1. 畫面播出雙人女子跳水項目,輪到英國選手,畫面打出 GBR 與米字旗,主持大叫:「輪到美國隊啦!」
Dead Air 一秒後,專家說:「其實係英國隊先o岩......」
某藝員窒左一秒,大聲說:「係!係英國隊!.....」
英國隊成功跳完水,評論員成功澄清左自己的錯誤,對於動作的評論係零!《完》
2. 網友:單車公路賽, 某人撘句:「你睇北京宜家幾少車行, 啲運動員都好啲..」 ---封咗條路一架車都冇呀嘛,膠人。
3. 男子單車公路賽中,車群中領頭的一名車手長時間張開口呼吸,女主持竟然話:「佢一路都望住鏡頭好好笑容。」
4. 某台主持:「D運動員真係好鍾意運動....」
5. 畫面播緊女子舉重...出場係南韓運動員,某主持:「聽講所有南韓運動員都有食人參, 睇嚟今年南韓都無人參出口...」
6. 中國隊勝出的 56kg 男子舉重,某著名主持說:「印尼仔點點點...印尼仔點點點...印尼仔點點點...越南仔點點點...」--講左 N 次之後,終於在鏡頭面前更正:「印尼仔...... 呀,其實係印尼運動員至O岩」
7. 網友:「畫面播緊女子舉重,連比賽方法都吾知,見人舉起咗就以為得,原來評判 foul。」
8. 網友:「某台播女排, 意大利對俄羅斯, 以為某主持唔出聲, 得個石 sir 係度講,點知一出聲就話:"咦? 意大利好多都有model 面孔喎!」
9. 某女藝員評男子體操:「咦!!!出血呀!!! 咁未好痛囉!!!!! 專家: 好少事 je..」
10. 體操專家:「今晚中國隊表現好好,除左楊威一個小失誤之外,全部都幾乎冇乜失誤......」
某男藝員即時回應:「係呀!中國隊表現真係好好呀!中國隊表現好穩定呀!特別係楊威,佢真係個個項目都咁穩定!!!」
專家 dead air 一秒:「係呀,咁中國隊.. (已經唔知點應......)
11. 體操女子預賽,成場的女專家的評論,都聽唔到(因為唔知點收音),開到最大聲都只係聽到雜音,同埋男藝員的發音--香港電視台的廣播質素,開始衰過網台。
12. 馬術主持:馬術呢,就係馬的比賽.... 呢隻馬跑得好快.... 呢隻馬跑得唔錯喎.... 其實馬術,真係唔錯o架... (大家都唔知佢講緊乜... )
半個鐘之後..
主持:太好啦!專家終於來到啦,可以由佢從一個專業的角度講解下...
13. 轉自網友
阿叻 :「 Kobe Bryant 咁勁, 點解仲要打後衛 ?「
......
鏵哥:「中國D訓練方法不及美國。」
女旁白:「美國係..」
叻哥搶住答: 「係靠食物同打針....... 我講緊我D馬...!」
「搵我地同佢地打籃球~不如搵佢地同我地打兵兵波」
14. 某電視台中女主持:「睇番今次中國舉重男子隊的隊員呢.....其實都幾靚仔o架喎!」
我期待,香港電視台節目主持會淪落到咁:「咦?呢位女運動員好波呀!!!」
我懇求香港電視台高抬貴手,唔識講唔緊要,藝員朋友,我寧願你出鏡三十秒任何扭腰跳舞唱 K 都得,唔識就唔好發音,唔發音冇人話你啞的。