減稅加福利保護基層環保教育乜都搞,但係,點樣做呢?問到呢一步,就指著自己個鼻,然後大叫一聲:「信我啦!」

信你?信你者就得救?你以為自己係耶穌?

因此,希拉莉輸左畀奧巴瑪,因為美國民主黨的支持者,有好多左膠(唔係親中果隻,係經濟同政治果隻),佢地乜都想干預,乜都要改革,乜都要加隻有形之手,去搞亂檔,以為忽發奇想亂搞一輪,事情就會往好方面發展,但事實往往係向衰果面發展。

對--自由經濟唔係萬能,但要干預之前,最少畀我驗驗貨,最少你自己都驗驗貨、討論、測試、辯論過,證明真係萬全準備,先好去改革,好唔好?偏偏左膠最愛,就係以為自己係聖人,以為自己無所不能,以為自己的硬膠想法,可以好似神咁七日創造人類,去改變人類。

十次有十次,遇著呢種人都必定硬膠;一個有能力,同時間有魅力與口才的人,當然最好;但只種選擇一種的時候,林忌寧願選擇一個冇魅力、冇口才,但有能力果個,因為佢口才太爛,呃唔到人,永遠冇十足把握,都成日畀人鬧同挑戰,因此,佢一定只有加倍努力,才可以得到他人認同,而唔係果個乜都得把口,亂講廢話都會畀大家讚好的演員。

好可惜,美國民主黨原本有最好的總統人選--希拉莉克林頓,她原本是一個比麥凱恩更適合的人選,可是她被奧巴瑪打敗了,而奧巴瑪更沒有選擇她作為副手,這是一個非常致命的戰略錯誤;沒錯,Binden 本身是一個不錯的選擇,但很多希拉莉的支持者,對於他由選戰至今一連串空洞而無物的 Change,都覺得很厭惡,一個口號買不了人心,正如 McCain 攻擊的一點--那個自稱會帶來改變的人,最終卻選擇了一個老手 Biden 作為副手,Change 甚麼?就是他自己的立場,隨時可以 Change。

對共和黨最大的顧慮,就是他要延續小布殊的硬膠政策--由外交到環保,全部牛仔上身;麥凱恩最大的弱點,就是他來自小布殊的原罪--亦是奧巴瑪不停攻擊地方;然而,選擇了一個 44 歲的女副總統,正好是最大的反擊:「你的 Change 只停留在口頭,而我卻首先做到了!」

講石油與環保,有誰比充滿油田的阿拉斯加州的州長適合?平民的出身,五位孩子的母親,兒子去伊拉克打仗,大方得體的應對,加上最重要的--搶奪原本支持希拉莉的中間選民,這個人選在戰略上真的極有創造性,屬於近年歐美政壇難得一見的戰略部署,只要這位女性不出大差錯,加分必然遠大於減分;反之,美國民主黨的一邊,無論 Biden 如何能幹都好,一個能幹的副總統,也無法說服那些認為奧巴瑪空談的人,改投奧巴瑪一票;麥凱恩的賭博,相信贏面很大;即使輸了,那也只是天數。

講完美國,對比起膠港吧--泛民主派只所以贏,只因為對手更無能,卑鄙與可恥而已;除了支持民主之外,泛民的政策是甚麼?就是一味加福利、立法管制 ABCDEFG,管制完會點?唔理;管制衰左點?唔單止唔理,仲會唔找數走人;反正幾年後衰左,未好似唐英年講果隻:「拍拍屁股走左去囉」;記得 2003 年時,不少泛民主派人士包括偉大的何秀蘭議員,承諾泛民主派都會做好地區工作;做得好唔好,有些人一口話我地唔知--好,就當地我唔知,但點解做做下就走左去?唔係植根觀龍嗎?做四年就唔做?咁辛苦用咁多人力物力先打贏個選區,無論葉國謙有幾多人做野,有幾多支持者死撐,有幾多唔見得光的事都好,如果泛民主派認認真真老老實實緊守到底,輸完,可以贏番;就算輸,都輸得轟轟烈烈、體體面面,何秀蘭退出政壇咩?冇呀;何秀蘭轉戰其他區咩?冇呀;今日何秀蘭繼續選港島區o既立法會議員喎?點解唔敢、唔肯、唔留守觀龍,而要搵何來空降?民主農夫變左民主懦夫,你當我地傻o架?

點解觀龍選區在何秀蘭大敗之後一個月,同一個選區,同一班人,卻支持陳太多過葉太呢?最初陳太未決定出,何秀蘭唔係想同葉劉鬥嗎?葉劉的其中一個最大的支持者,唔係葉國謙嗎?如果何秀蘭在觀龍的工作,真係有佢口講唔知幾分一,就算做唔到陳太在果區贏葉劉咁,都唔會輸幾廿條街吧?乜左派唔係鐵票嗎?肯用鐵票投葉國謙的,居然唔肯投葉劉?事實證明,投葉國謙的,唔單止有鐵票,仲有中間票,甚至泛民的賭爛票;呃我地感情話來做地區工作,四年後就走佬,那個口口聲聲,永遠講得好好聽的人,做左咩豐功偉績?

去到呢種田地,如果港島第六席真係勞永樂同何秀蘭二選一(我始終覺得,第六席係蔡素玉的),林忌寧願支持勞永樂,都唔會支持何秀蘭;最少勞永樂貨真價實可以幫人睇病,何秀蘭?到你真係有事搵佢,你點知佢會介紹邊個(例如何來)畀你?勞永樂最少識科學,最少知道血管塞左要通,唔會好似何秀蘭咁,同你講:「反對灣仔繞道,因為多左路就會更多車」。

這就是民主政治,選舉唔係要選偶像,係在兩害之中取其輕;在兩個爛蘋果之中,選一個冇咁爛的;我唔期望麥凱恩為我帶來幾多改變,但最起碼唔好幫我帶來更多硬膠;選一個唔識講野的木頭,好過一個講野好叻卻反智的硬膠。以上幾點,美國人民對此點的領悟,都仲差歐洲最少一皮;而膠港,無論中共設計的爛制度,或者膠港市民自己,都充滿硬膠!
這個小工具發生錯誤

熱門文章

這個小工具發生錯誤

最新文章

  • 當左膠變成熱狗 - 驚見「左膠御用」傳媒獨立媒體《當蔡子強變成林忌》一文,左膠不但沒有從脫離群眾,被大量原本的支持者離棄,以至被原本的同路人所質疑,以至高呼要票債票償吸取任何教訓,更反過來四圍挑起火頭,繼續人身攻擊,特別是這位當年亂寫「歧視」等法律,當年不斷亂屈「歧視法西斯」的左膠作者「稻草」。 當左膠連溫文保守如蔡子強,也要點名...
    2 個月前

最近文章

再次伸延閱讀