支持及訂閱請按 Like

星期四, 8月 28, 2008

國際 O 嘴之都

很奇怪,近日英文水平成為博客的焦點;著名的東南西北網站,也轉載了黃世澤的博客英文水平討論;林忌真的覺得很奇怪,這位唔知點解成日被傳同我好熟的黃世澤,居然比起幾位立法會候選人都仲紅,怪事年年有,今年特別多。

例如果位賣快譯通的 IT 撻膠人--譚偉豪博士,曾經高調談過今日大學生的英文水平唔得;可是無論用咩耳聽,林忌同身邊一眾朋友,次次睇親呢條片就笑;唔係嘛,原來錢多權大就真係大哂,不如快譯通以後用番老闆的英文發音來做發聲呀?

另一個例子,就係工聯會的選舉廣告,唔係嘛?錯成咁都可以出街?佢地唔係有開英文課程o架咩?相關員工使唔使報番自己的 course,定係讀完都係咁呀?政府對呢 d 課程咁多資助,係唔係倒錢落咸水海呢?

其中一位參選人仲係律師添,如果佢寫封律師信係 Plaese don't across the red margin. Ask for now bellot if you stamp wrong,都真係唔知喊好定係笑好。

同佢地的難兄難弟民賤聯-- a party with a future,真係相映成趣。傳媒成日恥笑年輕人水皮,點解從來都冇人敢恥笑而家班高官、當權者水平?

有權、有錢、有勢再水皮都吹到大一大;我地年輕人而家最缺的,就係權、錢同勢力,所以就好水皮,明白了......

按:由於 O 嘴、"Goodest" 都已經無法形容這種超特級膠的情況--Goodest,最少都仲知道「最」要加 est;上面果 d 英文,真係連小學生的程度都冇。

因此唯有教大家一個新潮語-- 好 worst,Holland worst... 呢個咩世界呢?



按:林忌收到電郵看到這張圖,不知道原來是高登會員「潛水者」的貢獻;因此特別嗚謝一番!

熱門文章

最新文章

  • 由妖票到乞票 - 近期常有些政治人物,不斷「屌票」,即自己作為候選人,不但沒有用耐性去說服選民,反而走去怒罵自己的選民,這種作風當然不但無法爭取別人支持,反而罵走選民。 但另一個極端,就是認為自己那一票真的「非常寶貴」,認為有如一位萬眾觸目的美女,要多次追求,乞求其投票,以至開出大量動人吸引自己的承諾,或者作出利益交換,才會走...
    5 年前

最近文章

再次伸延閱讀